#بنت_عمي
الفصل السابع
طلعت نجري نا واسماء ووصلنا للمحل لانه مش بعيد على شقتنا
انا بلهفة .. كنها يا بشمهندس
منعم .. مش عارف والله يادكتور فجاءة كانت تتكلم معايا ووقعت من طولها
اسماء وحاضنة كيان .. كنك يا يمي شنو تحسي
كيان بصوت واطي .. ماتخافيش يا سومة دوخة بس
انا بخوف .. كيف مانخافوش والبشمهندس قال انه اغمى عليك
كيان .. ممكن لاني ماكليت شئ لتو
منعم .. لا يادكتور صح هيا اليوم ما اكلتش حاجة لكن الدوخة ديه حصلت ليها قبل كدة كثير بس ماكنش يغمن عليها لكن اليوم اغمن عليها وهو اللي خلاني اتصل بيك
انا بتنهيدة .. خير ما عملت
هيا يا كيان نروحو ونكشف عليك انا او اسماء
كيان باعتراض .. كويسة يا بابي
انا .. ولا كلمة هيا
البشمهندس منعم مصري راجل كبير في العمر ممكن اكبر مني بخمس سنوات صاحب محل كبير الكترونيات وبرمجة حاسوب انسان محترم ونحن نعرفوه من قبل بسبب شغف كيان كانت لما تكسد تمشيله بحكم انه قريب من شقة معتز ولما حكيت ليه ان كيان نفسيتها مش تمام ونبيه تشتغل بيش تلهي روحها على طول وافق انها تشتغل معاه لاني مانقدرش نحطها عند حد اخر ونا مانعرفاش غير انه محله قريب من مكان السكن زي ما المستشفى الخاص اللي نشتغلو فيه نا واسماء حتى هو قريب وكله عشان نكونو حذاها خايفين تنهار لانها حتى دكتور نفسي رفضت انها تمشي ليه
وصبتها اسماء وسندتها معاها وطلعنا بيها وبعدها خطر عليا حاجة ليش لا وبعد ماركبن للشقة ومددت كيان على السرير طلعت وخذيت اسماء معاي
اسماء بصوت واطي .. كنك يا احمد سحبتني هكي
انا .. نا شاك في حاجة ترا اسئلي كيان على مرضتها
اسماء.. قصدك
انا بهزة راس .. اه
اسماء.. بس معقولة يصير
انا .. اه يا اسماء ومش معناها ان الغشاء موجود مايصيرش حمل بالذات ان مرضتها منتظمة من قبل ماتتزوج وماعندهاش مشاكل تجمع لدم مرضتها معناها ان غشائها مطاطي لكن فيه ثقب بحيث مخلي مرضتها منتظمة واكيد اللي صار بينها وبين رواد سمح للحمل يكون
اسماء بفهم .. خلاص تو نخش نسئلها
وخشت اسماء سئلتها وطلعت ليا وماعرفتش نفسر وجهها ونظرات عيونها لكن لما قالتلي ننزل نجيب اختبار حمل فهمت عليها ونزلت نجيب فيه ونا مش عارف فرحان او مضايق نحس في كيان مازلت على الامومة وخصوصا بدون راجلها لكن هذي حكمت ربي اكيد رايد من وراه شئ وجبته ودارته وطلعت النتيجة ايجابية وانهارت كيان بكا وخليتها نين هدت
انا.. عليش تبكي ماتبيش تكوني ام
كيان وهي تمسح في دموعها .. نبيه بس مانبيش نربيه بروحي
اسماء.. ونحن وين عدينا
كيان .. انتم الخير والبركة لكن مافيش حد ياخذ مكان حد ممكن نا بيكم حسيت روحي مافقدتش بابا وماما لكن مرات ولدي او بنتي عكسي يطلعو
انا بهدوء.. ومن قال ان نحن بنخلوه يتربى بعيد على باته او نحرموه منه وانت اكيد حتسامحيه يا كانو هذا اذا ما سامحتيشي اصلا
كيان بحتت فيا بصدمة
انا.. اه كانو انتي سامحتيه لكن الوجع بس مازل اثره قاعد انتي ربايتي يا قلبي وبنتي اللي ماجبتهاش
كيان بصوت واطي .. انا نحبه وماحبيتش حد غيره
اسماء.. وليش تقولي فيها بنبرة زي اللي داير ذنب كلنا عارفين قديش روحك متعلقة بيه وبالعكس يفرحنا انكم ترجعو لبعض لانه يكون تعلم درسه كويس انه معاش يحكم او يتصرف تصرف متهور بدون مايناقش ويسئل صدقيني مستحيل يغلط نفس الغلط مرة ثانية
انا.. اسماء معاها الحق وتو لازم يعلم بس قبل لازم نديرو تحاليل نتاكدو من صحتك
اسماء.. وتو حنتصل بصديقتي الدكتورة نجلاء نحجز عندها موعد
كيان .. انتم مش دكاترة ليش دكتورة ثانية
انا .. دكتور باطني واطفال وانتي تبي نساء يا قلبي (اعطي للخباز خبز ولو كلا نصه)
كيان بضحكة من بن دموعها .. خاطري نعرف خشيت الطب ليش
انا.. نحبه
اسماء.. شنو تبيه يخش مثلا
كيان .. يناسبه الفلسفة او علم نفس
انا .. هذين نكتسبهن بقراية الكتب مش لازم التخصص
كيان .. ربي يحفظكم لي يارب
بابي .... سومة
انا واسماء.. نعم
كيان .. ممكن تخلوني نا نتصل برواد
انا.. زي ماتبي بنتي وبست راسها تو نخلوك ترتاحي مابين جاء وقت موعد الدكتورة
أنت تقرأ
( سلسلة أقرباء ولكن) الجزء الاول بعنوان بنت عمي
Short Story#بنت_عمي كل علاقة ليها عمقها واخطائها وحسناتها وحتى حزنها وفرحها لكن علاقتي ببنت عمي علاقة من نوع ثاني مانقدرش نعطي ليها اي اسم او اني نقدر نعطيها وصف يناسبها.... #حياة
