TELEFON (papiamentu)

#12 UN KOMIENSO NOBO

Poko poko Luna ta baha su warda pa Solo subi. E paranan kantando avisando ku un dia nobo a yega. Deja a yuda Chris ku su herida i meskos ku e dia pa nan tambe e ta un komienso nobo. Chris ta kue su telefon i huntu e ku Deja ta kana sali for di e wikènthùis. Nan ke skapa di e pesadia i hinter e paisahe aki pero mas ku tur nan ke haña señal pa nan por bèl Polis.

Despues di basta kana porfin nan a yega kantu di un kaminda I nan ta haña señal. Chris ta duna Deja e telefon i bis'é ''tuma bèl ami no tin e forsa''. E ta tende Deja ta papia ku un hende na telefon ''si Westpunt, manda ambulans tambe. Nos ta na e kaminda di''

Chris ta sinti kon su kabes ta bira manera kos ku ta zueif e ta zueif i e ta bai for di dje. Deja ta spanta bis'é ''lanta lanta''..keda dal e na su kara..''Chris Chris''.

Deja ta mira ku ta djis leu e a bai i ku e ta halando rosea i tur kos ta parse oké. E ta brasa Chris i purba protehé di Solo. E ta sinti un kos ta trill. Ora e hinka man den saku e ta ripara ku ta e telefon di Chris. Ora e habrié wak ta un video message. E ta kue e telefon keda wak i zuai e bent'é over di e rant ku ta kai den laman.

Poko ratu despues un Ambulans i Polis ta kore yega i nan ta logra lanta Chris. Deja ta sinta huntu ku Chris den e ambulans. Chris ta hinka man den su saku i saka un renchi orea. E ta bisa Deja ''semper semper mi tin n'e huntu ku mi. E anochi aya no tabata un eror. Semper mi a stimabu.''

''No laga bai i no bai lagami '' Chris ta bis'é. Teniendo su man.

Deja ta kontesta ''NO nunka mas.'' Man tene i huntu nan ta kore bai direkshon di hospital.

Hende nan alegre i hariendo. Zonido di ola nan ku ta dal kantu di baranka i músika. Ta trata di un grupo grandi di hende ku a bin landa i disfrutá di un wikènt na banda abou. Un mucha chikitu ta landando i e ta mira un kos ta lombra bou di awa. E ta tene su rosea aden duik i logra kue. Ta un telefon. ''MASTERRRR'' ta su promé pensamentu.

Ora e yega kantu e ta purba sende e telefon i pa su sorpresa esaki ta sende sin problema. ''YESSSSSSS Jackpot.''

Ora e habri e parti patras di e telefon e ta mira ku e simcard si no tei. Kontentu e ta kore bai e wikènthùis kaminda nan ta kedando i kue su telefon bieu i tur bati ku e tin. Esun aki ta hopi mas bunita i avansá i kasi sigur lo tin yèn wega master ariba e ta pensa. E ta saka su simcard i hink'é den e telefon nobo. E telefon ta funshoná perfekto. I manera e a spera e telefon ta karga ku diferente wega nan interesante.

Anochi ta sera i e mama ku ta parse e lider di un grupo di mas o ménos 30 adulto i 10 mucha ta bisa ''bosnan ban hasi algu leuk. Ban hasi un qiuz''. Pero tur hende ta sea chat òf ta hungando riba telefon. E señora ta bisa ''oké tur hende nami boso telefon.'' E ta kue un saku i kuminsá hinka tur aden. E guy chikí ta bisa ''pero mamaaaaa ku un stèm kasi yora''. E mama ta bisé ''pero nada hinka bo telefon den e saku.''

E señora ta sigui kana rònt i bisa ''TUR HENDE, adulto nan tambe ban p'ami.''

Tur hende ta kumpli i depositá nan telefon den e saku. Ta un anochi plasentero yena ku prèt i harimentu te den ora nan trempan di mainta.

Siguiente dia ora e konvoi bin buska nan tur hende a piki nan pertenensia nan limpia e lugá. Despues a basha tur telefon riba un mesa for di den e saku. Tur hende a kue nan telefon for di riba mesa i drenta e konvoi rumbo pa kas.

Delaster un hende ta pega soño den e konvoi miéntras e shofùr ta stür. Nan tur ta morto kansa di e wikènt aktivo i e anochi di qiuz.

Diripiente tur telefon ta zona manera un mensahe a drenta lantando nan tur for di soño. Ora nan bira wak riba nan telefon nan no ta mira nada.

Pero ora nan wak pafó nan ta mira nan ta pasando Promenade.

-FIN-  ???