TELEFON (papiamentu)

#2 E KAS E KAS TA BON TRAHA

Chris Daantje ,kurpa haltu gusta hunga basket den su tempu liber. E ta doño di su mes kompania di konstrukshon CD Constructions. For di chikitu su talento tabata den traha ku su man nan. Apesar di ta bon siña I ta doño, ainda e gusta traha den bouw. Tur ora e ta bai wak ora tin trabou I uza e preteksto ''lagami mustra bosnan ta kon pa e hasié''. Si bo no ta sa ku ta e ta e doño lo bo a kere ku e ta gewoon un trahadó. Su kurpa ta forma pa motibu di tur e trabou físiko ku e ta hasi. Tur ora e ta bisa ''nan ta paga mi pa train gym ku e trabou aki.'' E ta kolo brùin kabes limpi ku hopi barba

Ta Djabièrnè I Chris ta bisa su trahadónan ku un tono alegre ''awe ta djabièrnè, I ta fin di luna. BAKA ta yèn yèn di sebu...Hoy se bebe rumannan. Bosnan bai kas numa i gasta poko sèn ku e yunan. KORDA mi di yu Si. No muhé na bar ku snek''

Tur e trahadónan ta bai kas I Chris ta keda limpia. Hisa i warda e diferente saku di sèmènt nan ku a keda habri I basha e hèmber nan di awa afó. I listra wak rònt ku tur kos ta oké. Kanando pa bai basha un Hèmber di awa afó su telefon ta rin. Chris ta kué '' Hey kampeon, Si si nos a hañ'é. oké bon, e ta bira djaluna e ora ei. Un felis Wikènt. Danki..

Chris ta sera e telefon I ward'é den su saku. Kanando ku e hèmber e ta mira asina un klabu frusa. E ta pensa den su mes bo ''trapa riba e koki ta poli mes ora''. E ta bai buk kué I su telefon pa su di malu ta sali for di e saku kai nèt den e hèmber di awa.

AWA BLOU BLOU

Chris ta rabia ku su mes ''Shit, shit shit hòmbu fuck swa....'' E ta kué e telefon sakudié pero nada morto morto. ''Sikiera mi no a paga hopi sèn pe pero mi mester di un telefon''. E ta para un ratu ketu dal un rosea grandi kué e hèmber sigui kana. E ta sinti ku tin manera un zonido su tras. E ta wak su tras I ta mira un figura den su skina di wowo. Ora e bira kompletu pa wak e ta tende

''Che che ki wega tin?''

Ku un tiki alivio paso ta un hende ku e konos'é i no un posibel atrakadó Chris ta kontesta ''Hey Blo Blo !''.

Blo Blo ku apénas tin forsa pa papia ''bo mes sa nos tei. Ki di bon? hamber ruman.''

''mi a bisabu vários biaha legumai e droga ei, dia bo laga e ko'i mi tin trabou pa bo sua..tur ora mi ta bisabu.''

Blo Blo ta kontesta lihé pa kambia e tópiko aki ku e no gusta niun tiki ''si si...tende aki mi tin un telefon bende bo.''

''Serio? Anto di mi a kaba di pasa pa un mihó mundu. Kuantu bo ta bende ? basta no ta kos hòrtá si no?''

''no no no no, no insultá si mi che che, mi por ta chòler i mi por ta tur sorto di kos pero ladron si no.'' Blo Blo ta bisa ku un stèm djis un tiki iritá pa e remarke di Chris. ''abou mi a hañ'é benta. Mi tin par di dia ta kana kuné kaba, niun mensahe Nami 10 mes pe ta bon.''

Chris ta pensa I ta kòrda kon blo blo a bis'é ku e tin hamber. ''Si mi na bu sèn ki bo ta bai hasi kuné? ''

''kumpra pan noooooo mi tin hamber''

''mi no ta konfiabu ku sèn, bo ta kapas di tumami hasi bai mata bo kurpa ku droga. Bo sa kiko ta pasa wardami kabai aki nos ta ban''. Chris ta kana bai den su pickup Ford F250 rèk man den un jug patras saka un Gatorade I duna Blo Blo. ''wardami kaba aki den nos ta ban ''.

Chris ku Blo Blo ta drenta e trùk I djis lora den banda yega para na un toko - snek Chines. einan nan ta baha huntu. I Chris ta splika ku un tono amigabel ''Ling bon tardi. Hasimi e fabor aki. Duna Blo Blo kiko e ke di kome I bebe I mi ta bin paga bu tur kos Djaluna. I Blo Blo: na e lugá di trabou di unda nos a sali tin un kama patras kaminda e guy nan ta rùst..mi ta na bu par di paña ku mi tin den e trùk. Tin un duch chikí tambe pa bo dal un baño. E no ta luho pero e ta mihó ku keda riba kaya. Kòrdá baña promé bo drumi riba e kama si.''

Blo Blo eksitá''danki danki Che che dios bendishonábu bròder''

''Djaluna ora mi bini nos ta wak e kuenta di bai Brasami'' Chris ta splika ku un stèm firme;

''No kuminsá Che Che''.

''serio mi ta..Blo Blo no por sigui asina aki, ta duel mi mirabu asina aki.''

Blo Blo ku no tin un kontesta pa loke Chris a bis'é ta simplemente saka man i duna Chris e telefon.

Sherman (blo blo) Comenencia--sla nan di bida a buta ku e a buska su felisidat den Droga. Bou di tur e sushedat di kaya ei tin un bon kurason ta bati. Promé ku e droga a apoderá di su bida e tabata un bon karpinté. E konosé Chris for di chikitu i tin hopi kariño pe. E ta kasa aunke te dia di awe e no sa ku ken. Nan a djis ofresé 200 florin poko aña pasa pa e kasa ku un dama dominikana djis pa papel. E ta di kurpa kòrtiku i dòmpi. Mas ku klaro e mal nutrishon i e bida sushi ta but'é parse hopi mas bieu di lokual enbèrdat e ta.