انا وعذاب الحب

البارت الثالث والعشرون

ام حسين ..يمه ولدي مطشرين كول واحد بيت
ام حسن ..اي قابل مخليتهم  بايتين بيت غربه 
ام حسين لايمه مو هيج
يمه شسويلكم ريوك
ام حسن ..بكيفج يمه
لان كو ل يوميه مرت اخوج ام علي الله يوفقها هيه تسوينه ومرات ام ليان
ام حسين :اي اي يمه
ام حسن شوماعاجبج ولج هاي مريت اخوج ورده خوش يله لاتحجين عليها واذاماتكدرين هسه ادز عليها تسوي ومتكول لا
ام حسين :يمه والله كلامج على راسي بس ماحجيت شي
ام ليان ..ها احمد تكدر تكوم تجيبنه ريوك قبل لايكعدون اختي والبنات
ابو ليان :يي يله كايم
نور :هلو بنات صباحوو
ليان :صباح الورد والياسمين
ساره ..ملاك.. صباح الخير
ليان مثل ماتفقت وياكم نطلع من الباب ننسه كولشي
البنات ..اي اكيد
طبعا مشت الايام والكل رجع الوضعه الطبيعي
ليان هلو زنوبه صباح الخير
زينب  صباح الورد
زينب ..المحاظره مجاي تنهضم عدي ابد احس بيها صعبه
ليان :اي اني هم جاي اشوفها هيج
خلي انكول للدكتور اعيدنه شرحها لان مجاي افهمه
زينب :اي نروحله ليش لعد
ليان :اوك
زينب :صدوك حددو امتحان الكورس الاول بعد سبوعين
ليان :ياربي من يجي طاري الامتحان مادري شيصير بي هاي عود احنه مسيطرين وقارين وهيج بس يله الله كريم ان شاء الله الله يكوف ويانه ويوفقنه ان شاء الله
زينب :ان شاء الله
ساره  :شويه راح اعرفكم على وسام
اسمه وسام
مواليد 96
يداوم بل جامعه وياي  بس هو مرحله رابعه
واني  مرحلة ثالثه
وسام متلحق بل حشد الشعبي
طبعا شكد مااحجي بحق الحشد قليل
على التضحيه الي ضحوهه في سبيل يوفرون الامان النه
كول الاحترام والتقدير الهم والتضحياتهم
والله يرحم كول شاب ضحى بحياته حته يحمي هل البلد
؛و شما اكتب عنهم قليل بحقهم بس راح اكتب شعر الهم ..الشعر مواني كاتبته بس كااهداء الهم ؛
.. شفت اخضر مرقط لبست شبان
كلت فزعة زلم والفزعه معروفه
امسابك عالمنايا وماتهاب الموت
بحلك الموت صار الموت سالوفه
تستعرض زلم فوك الوطيه ليوث
تخلي الماتهون تهون مجتوفه
شنهي انت يداعش لاتظن فدشي
انت خيال يرجف موتته بخوفه
انت الماكو مثلك  ..اي نعم ليش
لان لااصل عندك لا الك شوفه
احنه ويه التفك رابين يوم بيوم
اششتظن انخاف من عبوات منسوفه
داعش لاتحاول توصل البغداد
ولد الملحه اجوك صفوف مصفوفه
من سامراء تطلع موصل وتكريت
بيان تصدر وماتحمل حروفه
اجينالك عزم لا مانكول اجبال
اجينه ارواحنه بالعلم ملفوفه
هاذه اقل شي اقدمه الهم شعر بسيط ؛

