#بنت_عمي
الفصل التاسع
كيان .. عشان نبي رواد يسمع مني نا مش من حد لان هذا خبر لازم يكون هو اول من يعلم من اهله
اسماء.. به ليش سئلتي على سامية
كيان بحزن .. كنت بنقوللها هيا بالك قلبها يحن عليا شوي ونا شايلة حفيدها في بطني
اسماء.. شكلها ماظني وحدة يهمها حاجة زي هذي
انا.. كانو اتصلي على رقمها وبلغيها افضل حتى نا معاك انها تعلم
كيان بتنهيدة وقلب يدق بقوة .. حاضر
واتصلت بيها
كيان .. السلام عليكم
سامية من غير نية لانها عرفت الرقم من مصر .. وعليكم السلام
كيان .. انا كيان يا عميمة كيف حالك
سامية ببرود .. اهلين كويسة شنو تبي
كيان بوجع من اسلوبها .. انا بنقولك حاجة يا عميمة
سامية .. شنو
كيان .. انا حامل يا عميمة في الشهر الرابع
سامية دارت روحها ماسمعتهاش .. شنو الو الو التغطية ضعيفة ماسمعتكش
كيان وعلت صوتها .. انا حامل يا عميمة
سامية .. الو الو كان تسمعي فيا نا مانسمعش فيك وسكرت الخط
الحاج موسى .. منو اللي يكلم فيك
سامية من غير نية.. كيان
الحاج موسى بلهفة لكنة يعزها .. كنها ان شاءالله خير بالك بترد لولدك وتسئل عليه
سامية بدون مبالاة.. مانندريش شنو تبي التغطية ضعيفة وماتنساش التغطية ونحن داخل بنغازي وان شاءالله يصير منها لابال خارج ليبيا بكل
الحاج موسى بلهفة .. ماسمعتي شئ منها
سامية .. لا ماسمعت شئ تو تعاود ونفهم منها
وبدون اي اهتمام دارت فونها صامت حتى لو عاودت كيان الاتصال مايفطنش الحاج موسى ويكلمها سبحان الله لما الكره والحقد يعمن الانسان
اسماء.. شنو صار
كيان بدموع .. مش عارفة سمعتني او لا
انا.. كيف
كيان.. لما قلت ليها اني حامل قعدت تقول الو مانسمعش فيك
انا وحبيت نطمنها .. اكيد يا كانو التغطية تعبانة انتي عارفة التغطية شنو ونحن في بنغازي لابال هذي مكالمة دولية
خليها في الصبح وجربي
كيان وقعدت تبكي اكثر .. معاش نبي نكلمها لاني عاودت مرة ثانية وماردتش
اسماء.. عليش
كيان .. نا متاكدة انها سمعتني
انا بتنهيدة .. ليش البكا
كيان .. واجعني خاطري واجعني البيبي اللي في بطني بيجي على الدنيا وجدته كارهاته حتى قبل مايجي
اسماء وضمتها .. خلاص يا يمي ما اضايقيش روحك يكفي الباقيين حيفرحو واجد لو عرفو
كيان .. ونا معاش نبي حد يعلم ومازل في حاجة وحدة بس بنديرها عشان يوم نحط عيني في عينها نكون مرتاحة اني مش نا السبب انهم ماعلموش بحملي
انا بشك .. شنو بديري
كيان ومسحت دموعها .. مش عمو جايي مع منى
انا.. اه
كيان .. تو نبعث معاه رسالتين وحدة نقوله يسلمها يد بيد ليها ووحدة يدخلها من تحت باب شقتنا وهكي نكون درت اللي عليا وزيادة
انا ورغم اني مش مقتنع .. اللي تبيه يصير غير هدي بالك بس
ومر اسبوع وسمحت الدكتورة لكيان بالحركة بس الخفيفة فقعدت تقضي معظم وقتها في الجنينة اللي مقابلة العمارة او تقمعز بالساعات قدام الكورنيش وطبعا لان الوقت شتاء الاسكندرية مش زحمة سياح زي الصيف
وعارف انها مشتاقة لرواد وقديش تتمنى فيه معاها وهو معاش حاول يسئل عليها بكل المفروض يتصل كل يوم عشان تسامحه ووصل اليوم معتز ومنى اللي ماقدروش يصبرو ومشو لكيان هي وعبدو روحو بيهم وبعد السلام والاحضان والضحك والجو السمح اللي تغير بالذات مع جية منى نص كيان الثاني وخبرتنا بخبر خطبتها اللي فرحنا كلنا وحتى نا حاس بصاحبي في حاجة صايرة معاه عيونه يحكن في الف حكاية واللي مطمني انهن حاجات كويسات شكلهن وخذينا جنب منهم
أنت تقرأ
( سلسلة أقرباء ولكن) الجزء الاول بعنوان بنت عمي
Historia Corta#بنت_عمي كل علاقة ليها عمقها واخطائها وحسناتها وحتى حزنها وفرحها لكن علاقتي ببنت عمي علاقة من نوع ثاني مانقدرش نعطي ليها اي اسم او اني نقدر نعطيها وصف يناسبها.... #حياة
