انا وعذاب الحب

البارت الثلاثون

ليان ..علي ساعدني ..علي بنى تعاسته على سعادتي وبينلي هو شكد ضايج ومقهورعليه من راح اسئل على امير وصه جماعه ايسئلوله بل كليه حتى ايحاجي بابا علمودي
ظل يسئل تقريبا اسبوعين او كثر وهاي جانت اصعب فتره بحياتي وره ايام وبعدماتاكد انو امير خوش ولد
راح واجه حاجه باباوگله اني سئلت عليه والولد خوش ولد...كتله ليش كول هاذه الشي سويته ..گالي تذكرين
من گلتي اني اعتبرك اخ الي وانتي ماعدج اخ
اني قررت اسأل لان لوعدج اخ جبير نفس الشي راح ايسوي
ليان بعد ما علي حجه ويه بابا وقنعه وافق بابا بس بشرط ايكون زواجنه بل المرحله الثالثه بعدها اجه امير تقدملي وحجزني ماعقدنه لحد العطله الصيفيه
يله صار عقدنه
بعد ما موضوعي انحل وشبعت قهر والايام حسيتها سنين ..بعدها رجعت بل دراسه مثل قبل واحسن
وگمت حجيت ويه ملاك وعمه ونور ويه امها
ليان ..عمه اريد نحاجيج بموضوع اني ونور
گلت نور خلي نحجي اني وياج بل موضوع بعتبار نور اقرب من الطرفين فنور وافقت
عمه ام حسين ..ها عمه احجن شنو الموضوع
نور :عمه انريد ملاك العلي
ام حسين: يااا جاي تشاقن شنو
ليان :عمه ليش نشاقه ملاك خوش بنيه وعلي ميحصل مثلها وعلي موبس خوش ولد علي رجال وتاخذه مراح تندم بيوم من الايام
ام حسين: لحظه هو گاللجن احجن ويه عمتي زين نور امج قابله
نور :موضوع امي خلي عليه
ليان :راح احجيلج الصراحه عمه علي عده اعجاب اتجاه ملاك
ام حسين ..اي وملاك ماتعرفن مشاعرها تره ضجت منكم هيج تره حسيت اكو انانيه بل موضوع
نور..عمه ماكو اي انانيه بل موضوع احنه حاجين ويه الطرفين واذا علي عده اعجاب اتجاه ملاك فملاك تحبه العلي بس هيه تستحي تحجي وياج وسرت ليان بل موضوع قبل سنه تقريبا وليان ماحجت بل موضوع بس من علي حجه وليان گاللها اني عدي اعجاب اتجاه ملاك بس اريد اعرف هيه شنو مشاعرهه اتجاهي يجوز عدها مشاعر اخوه اتجاهي فليان كلتله هيه هم عدها مشاعر اتجاهك وحجينه ويه ملاك وخذنه رائيها بس اجينه حجينه وياكم لان انتو الكبار واني وليان بس ردنه ناخذ موافقه مبدئيه من البرنسس عمتنه
حته يجون الكبار ايخطبون خطبه رسميه
ام حسين :اخر شي جنت اتوقعه انو ملاك عدها مشاعر اتجاه علي وماشاء الله بتي عرفت تختار طبعا علي ابني موبس ابن اخوي ويسعدني اطي بنتي للرجال لان علي رجال وگد كلمته وادري بي راح يسوي المستحيل حتى يسعدها بس بقت امج شلون
نور :الحمد الله اخذنه موافقة عمتي لان امي سهله
نور ..ماما اريد احاجيج بموضوع
ام علي ..يا ماما والله مشتاقتلج ومشتاقه للسوالفلج
نور ..ماما انريد نخطب ملاك العلي
ام علي ..والله اني صح جنت مو على تفاق ويه عمتج ومازلت علاقتي موهلگد وياهه بس من انطيتج وشفت تعاملها وياج وشلون تعاملج مثل بتها لاتغيرت فكرتي شويه عنها واذا علي راغب بملاك وملاك نفس الشي اني ماعندي مانع
نور :واخير اخذنه موافقة الطرفين وبل نسبه للااباء فموافقين لان عمي ابو حسين ايحبني ويحب علي وبابا ايموت على ملاك واذا صارت بيته راح ايعامله ويحبها مثل مايعاملني ويحبني
