KALUBALEN MU!

PART 04

✨ *KALUBALEN MU* ✨

       *_AMMIN SU'AD_*

                  *4*

Shatuuu095@wattpad

🌈KAINUWA WRITERS ASSOCIATION
_United we stand and succeed our ambition is to entertain and motivate the mind of readers_

This page directly goes to Anty Batuul jattako, Maman rufaida, Miss Ayush, Maryam Obam, Sadiya Lawan, Journalist, Ruwaida, Mrs Adam, Ummy Ontop, Ummu Affan, Seebi Ismail and the rest of kainuwa writers that I didn't get to call your names.

........  Karar wayata ce ta tashe ni daga wahalallen barcin da ya sace ni, da kyar na laluba hannu na dauka. Sai da na kara a kunnen na gane mai magana don idona dishi dishi nake gani.
  "Yaya Maryam" ta fada cike da farin ciki
  "Nadiya" na fada a kasalance.
"Yaya naji muryar ki kasa kasa?"
"Barci nake yi ne Nadiya"
"Kina hutawa matar nan...... Dama na haihu ne fa yau da asuba ke na fara kira na fadawa don haka ke nake so ki fara zuwa kiga yar ki mai kama dake, tunda ke kin kasa haifar mai kama dake to ni na haifa maki"
  Wani farin ciki naji ya ziyarci zuciyata, nace "Masha Allah, Nadiya Allah ya raya ta. Insha Allah zaki ganni kusa nan"
"Allah yasa"
"Ki shafa min kan baby tell her that I love her so much"
   Bandaki na fada a gagauce nayi wanka na fito, sallah na fara yi. Naga ashe har bakwai tayi. Allah ya taimake ni yau public holiday da su Nana sun makara a makaranta.
   Ina sa bra aka turo kofa, _Ahmad_ ne, cikin suit yake ash colour yayi kyau sosai sai dai ni bai burge ni ba, haka nan naji haushi yake bani. Kaina na dauke tare da fadin
  "Ina kwana"
  Bai amsa ba illa shigowa ciki da ya karaso. Nima ta wutsiyar ido nake kallon sa, ina saka kaya yana ta bina da ido amma ya kasa furta komai. A ranshi yana yaba kyan ta, dirin ta da kuma kyawun jikinta. Ko wace shiga tayi tana mata kyau wannan sanyin nata da nutsuwa suna fisgar sa, Maryam mace ce ta nunawa a taro bata da kushe duk hassadar mutum, kyawun ta da gyara ya boye shekarun ta........ Riga ce jikinta armless mai kyau fuchsia pink sai dan tight peach mai kyau ta hade gashin ta guri guda daya, abinda yake so kenan a shekarun baya shi yasa ya zama shigar ta tun aurensu in har yana gida. Da ace yana da lokaci da ya fada mata irin yadda yake sonta kuma son ke ninkuwa a kowacce dakika, amma aiki yayi masa yawa ne.........
  Gyaran murya yake wanda nasan nufinsa yana da magana amma nayi banza dashi. Toilet na shiga na rataye towel dina jikin rail, na fito naji ya damki hannu na gami da hade ni da kirjinsa. Ina so na kwaci kaina amma na kasa.
     "Ke lallai fushi kike yi dani ko? It's unlike you Maryam, da kam Mairo na is very decent amma yanzu duk kin koyi fada why? Idan akan abun jiya ne Ahmad is sorry amma kinsan I hate to be command ko( na tsani ayi min umarni) ? Kawai don kina da bukata doesn't mean you should be violent, shi yasa na nuna maki I'm the head kin gane?.... Kuma ya kamata kina excusing dina sosai akwai stress a aiki bai kamata ki rinka bijiro min da bukatun ki idan ina aiki" Ban ce dashi Kala ba saboda takaici, shine fa tsayar mai kudi shi babu abinda ya dame shi sai business dinsa ma.
      "Baki ce _I'm sorry_ ba"
       "Mu shekara a haka" na fada a zuciyata.
"Is all right ya fada gami da saki na"sai kuma yasake rike ni "na mance next week Friday zaa bude mall dina insha Allah, and you'll commission the mall so don Allah ki taho like Wednesday ko Thursday yadda zamu yi arranging komai a nutse"
   "To"kawai nace dashi.
Ina gaba yana biye dani. Su Nana muka samu parlour suna kallon cartoon a MBC 3, daga nan suka gaida mu, kafin nace masa "na mance su Nana suna exams gashi Nadiya ta haihu yau ban san yaya zaa yi ba"agogon sa ya kalla. Kiss yayi min a kumatuna "Duk yadda kika yi MC I trust you..., bye " bai saurare mu yayi gaba abinsa. Ina Jin tashin motar su.

