عذرا على التأخير
#بنت_عمي
الفصل الثالث عشر
معتز .. لانـ
وفطن معتز بعبدو جايه يجري
معتز بخوف .. كنك ياعبدو
عبدو .. كانو ياعمو تبكي وبس
معتز نط بخوف ولحق عبدو ومريم وراه
وجاها يجري وحضنها بسرعة
معتز بصوت يرعش من الخوف عليها .. كنك ياكانو تحسي بحاجة ( ورفع راسه لمنى وبصوت يرعش ) كنها يامنى شنو اللي صار
منى بخوف ودموع .. عثرت يامعتز وطاحت على بطنها
معتز بخوف اكبر .. شنووو
وفطن ان كيان سكنت في حضنه وبسرعة طبها وقاللهم انهم يروحو للشقة ويتصلو بي احمد يجيه في المستشفى ووقف تاكسي لانه مايقدرش يسوق في وضعه هذا ورفعها للمستشفى اللي يشتغل فيها احمد واسماء بحكم دكتورتها في نفس المستشفى ودخلوها طول للطوارئ واستدعو دكتورتها لما عطاهم معتز اسمها وشوي كان احمد عنده لانه مازل ماروح من المستشفى ونص ساعة جت اسماء تبكي
اسماء ببكا .. كنها بنتي كنها يامعتز
معتز بصوت ماغابتش منه الرعشة وفطنت بيه .. قالت منى طاحت وقعدت تبكي واغمى عليها بين ايديا
انا نهدي في اسماء وخايف على معتز .. اطمني سومة مافي شئ ان شاءالله مافي الا كل خير
معتز بعصبية واضحة ورعشة انتقلت لجسمه كله .. اي خير وهيا ليها قريب نص ساعة وماطلعش حد طمنا
اسماء شهقت وانا حولتها من حضني وعطيتها نظرة هيا فهمتها وجيت لمعتز حضنته وبمجرد ماحضنته بكا بعبرته وهو يهمس
معتز بهمس .. خايف خايف يا احمد يصيرلها زي وتين
انا بهدوء عكس خوفي .. اطمن ان شاءالله بسيطة وبعدين كيان ماعندهاش ضغط يا معتز وهيا في الشهر السابع تو
معتز ومازل حاضني .. يارب يارب يارب
بعدته على حضني واسماء جابتله امية بعد مافهمت معتز ليش شكله هكي وان ممكن حالة كيان بسيطة لان اسماء خافت اكثر على كيان لما شافت شكل معتز على طلعت الدكتورة وجيناها بسرعة
انا.. ها طمنينا يا دكتورة
د نجلاء.. اطمنو هيا بخير والوقعة مكنتش قوية عليها ولا على البيبي بس هيا محتاجة راحة ويفضل لنهاية الشهر ده تقضيه في الفراش مع حركة خفيفة
معتز بتنهيدة وقمعز على اول كرسي قابله .. الحمدلله الحمدلله يارب
انا.. تو نقدرو نروحو بيها
د نجلاء.. اه هيا فاقت دلوقتي تقدر تاخذها
اسماء.. شكرا يا دكتورة
د نجلاء.. ولو ده واجبي
وطلعنا ومعتز حاضن كيان بشكل مرضي وعرفت نا وسومة الحالة اللي فيها معتز وان مازل وفاة وتين بسبب الولادة مأثر عليه وقعدت نفكر يوم ولادة كيان كيف بيدير واسماء كانها فهمت عليا فيش نفكر و وخرت نين تمت محاديتني ومعتز وكيان قدامي
اسماء.. نعطوه ابرة مهدئة او لما نعرفو ان اللية في كيان انديروله منوم
انا بشرود .. شنو
اسماء.. مش تفكر في معتز كيف بيصير فيه يوم ولادة كيان اهو نا نعطي فيك الحلول
انا بهزة راس وحب لشريكة تفهم فيا حتى قبل مانحكي .. شكلها هكي
أنت تقرأ
( سلسلة أقرباء ولكن) الجزء الاول بعنوان بنت عمي
Historia Corta#بنت_عمي كل علاقة ليها عمقها واخطائها وحسناتها وحتى حزنها وفرحها لكن علاقتي ببنت عمي علاقة من نوع ثاني مانقدرش نعطي ليها اي اسم او اني نقدر نعطيها وصف يناسبها.... #حياة
