Dave tin basta ratu sin bebe. Durante e dia alegre aki e la balotá su forsa kontra alkohòl un tiki. Awor ku e a subi trapi e a ripara kon pisa su kabes ta bira. E ta mirando tur kos dòbel.
Asina e yega ariba den kamber e ta benta su kurpa riba kama i pega soño kasi mes ora.
Deja a bai baña i a sali for di baño haña Dave morto na soño. Su deseo tabata pa tòg nan hasi amor promé nan drumi. E lugá bunita i e alkohòl a hasié tipsy i hisa su gana.
Un tiki desapuntá e a ta sende e televishon pa tira bista kiko tin pe wak. Pero niun kanal no ta traha. E ta kòrda ku Chris a bis'é ku Internet i TV no ta instalá ainda.
Tambe e ta kòrda ku e a mira par di DVD abou den sala. E ta lanta tapa Dave dun'é un sunchi. E ta bisti un bata riba su babydoll i baha trapi pe bai wak TV.
E ta topa un DVD set di True Blood.
Ku smak e ta hinka e disc den e player kue e remote i benta su kurpa den e sofa super kómodo i wak TV.
Un par di ratu despues e ta pensa ku un tiki biña lo hasi e momentu aki perfekto i kòrda riba e white Zinfandel ku a keda na mitar. E ta disidí di kana bai den kushina kue un glas di biña lab'é i habri frishidèr yen'é ku e biña.
Kanando pa bai bek den sofa e ta tira bista pafó i apresiá e bunita paisahe di e pool i kon streanan i Luna su lus ta bria riba e awa di laman. Den su skina di wowo e ta mira un figura. Ora e wak bon e ta mira ku ta Chris ta drumi ku headphone bisti den e beach chair.
Manera semper e gusta molestiá Chris i su promé pensamentu ta pa slùip i spanta Chris. E a kuminsá kana poko poko yega te na serka tras di e stul di Chris sin e ripara nada ainda.
N'e momentu ei e ta pensa mi ta bai spant'é, pero nèt ora e a lanta para tras di Chris su mente a vries. E no sa ku ta e alkohòl òf ta e bista pero su mirada a keda di lòk riba e kurpa forma di Chris ku ta drumi ku un shòrt di basketbòl bisti.
E ta keda wak e di ariba te abou i promé ku su pensamentu sigui bai un kaminda prohibí e ta disidí di no spant'é mas i kita su rùst.
E ta kana pasa banda di Chris i pasa su uña nan riba su skouder. Pa tòg molesti'é.
Chris ta spanta i move. Dor ku e a move su garganta ta kaminda su skouder tabata poko sekònde pasa.
E man di Deja e ora ei per ongeluk ta sigui pasa suave i karisia su garganta na lugá di su skouder.
E sensashon aki a duna Chris kippevel rònt su kurpa. E ta wak den banda nèt ora bientu a supla bula e bata di Deja habri. ''Please no para please no para e a pensa den su mes.'' Miéntras e no por kita su wowo nan for di e kurpa sexy di Deja.
Deja tambe ta ripara ku Chris ta wakiendo su kurpa. E babydoll ku e tin bou di e bata no ta laga masha pa imaginashon. N'e momentu ei e ta sinti manera tin un angel riba un skouder i un diabel riba e otro.
E angel ta bisando e '' e kos aki no ta bon STOP''
Diabel ta bisé ''Lag'é wak, bo tambe a wak, i ba gusta , ta su bùrt awó, wak kon eksitá bo ta birando djis sabiendo ku e ta wak. Bo dam a haña buraku kaba i ta koriendo awa''.
Chris ta haña un sekònde di klaridat i kita wowo mes ora bringando su mes deseonan. E ta kita su headphone ''D Ki mishi bu lanta aworakí ta mi a strobabu? Ta e zonido a lanta bosnan''
Deja ''no , no ta abo. mi no por drumi, ma bin wak televishon abou i mi a mirabu drumi aki fo. Kiko abo ta hasiendo?'' ki mishi abo lanta?''
''ki bo tabata wak? True Blood? Mi ta kòrda kuantu bo tabata gusta e serie ei mi a wak e spesial p'abo. Mi tampoko no por a drumi. E eksitashon di mira nos tur huntu a hasimi hopi kontentu mes. Ainda mi ta sinti e eksitashon. Bo sa manera mucha ku no por drumi e dia promé ku e promé dia di skol? Asina mi ta sinti aworakí. I Dave? unda e ta e tampoko no por drumi?''
''E si a drumi. E alkohòl a traha kuné. I mi sa presis kiko bo kemen.'' Deja ta bisa Chris purbando di no tin eye contact pa e tentashon no apoderá di dje atrobe.