***          ***             ***
    
   "......... And kasan ina sonka ko? So need ka wani tada hankalin ka" Ta fada, kwance take kan gadon ta, budurwa ce da bata wuce shekara ashirin ba. Kallo daya zaka yi mata da kuma dakin da take kasan tana cikin afuwar rayuwa.  Daga can yace
  "Nikam na gaji da wasu hakuri _Raliya_ yaushe ne zaki bani dama, kin dai san a wannan lokacin duk wani namiji da zai bata lokacin dana bata ina bin Ki ai babu tambaya da gaske yake sonta ko? Kullum kina bani uzuri, ni kam na gaji gaskiya in baki da ra'ayin aure yanzu ki fada min"
  Jikinta yayi sanyi kalau, bata san me zata ce dashi ba kuma yau, tana so ya gane cewar wannan babu laifin ta a ciki......  " na san kayi hakuri dani _Ibrahim_ amma don Allah ka kara........" Fisge wayar da aka yi ne yasa ta saurin kai duban ta ga wanda ya kwace mahaifiyar ta ce Hajiya Baraka, hanjin cikinta taji ya kada tare da kullewa guri guda don tsoro....,
  "Wato ban isa dake ba ko Raliya? Duk irin abinda nake fada maki baki ji...., " sai kuma tayi shiru. Gefen gadon ta zauna tare da aje wayar anan  kan bed side drawer...
   "Raliya, ki fahimce ni ba wai ina hana ki samari bane don kawai bana sonki, A'a sai don ina so ki gyara rayuwar ki ne ta hanyar neman ilimi mai zurfi kafin kiyi aure. Kinga auren nan gaba daya to bakin ciki ne in kin dace kaso talatin yazo maki a farin ciki. Duk wannan romon bakan na maza buge ni kawai. Da kin shiga kin zama sorry ko a auro maki kishiya wadda tayi karatu ta kore ki ko ta maida ki bora. Kina kallo dai ni da Baban ki da farko wani cin kashi bai min ba? Amma dana dage nayi karatu yanzu ba gashi ina watayawa ba? To haka nake so ki zama kema kin gane?"
  "Amma Hajiya, ai aure ibada ne ko? Ki gane mana don ana shan wahala ai hakan ba zai nuna cewar a daina ba, ita ibada ai sai hakuri dama. Hatta da gidan Annabi (S.A.W) matan shi sun ce sai ayi wata baa dora tukunya ba amma yau ba gashi labarin su muke jiba? Kuma ni Hajiya ina son auren a haka kiyi kawai....." Bakinta ta buge "mara kunyar kawai. Baki jin kunyar ce min aure kike so........ Maza kuma ki tashi, ki shirya ki tafi makaranta ko ba ke kika ce min kun kusa fara exams ba? "Eh"tace da ita kawai.
  Cikin kasa da awa har ta fito. Hajiya nan zaune da wasu mata wata kila abokan cinikaiyar ta ne
   "Ina kwana" tace dasu, suka amsa suna ta bubbude kaya. Ta juyo gun Hajiya dake ta faman yi musu bayani akan yadda kayan suke "Hajiya zan tafi" "To.. "Tace tare da dauko yan dari biyar biyar guda hudu ta bata gami da cewa "gashi motar an gyaro... Amma Engineer yace babu mai dubu ki sa dubu ki rike a hannun ki, Allah ya kiyaye ya nuna min ranar da zaa ce _Raliya Umar Kabara_ shugabar matan arewa" matan ne suka amsa da "amin" yayun da ita kuma tayi gaba burin bai wuce ta ganta gidan mijinta ana saka ta misalin matan da suka riki aure da daraja..
  Motar ta _vibe_ ta nufa ta shiga. Horn take yiwa Mallam Sani ya fito ya wage gate din ta fita.
