TELEFON (papiamentu)

#10 E KOS AKI TA UN FIESTA I NO UN ENTIERO

E amistat di Deja i Chris a bira ménos despues di e anochi aki. Nan apénas tabata kombersá i no por a wanta e bèrgwensa pa otro di ta na mesun lugá.

5 siman despues.

Deja ainda tristu i kibra ta bèl e otro persona ku semper e por konta kuné. Su mihó amiga Bianca.

Bianca a kaba di regresá for di un trip di 7 siman na Colombia

Deja ta kue su telefon i bèl

'' Hallo bon dia Deja konta kubo? Ma sinti bo falta dushi''

Deja ku un stèm tristu ta kontesta ''mi ta bon amor, ami tambe a sinti bo falta. Kon a bai ku e trip?

Bianca ta rekonosé e stèm tristu mes ora i ta puntra preokupá ''ki a pasabu Deja? Tur kos ta okay?

''mi no sa Bianca, echt mi no sa'' Deja ta kontesta un stèm temblando purbando di no yora.

Bianca ku ta mas preokupá awor ta puntra 'Deja bo ta spantando mi. Bisami, bo sa kubo por kontami tur kos. Bo ouders nan ta oké ki ta pasando?''

''tur kos ta ok ku mi mayornan. Ta Chris''

Bianca di shòk ta puntra''Ki a pasa Chris e ta oké?''

''si si nada no a pas'é, pero algu a pasa entre ami kuné. Mi no ke papia na telefon. Mi ke sali kas mi ke un kambio di lugá. Mi por bini serka bo?''

''Deja ban serio , mi ta sintimi insultá kubo ta puntra mes. Dimes bo por pasa. Bo ta mi mihó amiga foei. Nèt mi tabata pa bai Sali hasi un kos pa mi mama. Mi ta pasa wak bo i nos ta ban huntu. Despues nos ta pasa Baskin Robbins wak ice cream i nos ta bini mi kas. Anto ey bo ta kontami tur kos. DEAL?''

'' ta bon Bianca, mi ta bai drecha i nos ta topa un bes aki''

Mas o ménos 1 ora despues nan ta sinta den kamber di Bianca komiendo ice-cream. Deja apénas ta komiendo algu. E ta djis pasando e kuchara hungando ku e mansa.

Bianca ta papia promé ''Deja ki a pasa? Kontami? Nos tin asina ratu sin papia''

Deja ta kontesta ''no , mi kier tende di abo promé? Kon a bai na Colombia kiko e dòkter nan di?

Bianca yen di alegria ta kuminsá papia normal i despues grita ''wèl e notisia ta ku MI TA LIBER DI CANCER. MI TA CANCER FREE BITCH. '' hasta mi kabei nan a krese. Nan ta kasi mesun largu ku nan tabata promé.''

Deja ta bras'é duru gritando '' hopi bon notisia mes. Mas rason pa nos selebrá bo hasimentu di aña en grande.''

Bianca ta kambia e tópiko'' pero sufisiente di ami, kiko a pasa abo ku Chris. Mi mes no a mir'é ainda for di anta ayera ku mi a bini'

''pa hasi e historia kòrtiku, ami kuné a tene relashon un nochi.''

''.NO WAY,'' Bianca ta bisa. Mi tin asina tantu pregunta aworakí. E tabata bon? Ki a pasa ku Dave boso ta huntu ainda? Ban pa bai. Mi kier sa tur tur kos, delaster detaye.''

Deja ta kont'é kon Chris a kompañ'é bai fiesta. I kon Dave no por a bini mas. E alkohòl. Kon kasi tatin un pelea na i ku nan a tene relashon I kon straño nan amistat ta awó.

Bai gaña Baka Bianca ta bisé. ''No bin bisa nada kuenta di alkohòl. Ta algu ku semper bo a deseá. Hasta stevie wonder lo a mira di aleu kuantu bo ta gusta Chris. Ki a bai robes? Asina malu e tabata?''

'' nooo e tabata perfekto i inolvidabel, mágiko Deja ta bisa miéntras e ta bloos. '' e tabata hopi mas mihó ku mi por a imaginá. Solamente mi no sa si e ta un eror?. Mi tabata hopi serka di bis'é kuantu mi stim'é. I e no por kontené su mes i e lágrimanan ta kuminsá kore for di su wowo.