TELEFON (papiamentu)

#8 YAMBO BIEUW

Poko aña promé

''Serio bo ta fòrsami bai kubo D''. Chris ta bisando na telefon. ''Bo sa muchu bon ku mi no ta amante di fiesta''.

Deja ''aynooo please basta di hasi ko'i mal ehèmpel porfaaaaa, despues lo mi laba tur paña p'abo si bo ke limpia kas whatever, pero ban si , siiii? .

''Mi a primintí Dave ku mi lo tope einan please please. Si bo ke bo ta bai ku mi kompañámi te ora Dave bini i despues bo por bai kas bek.''

''Oké, bon D mi ta pasa wak bo.'' Chris ta bisa ku un tono derotá i halando un rosea grandi.

''YUUUPIIEEEEA'' DAAAANKIIII CHRIS MI DUSHIIIII''. Deja ta grita duru na telefon.

Par di ora despues Nochi ta sera i Chris ta drenta su outo pa bai buska Deja.

E ta yega pita dilanti porta di kas kaminda Deja i su mayornan ta biba. E tata ta sinta den balkon ta lesa korant i e mama di Deja ta sali hisa man. I bisa Konta Chris ,''konta ku mama? Konta bayendo ku nan trep na Italia? Kumind'é p'ami, ward'é e ta bini''.

Dave ta hisa man bek i bisa ''bonochi señora mama ta bon, nan ta pasando dushi . lo mi kumind'é i Bonochi mener''.

E mama ta tik e tata riba skouder i bisé ''hinter dia bo ta pompa den e korant ey Chris ta kuminda bu bo no sa mes''

E tata ta gruña algu i bisa ''mi sa anto'' i hisa man bisa Chris'' bonochi, kòrdá bai poko riba kaya ey''

Chris tin ku warda basta un ratu promé Deja porfin bin pafó. E ta kuminsá pensa den su mes ''dikon hende muhé gusta tarda asina semp.. e no por a kaba su frase. E ta mira Deja ta kana bini ku asina un smile.

E tin un shimis kòrtiku pega na kurpa ku ta amplifika tur su kurva nan. Úniko kos ku Chris por pensa riba dje ta ''Hesus Deja a keda bunita, wak un kurpa ei mi dios. I Su sonrisa, aaai su sonrisa.

Asina Deja drenta su Pontiac Grand Am Chris ta pensa pa su mes'' aktua normal awó'' i e ta zundra Deja bisando e ''hòmbu for di e ora?''

Deja ta bisé ''sorrrrriiiii mi mester a kaba di drecha. Hasi mi mes nechi. Perfekshon ta tuma su tempu. Bo no ta haña mi a keda nechi?'' Anto e ta bira wak Chris ku un kara inosente.

Di paden e ta bezig ta smèlt manera un klòmpi eis den e solo di mèrdia pero e ta hasi su bèst pa buta un kara serio i bisa Deja. ''No, masha mahoso bo a keda gastamentu di tempu.''

Deja ta hari i bisa ''hater, whatever. Anto sende e airco CHRISTOPHER mi kabei ta brua si bo kore bentana habri.''

Chris ta obedesé su deseonan sera e bentana i sende e airco.

Koriendo Chris ta mira un Ford F-250 i bisa Deja. ''Mal heavy e trùk ey ta. Un dia lo mi tin mi mes kompania di konstrukshon i un par di trùk asina.''

E ta prepará su mes pa Deja bisé un ko'i chonbon manera semper.

Deja ta bira wak e i smile ''mi tin sigur ku lo bo hasié. Si tin un hende ku por ta abo. ANTO Siiiii bo ta yam'é CD Construction manera bo inisial nan. I ami ku Bianca ta yudabu traha e logo manera un cd ku yen kolo i tambe bla bla bla ''.

Chris kasi no ta tende kiko e ta papia. Su mente a bai gewoon un otro universo i úniko kos ku e por mira ta e nechi kara i e bunita sonrisa di Deja. Su kurason ta sinti manera kos ku a krese di tamaño 1 mion biaha pa djis e dushi palabranan i konfiansa ku Deja a bisé i dun'é.

E ta sinti su mes indestruktibel.

BOU DI E PALU DI TAMAREIN

Tráfiko ta sera for di banda di Sentro Deportivo Kòrsou. Chris ta imaginá kaba ku si aki nan mes ta asina ki, kon Lanthùis Brievengat mes lo ta? Pero ya ki otro bo por verwacht si un di e banda nan mas popular Gio ku E.R.A ta toka.