   Anan harabar *Gwagwalada University* ta faka, anan *department of mass communication*. Tun daga nesa _Hamida_ wadda ta kasance aminiyar Raliya ta hango ta, da saurin ta taho tana fadin "yar Hajiya zatona yau baki shigowa makaranta" dan tsaki Raliya tayi "wallahi kamar kin sani kuwa Hajiya ce ta tilasta ni sai nazo"
  "Ke da Ibrahim din ne kenan?..... Na rasa bestie me kika gani jikin yaron nan kika like masa"
   "Kema na rasa me yayi maki kika tsane shi haka? To bama shi bane".
  Hannun ta Hamida taja zuwa gossip chair amma ta dakile "ai kawai muje gidan ku don ni yau bani zama cikin school" "yadda kika ce haka zaa yi".
   Hamida ba yar Abuja bace karatu da karya su suka saka ta dagewa sai tazo Abuja karatu, amma ita yar Katsina ce, gidan su babu laifi suna da rufin asiri duk da zaa a iya saka su cikin kananan masu kudi amma ita ta raina hakan. Mutum ce ita mai bala'in gayu hakan ya maishe ta yar karya tana da kokari sosai don tana daya daga cikin masu ja a ajinsu gata da faran faran da mutane, hakan yasa take da farin jini sosai. Tana zaune ne off camp, anan wani gida wanda gaba dayan su students ne mata a cikinsa. Ita irin yan better life ne wanda suka yarda da zamani sosai.
   A hawa na uku take amma kafin su karasa har Raliya ta gaji da tsaye tsayen ta shi yasa ta amshi makulli tayi gaba. Bata jima ba ko sai gata itama ta shigo, kan gado ta yada jakar ta, hadi da cire kayan ta. Daga ita sai yar half vest da knicker.
    "Ni kam bestie I hate yadda kike zama din nan, ke baki jin kunya ne" "kunyar me?" Hamida ta tambaya, "me zaki ci ne na dafa maki?" "Ni kam alhamdulillah na koshi".
    Kusa da ita ta zauna "Bestie kuna cikin damuwa don Allah wai menene?"
  "Ba zaki gane bane, Hajiya ta kasa fahimtar abinda nake so har ga Allah ni kam aure nake so wallahi amma taki yarda kuma ko na fadawa Abba sai yace nabi umarnin mahaifiyata haka ake?"
Yar dariya Hamida tayi wadda har sai da Raliya ta kulu, "Allah bestie kina bani mamaki, ke yanzu sai kice da Hajiya aure kike so? Ni kam bana iyawa wallahi... Amma na tambaye ki wai me yasa kike son aure bayan baki rasa komai ba"
  "Saboda ina da bukatu, nima mace ce mai lafiya ina da bukatar aure... Ba don komai sai don gudun shedan"
  "Banda abin bestie ta wannan lokacin ya wuce da ake afkawa aure any how, yanzu fa kowa ya waye ki bari ki zama settled kafin kiyi auren tukun... In don maganar bukata ne kowa yana da ita amma ai mun san yadda zamu yi tackling abun mu... Ki bari akwai wasu groups da zan sa ayi adding dinki suna dealing da irin wannan matsololin naki, kin gane? In few days wallahi sai kin jiki garau". Raliya dai bata ce komai ba.
  Sun yi bitar karatu sosai don in ta wannan barin ne basu da wasa, sai biyar ta dawo gida. A kwanar layin su ta hadu da baban ta a kafa horn tayi masa kafin ya shigo.
  "Ya na Gan ka a kafa Baba?"
"Eh wallahi,  ta yi faci ne sai na barta titi in ya gyara ya kawo min"
"OK"kawai tace dashi.