وسام غير هواي من افكاري  بعد ماجنت  كارهه شكو شاب على وجه الكره الارضيه
غيرني غير فكرتي  الي جانت عالقه بالي
حسسني  مو الكل سوه اكو تاج على راس واكو حرام ايحطو ظمن قائمة الرجال
راح احجيلكم   شلون تعرفنه على بعض
وسام ..اساور هاي البنيه خبلتني ليش هيج منعزله
وسام تعرف على اساور علمودي
اساور ..وانته شتريد منها خليها براحتها هيه گالبه  على الكل
وسام اكيد اكو شي غيرها لان منتبه الها شلون جانت ومن البدايه عاجبتني بس جنت متردد بس من صرت بل حشد كلت اخاف اموت باي ساعه لازم اعترفلها واني البنيه حابها ورايدها بل حلال
اساور ..اي اوك روح حا جيها بلكت تقبل تحجي وياك لان احنه علاقتنه صارت شبه رسميه
وسام :زين انتن صديقاتها ومقربات عليها شعجب ماحجتلجن وانتو ليش مالحيتوا عليها حته تحجيلكم
اساور ..يااا شبيك وسام دا اكولك متتقبل اي شخص يحجي وياها سألنها ماقبلت تجاوب وشكد حاولنه وياهه بس مفاد
بما انو انته عبارة عن كتلة امل وطاقه مثل يكولون عليك حاجيها وشوف تتقبل كلام منك لو هم ترفضك مثل مارفضتنه
وسام :راح احاجيها واحاول وياهه مره ومرتين والف لحد مااعرف شنو السبب الي وصلهه الهيج شي
اساور :ياريت لان احنه حيل متأذين عليها وضايجين بدونها ومشتاقين للسوالفها
وسام :راح ترجع وسام اذا وعد بشي ايسوي الحد اخر نفس
اساور :واثقه بيك وروح احاول وانته من جهه واني من جهه وان شاء الله ترجع مثل اول واحسن
وسام :ان شاء الله
وسام  :سلام عليكم
ساره  :وعليكم سلام شتريد
وسام :مرايد شي بس ردت اسأل سؤال واروح
ساره: ماعدي جواب الااي سؤال تريد تسأله واكو هواي بنات غيري روح اسألهن
وسام :شكرا ورده واعتذر لان سألتج وضايقتج
ساره: على شنو جاي  تشكرني
وسام: غير طردتيني 😁
ساره: هاذه ليش هيج يضحك
وسام :شكلتي
ساره :مكلت شي واترخص من حظرتك
وسام :براحتج ورده
ساره: هاذه شبي ليش هيج ايعاملني
حسن :صديق وسام
حسن :هله بظلعي 
وسام :شكو اكيد عدك شي
لارا :صديقتة حسن وسام
لارا: يعني اله اكو شي احنه نحبك وسومي ماعتقد اكو واحد ميحبك
طبعا لارا تحب وسام
شكرا خيتي الورده هاذه من ذوقج
لارا :من كال هيج ماتت من الحركه لان وسام شاك بيها تحبه وهو يعتبرها بمقام اخته فمايريد ينطيها امل حته من البدايه تعرف
اني نصدمت من حجت ويا هيج وهيج عدها ميانه 
والهدرجه محبوب والكل ايحبوو
اوو واني شيخصني بي حبو او لا
مراح يهمني
اروح ادخل محاظره
وره ايام هم اجه  حاجاني
مرحبا ورده تكدرين  تحاجيلي وحده اسمها اساور
هيه عدكم بل قسم
ساره :وليش تسألني الي وليش اني احاجيها متروح انته تحاجيها
وسام :لان جنت اشاوفها تمشي وياج ومبينه علاقتكم قويه جانت فاكلت اذا شفتيها كولليها وسام اجه ايريد ايحاجيج
ساره مااحاجي اي احد اذا تريد روح انته حاجيها
وسام :اوك شكرا
ساره: هاذه ليش هيج يحجي عود راح ايخبلني اطردة يشكرني
عود شنو هاي معقوله اخلاقه هيج عاليه
وهم مرت ايام واجه حاجاني
سلام عليكم
ساره: انته متفهم مااحب احجي ويه اي شخص
اكره ..وسكتت وكمت ابجي  ..وسام ..شنو تكرهين
ساره ماكو شي
وسام :اني جدا اعتذر ماقصدت اضوجج
ساره اترخص
طبعا وسام مات من القهر عليه وجاي ايحاول واني ارفضه وتلاث مرات رفضته ومايأس ابد لان جان صدوك ايحبني ورايدني
مرت ايام وسام نزل وتأخر وسمعوا اكو شهداء وشاكين بي
وشفت اساور مقهوره وتبجي
وبهل فتره اني بديت شويه شويه ارجع الطبيعتي 
ساره :شبيج اساور
اساور.. تعجبت على ساره شلون اجت وحاجتني  مثل قبل
اساور: اخوي وسام
ساره منوه
اساور :الي اجه حاجاج
ساره: اسم لله شكو شبي وانتي ليش تبجين مجاي افهم شي اساور
اساور :تلفونه مغلق صار شكم يوم واهله يتصلون بي ماكو رد
ساره: شنو يعني
اساور لج ساره المفروض قبل اربعة ايام موجود يم اهله
واكو شهداء بل المنطقه الي هو بيها
وشاكين انو هو واحد منهم
ساره :لالا ان شاء الله ماميت لان اني شكم مره طردة واسلوبه جان جدا مهذب وابد ميرد كلامه جان جدا هادئ
اساور :ساره شبيج هدئي
ساره ..لج اساور اذا مات راح اظل متندمه على اسلوبي ويا وهو شلون جان رده ابد ميضوج ويعصب
ثنينه كمنه نبجي
اساور :اذا وسام طلع عايش راح تخلي يحجي وياج لو هم ترفضي

