TELEFON (papiamentu)

#11 DERA BO SEKRETO

Bek na e wikènthùis

Ora Deja kita wak e video e ta kita e sèrbètè I e tin asina un wowo blousa. E wowo no por ni habri di hincha ku e ta. Bianca ta kore bin tene su amiga I puntr'é ''ta ken a dal bu Deja ?''

''Ta e desgrasiado infelis ei Chris ta bisa rabia'' mustrando riba Dave.

Bianca tambe ta rabia i bisa ''nada nobo no ta promé biaha ku e ta dal e''.

'KIKO?? Mi ta mat'é '' Martin ta kore bin tene Chris pa e situashon no sigui eskala ''lagami bai Martin mi ta mat'é.'' Chris ta grita miéntras e ta pusha Martin fásilmente for di dje. Nèt ora e ta kla pa dal Dave atrobe Deja ta tene ''I bis'é stòp''.

Deja ta bira wak Bianca I bis'é ''mi a kere bo por a tene un sekreto e kos aki tabata entre ami ku abo so. Bo a primintími Bianca''

Bianca ta kontesta ku un airu ''mi no por yuda. Ami no ta yen sekreto manera bo.''

Deja ta bisa ''no abo ta dera bo ta dera bo sekreto nan. !!''

Martin ta gosa stiekem di e momentu aki. Semper e tabata tin un tiki rabia riba e hendenan ku bida perfekto i ku ta sinti nan mihó ku tur otro nan aki. E tin su telefon den saku por si akaso nan bringa atrobe e grab'é. E ta sinti su telefon tril I e ta sake wak. Riba su telefon e a haña un video message. E ta wak e video ku ta ilustrá Bianca diskutiendo ku un hòmber den un kantor. Ora e wak mas mihó e ta realisá ku ta e èks kantor ku Bianca tabata traha na dje na Hulanda. E hòmber ku e ta diskutiendo kuné ta un èks kolega ku e a yega sera konosí kuné. E diskushon ta basta fuerte. Tur dos ta zuai man pero e no por tende bon kiko nan papiando. Diripiente e video ta haña zonido tambe I e ta tende e hòmber ta bisa ami no ke e responsabilidat ey, e koki lo destruí mi bida. E lo destruí mi matrimonio.

Bianca tambe ta grit'é bek ''bo matrimonio? mi relashon awó? Tur e kos kubo a bisa ? nos lo asumí e responsabilidat HUNTU. E no ta di mi so. Ta dos hende mester pa krea un BABY.

E palabra baby ta pasa manera kuchú den e kurpa di Martin. Kòrtando tur feeling I abilidat pa pensa I move. Sin por ni sikiera knipoog e ta sigui wak e video.

E siguiente esena ta mustra Bianca sinta den un klínika tur tristu ta manda par di voice back and fort ku un persona riba whatsapp. E persona ta Deja. E ta tende kon e voice di Deja ta bisa ''no Bianca bo ta sigur? Bo por bek ainda.'' Kisas esaki ta e úniko oportunidat den bida. Bianca ta voice bek '' kon otro lo por? Mi ke salba esun tiki felisidat ku mi tin aki ku mi matrimonio.

Un persona ku un bachi blanku ta kana bini serka Bianca. Na su karnèt bo ta mira ku e ta un dòkter.

E dòkter na hulandes "promé nos sigui mi ta puntrabu pa delaster biaha bo ta sigur? Bo ta bai di akuerdo ku e Abortus".

Ta manera ora koriente bai den bario mardugá, un inmenso suku i un silensio inkómodo. Asina aki e kurason di Martin ta sinti,miéntras un drùpel di awa ta kore for di su wowo kual ta un kombinashon di rabia, tristesa I desapunto. Su mente ta drenta overdrive pa desifrá I laga tur loke e a kaba di mira make sense. Pero AWOR e ta komprondé tur e plan makabro aki. Tur kos ta pega manera un pùzel.

Hinter bo embaraso tabata un engaño anto Bianca.

No e no tabata un engaño en bèrdat mi ta kier a krea un famia kubo. Dia nos a pleita mi a faya I drumi ku mi èks. Despues mi kubo a drecha bek I mi a sali na barika. Mi duda nan a butami hasi tèst I e yu no tabata di bo. Pordoná mi, ta pa amor mi a hasié mi no kier a pèrdè bu.

Martin rabia ta grita, ''si bo tabata stimami lo bo no a bai kai den brasa di bo èks kolega. Bo a bisami ku nos a pèrdè e yu Bianca. Nos a hasta buta entiero pe. Bo a butami yora I dera yu di hende. Ta p'esei bo no por haña yu mas. Te abortus ta bo kastigu pa restu di bo bida . Mi a hasta kasa kubo paso mi tabatin duele di bo. Bo no a mata e yu so bo a mata nos relashon tambe I awor e amor ku mi tabatin p'abo. E delaster dos luna nan di bida kubo tin lo bo pas'é bo so.''