   Suna shiga parlour suka ci Karo da Hajiya ita da matar da Raliya ta tsana.  Wai ita _Yana Mai kayan harka_ kamar yadda taji su Hajiya suna kiran ta. Irin matan nan ne yan duniya yar Maiduguri ce asalin haka take bin gidajen masu kudi tallar magani amma abin mamaki ita din fa bazawara ce. Ko me ya hana ta gyara nata jikin ta zauna gidan mijin ta oho? Da sauri Hajiya ta tashi taje ta tari Alhaji ta rungume shi ta gefe ba kunyar yar ta bare ta Yana, "Alhajin Baraka ka dawo... Samu da zuwa..,,, yaya kasuwa?" "Hajiyar Umar, lafiya kalau yaya gidan?" "Lafiya kalau Alhajina, yanzu ka shiga ciki ina nan tahowa" "to" ya amsa ta. Yana ma ta gaida shi ya amsa. Shi kam yana yawan ganin matar nan a gidan shi amma yana shayin tambaya wace ita?. Raliya ma a ciki ta gaida ta, ta amsa da murmushi tana kallon Hajiya.
   "Ikon Allah Raliya ta girma Hajiya kice kwanan nan zamu shan biki na kawo kaya ayi hadin amarya wanda baa taba yi don ango da kansa zai sa a nemo ni ya bani nawa kason na jin dadi"
  "A'a ba yanzu ba tukun, sai ta gama makaranta, yanzu tana aji biyu saura biyu tayi bautar kasa, ta sami aiki kinga sai ayi aure sannan ta tsaya da kafar ta"
   "Haka ne kuma fa Hajiya,   mazan yanzu babu alqawari kai ma in banda harkar nan..... Da kuma iya rike miji ai da sunan ka sorry"
Tafawa suka yi suna dariya, aka kammala ciniki Hajiya ta lale kudi ta bata. Duk wannan hirar Raliya na jiyo a daki, sai da suka baje sannan ne ta fito don neman abinci.
    Da daddare bayan ta kammala karatu ne ta ta yi shirin barci. Sai lokacin ta jona wayar ta a chaji, ta kuma dan hau WhatsApp. Sakonni ne suke ta shigo mata, sai a lokacin ta lura da sabbabin groups da aka yi adding dinta. Ta shiga information na group din har da Hamida a group din daga nan kuma bata san kowa ba, duk bakin number ne maza da mata. Sai hira suke abun su kamar babu kunya tsakanin su. 
  Ita dai har yanzu bata ce komai ba. Can aka turo wani novel short story ita kam dama mutum ce mai son karance karance, don haka sai ta kashe.
       Data ta kashe ta fara karatu offline. Bata ko yi rabi ba ta ajje tare da dana sanin fara karatun wannan write up. Ba wani novel bane, don mutum mai kamala bashi rubuta wannan. Ina ita kam bata iyawa. Dama wannan shine abun da Hamida ke fada mata? Ko kuma shine rayuwar ta? Tur! Ita kam bata iyawa ba. Wayar ta yasar  a gefe. amma me? Fur ta kasa mance abun da ta gani hakan yasa ta kuma janyo wayar tana sake karanta labarin daya bayan daya. Sai da ta nutse kafin ta fara dana sanin abinda tayi.
Toilet ta fada tayo wanka saboda canjin da taji a jikinta kuma ita ba jahila bace ai. Kwanciya ta sake yi tana dana sanin abinda tayi tana ta istigfari har barci ya kwashe ta.
   Da safe ta shirya tsaf! Amma zuciya ta kuma rinjiyaar ta sake bude wannan write up ta karanta, yau kam abun ya dan burge ta sosai, toilet ta koma tayi canji kana ta fito amma duk sai take jin kanta a tsarge kamar kowa yasan me ta aikata kuma ta fara kaf kaf da wayar ta don take ta saka mata pattern..........

*SHATUUU ♥️*   ✍✍✍