ليان ..واخيرا راح نخطب العلي
اما حبيبة قلبي نور فصارت حامل وكول يوميه واگعه ومايعه روحه 🤪
ام علي :بعد ماعرفت نور حامل فرحت من كول گلبي بس نور متعوده على دلال هيه ينرادلها واحد يعتني بيها احسها بعدها صغيره بس شسوي ماگدر احجي بس ميخالف زوجها ايحبها ومدللها وهشي مسكتني
وكول اسبوع تجي ليله وترجع ومن ترجع تاخذ روحي وياها واني بغيابها گمت اتعب اكثر من قبل لان ماعدي غيرها بنيه
ليان ..هلو حبيبي لگيتك متصل عليه اسفه ماشفته
امير :عادي حبيبي بس اشتا قيتلج بگد رحمة الله
ليان :تشتاقلك العافيه ياعافيتي وتاج راسي ربي يحفظك الي
امير ..ويحفظج ان شاء الله يله خلي اروح لان ماما تصيحلي
امير :لحظه لحظه
ليان ..ها
امير باجر اكو موضوع اريدج بي
ليان ..شنوه الموضوع
امير :الموضوع طويل مومال تلفون
ليان :اهاااا تمام باجر باجر
ليان بعد مااجه امير وخطبني قررنه ويه اهلنه نلبس حلق لان اذا حجه وياي امير او مشه وياي گدام الكول هو خطيبي طبعا اكو ناس هواي كرهته وكرهتني
لان مصار الي رادوو
ليان :بعد مانور طلعت من البيت كولش تأذيت وصارت شويه عدي گئابه لان متعودين على بعض حيل هيه تبجي من جهه واني من جهه والي صبرني وشويه شويه گام ايطلعني من الجو الگئيب والضوجه هو علي
علي هواي ساعدني صرنه اصدقاء حيل واخوه
امير :صباح الياسمين
ليان: صباح الورد شنو الموضوع الي تريدني بي
امير :اهاااا ولانسيتي بس اني نسيت ..لالا جذب جذب مانسيت واصلآ اجيت على مود هاذه الموضوع
ليان :ها يعني اجيت على عمود هاذه الموضوع مو علمودي لعد زعلت
امير :لايابه مو هيج شعندي غيرج بس الموضوع مهم
ليان: اوك اوك احجي شنوه الموضوع
امير: سيف جان سابقا قبل لااجي واعترفلج جنه مقررين اني ويا لان هو هم عده مشاعر اتجاه زينب
انو نجي نعترفلكم بااخر سنه لان نعرف راح ايصيربينه مثل هاذه الفلم الي صار بي
ليان :لحظه يعني صديقك عده مشاعر تجاه زينب
وانتو جنتو مقررين هيج وانتو شمدر يكم احنه مراح انصير الشخص ثاني
امير :ليان خليني اكمل
ليان: كمل كمل
امير :من شفت ميثم وموضوعه غيرت نظريتي بل موضوع وتدرين ليش هيج جان قرارنه
ليان: ليش
امير يعني گلنه اذا اتزوجناكم شلون راح نصرف عليكم يعني انتو مشاء الله حالتكم ثنينكم الماديه زينه واذا ارتبطنه بيكم غير نوفر لكم مستوى معيشي زين او مقارب المستواكم لان احنه طلاب واهلي احنه وانتن يعني من نرتبط بيكم لازم كو لهاذه نوفره فمن قررنه نرتبط بيكم ونصارحكم فكرنه اني وسيف انو نفتح مشروع ونبدي نشتغل بيه وحجينه ويه اهلنه واهلنه ساندونه بل فكره
وابوج گلي بل مشيه شلون راح تعيشها شلون راح تدفع قسط الكليه مالتها ولذلك اجلني سنه كامله علما الم نفسي وگال اني هم اساعدك بل موضوع ..والي حفزني الحقيقه ميثم من شفته واجه راد يخطبج متت بعد ماتحمل وماصدكت السنه تخلص حته تجي العطله ونبدي بمشروعنه اني وسيف
ليان ..اووو شكد شغلات ماعرفها لعد
هااا بل نسبه الموضوع زينب جدا معقد وهسه هيه ضايجه لان عفتها واجيت يمك متحب تكعد وحدها
امير :اولا شنو موضوع زينب ..