Deja ta sinta na un stul banda di Chris.
Chris ta ripara ku Deja ta sintiendo friu i e ta dun'é un sèrbètè grandi pe tapa kuné.
Asina nan ta keda drumi band'i otro kombersando di tur kos i di nada pareu wakiendo e Luna i streanan.
SHARE SHARE SHARE
Dave ta drumi den kamber I su rùst ta wòrdu stroba dor di algu. Leu aya e ta tende un zonido. Poko poko e ta biniendo bij i su wowo nan ta habri.
E zonido ta bira mas duru.
Ora e lanta kompletu e ta realisá ku ta su telefon ta tril i ta sakando zonido. Dave ta bula lanta kue su telefon ku a haña yen mensahe. Ora e check wak e ta mira ku e a haña e mesun video mas ku 100 biaha.
Den su mes e ta pensa ''straño ma kere Chris a bisa no tin señal. Kisas Internet di bisiña? I ta ken ta mandami video aworakí? I 100 biaha? Wèl mi ta lanta kaba mi por bien wak ki e video nan aki ta numa.''
Ora e wak e video kasi su kakunbein ta kai. E video ta mustrando Deja su kasa teniendo relashon ku un hòmber. Rabia ta drenta su kurpa pero e kier sigui wak kiko mas e video di mala muerte aki tin pa mustr'é.
Su wowo nan ta yena ku awa i su moketa ta sera di un kombinashon di rabia i tristesa. Ora e wak mas e ta mira ku ta su kasa Deja ta teniendo relashon ku Chris.
Furioso e ta bula lanta rabia for di kama. E no por pensa nada mas i ta imaginá e diferente manera nan ku e lo mata Chris. E ta habri e porta di kamber dal e sera duru i bula baha for di trapi. Bahando mas ku dos treede kada bes.
Ora e yega abou e ta buska rònt i mira Chris ku Deja sinta pafó ta papia.
E ta kana duru grita ''CHRIIIIIIIIS"
Chris ta lanta para pa bis'é bonochi . Dave ta dal Chris un moketa di sorpresa. Chris ta tambaleá bai kai.
Chris ta bula lanta i bisa '' ta kiko falta bo? Loko bo a bira''
Deja ta para den banda den shòk sin por papia sin por move sin por hasi nada.
Dave ta kore bini bolbe dal Chris un moketa mas i bula riba dje yen'é ku poko gòlpi eibou.
Deja ku porfin a sali di su shòk ta bisa ''BOSO STOP BOSO STOP " yorando "POR FABOR STOP.''
E ta bai pa tene Dave pa nan stòp di bringa i Dave ta push'é un banda. E èlebog di Dave ta dal e nèt den su wowo i e ta grita auw kore kabei gai kai den e bar. Vários bòter ku kèlki di glas ku ta den e bar ta kai kibra abou.
E bochincha i gritamentu aki ta alerta Bianca ku Martin. Nan ta kore bini abou bin wak kiko ta pasando.
Chris ku a wak kon Dave a dal Deja, ta pèrdè kabes i haña un rabia animal. E ta bòltu Dave fásilmente for di riba dje i his'é ariba dal abou kontra di e flur. E ta subi sinta riba Dave i kuminsá batié.
Den su rabia e ta batiendo Dave asina feros ku e a habri e kara di Dave tur na herida pintando su mes man nan kòrá.
Deja yorando ta bisa ''Chris STOP lag'é na pas''
E stèm di Deja yorando ta but'é snap back for di e hipnósis di rabia ku e tabata aden i e ta realisando kiko e ta hasiendo. E ta lanta para for di riba Dave i bai serka Deja.
E ta tene Deja pa puntr'é si e ta oké.
''HALA BO MAN , LAGAMI NA PAS'' Deja ta grit'é. E ta djis bek I duna Deja un sèrbètè pe tapa su wowo kuné.
Deja yorando I ku no ta komprondé nada ta bai mas serka di Dave i puntr'é ''Ki a pasabu? kontami please ki ta pasando?''
Dave ta saka su telefon i benta Deja kuné.''wak e p'abo mes puta. Ba kere lo mi no a haña sa di abo ku e desgrasiado ei ? Mare boso por muri, bosnan meresé otro.''
Deja ta fangu e telefon i primi play wak e video.
YOU ARE READING
TELEFON (papiamentu)
Mystery / ThrillerUn Grupo di amigu ta realisá kon frágil amistat ta ora maldishon meskla ku teknologia. E pregunta no ta si nan amistat lo sobreviví sino ku si NAN mes lo sobreviví. Ring ring Telefon p'abo !!!