ساره اني مااحب احجي ويه اي شخص بس اذا جان عده شي جدا مهم
اي ارضه احجي ويا
اساور: لج وسام ايحبج وجان ايحاول وياج وانتي ترفضي
جنت اكوله راح ترفضك لان احنه رفضتنه قبلك
كال احاول مره ومرتين والف الحد مااعرف شنو سبب الي وصلها الهل حاله
ومايأس بس اخر مره رفضتي مات قهر
ومانقهر لان رفضتي انقهر لان بجيتي
لان هو ايريد يحاول ايطلعج من الجو الي انتي بي ويخليج تضحكين وتفرحين
صار العكس وكمتي تبجين
ساره: كافي كافي راح اموت والله
انتي عدج تواصل ويا
اساور اي
ساره اني راح اطلع اذا اظل هنا اموت واذا عرفتي اي شي رديلي خبر
اساور :اكيد
ساره :جنت عبالي  ايحب اساور وماجنت ضايجه  من هشي بس عبالي ايحب اساور وماجنت متوقعه علاقتهم اخويه هيج
ساره :ماما تكدرين تجين تاخذيني
ام ساره :ماما خيرج خو فتيني
ساره :ماما تعاي اخذيني
ام ساره ..شكو غير اعرف وتردين طلعين هيج وكت حته المحاظره الاولى مابدايه
ساره: ماما داكولج تعاي اخذيني بسرعه
امي  جان دوامها ظهري
جايه هس بس انتي بيج شي تره وكف كلبي
ساره :لاماكو شي بس تعاي اخذيني
ام ساره: متاكده تره متت
ساره: اي ماما بس اني مالي خلك شويه وماكدر ابقه
ام ساره :ها جايه جايه
اجتي امي وشافتني ابجي وضعي  ميطمن ابد فأسلتني  ومن وصلنه للبيت وحجيتلها كولشي
وامي ظلت اتصبربيه وتدعي كون وسام مابي اي شي ويرد الااهله سالم
ام ساره.. يمه كومي  اكليلج لكمه يمه ميصير تسوين هيج
صارت الدنيا العصر واني ماماكله شي وبعدها خابرتني اساور

اصعب لحظه بحياتي جانت لان كالتلي   انطيج خبر اذا عرفت شي عنه فجان شي جدا صعب عليه لاگدر ارد ولااگدرارفض 
فتحت الخط  واني  ميته من الخوف
اساور: ساره شبيج ليش متردين
طبعا شفت صوت اساور مايدل على حزن
صوتها تحجي براحة عرفت ماكو خطر بل موضوع واني بل كوه يطلع صوتي من الخوف والبجي وجنت
  اخاف افتح خط وخاف تكولين شي موزين
اساور.. ساره
ساره: شبيج شكو متحجين اساور تره ظغطي هبط
اساور..؟؟