ثانيا :خلي تمشي ويه مروى
ليان :صدوك على طاري مروى تگولي موالعام گلتي ماعدنه شي وياهم شلون هيج ايحبج وخطبج
امير ..هيه هيج تكول
ليان :كتلها يعني اذا هو معجب بيه او يحبني
وشفته خوش ولد ليش مااقبل بي يعني صح حلو نحب شخص ويحبنه وبعدين يجي يتقد ملنه بس مرات اذا يجينه شخص زين ليش منوافق عليه
امير :امممم هيج جاوبتيها
ليان اي
بل نسبه الموضوع زينب فااني يأئسه من هسه گولك
امير :ليش يمعوده
ليان :لان زينب اكو شخص جان بل نسبه الها كولشي ومات وبعد ما مات قررت متحب ولاتزوج اي شخص ولو اني دائما احجي وياها بس بدون فائده
وانته حاجي سيف بلكت يگدر يقنعها ويطلعها من هاي الفكره الي عايشه بيها
امير :احاجي طبعا واصلا راح اروح ولو اني هسه انصدمت بس الي عليه اسوي وراح اخلي يحجي وياها وانتي هم بلكت تغيرين فكرتها
ليان :ماعدي اي مانع احجي وياها بس ادري ماكو اي فائده
امير :ميخالف حاولي
ليان :ان شاء الله
امير ..سيف حجيت ويه ليان وگالت موضوع زينب ويائسه منها لان الي فهمته منها اكو شخص جانت تحبه وهشخص مات
سيف :امير صدوك تحجي امير لعد شسوي بهيج وضع
امير: ماعدك غير خيار واحد هو تحجي وياهه مباشر
سيف :هو هم هيج راح اسوي بس خاف تصدني
امير :انت حاول بلكت متصدك
سيف :هو راح احجي وياها بس حاجي ليان
انت
امير: لعد انتضر
سيف :اوك
امير ..ليان انتي وين
ليان :بل نادي كاعده يم زينب
امير: ليان سمعي سيف ايريد يحجي وياها يعني هيئي الجو
ليان :تمام
امير :ليان راح تحجي وياهه حته تحاجيها
ليان :زينب شوفي صارلي ساعه احجي خلي الولد  يحجي وياج وايريد يجي هسه
زينب :مالي خلك اي شخص
ليان :تذكرين ميثم من كلتي خلي نشوف شيريد وخليتي يكعد ويحجي وياي
انتي هم شوفي سيف  وخلي نشوف شيريد
زينب :يعني شيريد مثلا
ليان :وشعرفني اني داخله بگلبه مثلا حته اعرف
زينب: مامرتاحتلج احسج تعرفين وظامه
ليان .. يووو زينب تره مالي خلك احجي
سيف ..امير ..سلام عليكم
سيف .. ممكن احجي وياج شويه
امير ..ليان تعاي اريدج
ليان ..تمام جايه
سيف ..زينب اني جيت اعترفلج وعرفت اكو شخص ماخذ گلبج وعقلج وهشخص انتي متعلقه بي حيل والي عرفته هشخص متوفي
بس حبيت اسمع منج الموضوع
زينب :كول لي سمعته صح اني اكو شخص جان ايحبني واحبه وجان بل حشد وجان موعد خطوبتنه بل عطله وعدني وره الامتحانات بس الموت ماقبل نجتمع 😭ونزل للساتر وره ماوعدني وره شكم يوم سمعت بخبر وفاته 😔💔بعدها انتهيت وقررت حته كليه ماادخل بس من وره كلام امي والناس رجعت والي خلاني ارجع لان امي مريضه بمرض القلب جانت وجانت حالتها خطره ومازالت مرات تتخربط فماگدر اخسر ثنين اعزاز بنفس الوكت فقررت ارجع وشمااحجي ماگدر اوصف كميه الحزن وإلم الي عانيته ومازلت اعانيه فماگدر اتقبل اي شخص بعده هو جان يعنيلي الحياة من بعد امي وراح
سيف :اني مااعرف شحجي بعد لي حجيتي بس راح اگولج شي لازم طلعين من الجو الي انتي عايشه بي وراح اگولج اني احبج واتمنى تصيرين من نصيبي بس ضاهر الحياة موبس انتي ماقاسمتلج تفرحين اني هم مامقسوم افرح بس ذكري شي واحد راح احبج وراح اظل انتظرج لحد مايجي يوم وتحبيني اني بعدلي سنتين وانتي بعدلج وياي سنتين وانتي شاء الله ا طلعين او تتغيرين مااعرف بس اتمنى ماتقبلين بشخص غيري اتمنى
زينب :مال انسى ماتوقع هشي راح يصير اما تگول لاتقبلين بغيري بيوم من الايام.. سيف مراح اقبل باي شخص واذا ردت اقبل بشخص فراح اقبل بيك لان انته خوش ولد وهاي الحقيقه
سيف :زينب اني راح انتظرج هاي السنه بلكت الظرف يتغير وانتي هم تتغيرين
زينب :واذا ماتغيرت راح تنسحب وتحب او ترتبط بشخص الثاني
سيف :راح انتظرج مو سنه الحد اخر نفس وعد مني واني اذا وعدت بشي اوفي بي
زينب :الله كريم نترك كولشي للزمن افضل
سيف :ماشي اني اترخص بس لاتنسين اني احبج
زينب ..
بعد الحجي الي حجا سيف وياي تأذيت عليه حيل لان تمنيت احمل نفس المشاعر الي يحملها واتمنى اگدر انسى ذو الفقار او اتناسى بس راح اترك كولشي للزمن هو ايداوي جروحنه والمنه ويحل مشاكلنه
ليان :بعد مااجه سيف واحجه ويه زينب
زينب مااگول قبلت بي بس نگول انطته وعد انو اذا رادت ترتبط او تقبل بشخص راح تقبل بسيف هاذه جان مثل الوعد الي انطته السيف