#بنت_عمي
الفصل السادس
حسام .. نحن جينا نسلمو على كانو خصوصا عرفنا ان سفرتكم قريبة
آية .. ولو وجودنا يضايقكم نردو من وين جينا
كيان.. مرحبتين بيكم بينا بعيد عن كل شئ انتم الله يسامحكم ماليكم دعوة بشئ
اسماء باستغراب .. معليش ماتزعلوش مني امكم خلتكم تجو عادي
معتز .. ااااسماء
آية .. عادي يا معتز عندها حق تستغرب
حسام .. اه تعلم وماتكلمتش لان باتي من اللي صار حالف عليها ماتجيب سيرة كانو لا بالخير ولا بالشر
كيان .. قمعزو كنكم مصبيين
آية .. بنسلمو عليك وبنروحو
انا.. والله ماهي صايرة تقعدو تتعشو معانا
حسام .. مانبوش نثقلو عليكم
معتز .. مافيها ثقل ولا حاجة
وقمعزو معانا والقعدة خذت جو هادي ومع مناقرة عبدو وحسام تغير الجو وارتحت لما شفت ضحكت كيان وكيف تهدرز مع آية براحة
حسام.. مرت خوي شنو بتقري لما بتعدي لمصر
طبعا حسام من لما كيان كانت على علاقة برواد وهو ينادي فيها بالاسم هذا وتعودنا عليه هكي ورغم تأثري الواضح لما نادها هكي تو لكن ضحكت كيان هدتني شوي
كيان بثقة .. اكيد بنكمل في تخصص البرمجة و الصيانة
حسام بفجعة .. اكثر من هكي يبقى كفر يا بنتي
كيان بضحكة .. عشق وانت الصادق
اسماء.. تذكر يا احمد كيف عرفنا عشق كيان للتصليح واي حاجة شور الكمبيوتر
انا بضحكة .. ونا نقدر ننسى
آية .. قولولنا كيف عرفتو شنو دارت
اسماء.. احمد كان عنده لابتوب وفجاءة بروحه طفى طبعا احمد ما اهتمش واجد وقال تو يرفعه يصلحه كنهدا يشري غيره وخلاص
معتز ..وفي يوم خشت اسماء لدار كيان لقتها فاتحة هضاك الابتوب طرف طرف
اسماء.. لما شفته سكتت من الصدمة وعلى طول درت في بالي مع ميزانية الشهر هذا نحطو حق لابتوب لاحمد جديد
آية.. وما عاركتيهاش
اسماء بضحكة .. عشان احمد يعاركني
حسام باستفهام .. كيف
اسماء.. احمد كان عنده اي حاجة تفسدها كيان او اديرها مايحبش يعاركها ولا يخلي فيا نعاركها لان حس انها عندها شغف بالحاجات الالكترونية
آية.. وشنو صار للابتوب
اسماء.. مشى احمد سنين نين قدم موديله وتو عبدو دايره يلعب بيه
حسام .. قصدك صلحاته
انا.. اه ومن بعدها قعد معتز واي حد من هله تخربله حاجة فون كمبيوتر لاب يجيبو فيه ليها
حسام .. ووثقو بسرعة فيها
كيان .. لا
حسام .. امنا كيف
كيان .. عشان يحبوني واجد فمدوروش حاجاتهم لو خربت المهم اني نلهى باي حاجة والحمدلله مافيش حد جابلي حاجة وردت ليه فاسدة
آية .. صار من صغرك به وين لقيتي المعدات اللي تصلحي بيها خصوصا نعرف ان الحاجات هذي تبي معدات خاصة بالذات التيلفونات
كيان .. بابي لما عرف عندي الهواية هذي قعد هو وعمو وسومة وخوات عمو وبنات عماتي وعيالهن في ذكرى ميلادي يجبولي في الهدايا كلها اداوات ومعدات تصليح
منى .. بابك بس امنا وين عديت
آية .. كيف وانتي شنو علاقتك
منى .. انا اللي زدت اكدت حبها للصيانة والبرمجة
حسام .. كيف
منى .. مرة جايتنا وكان كمبيوتري المكتبي وقتها عاطل وماعرفت فيه شئ طلعت اندير في هوت شوكلت وحاجة ناكلوها ورديت لقيت كمبيوتري مفتوح وكانو غاطسة جواه
آية .. وشنو كانت ردت فعلك
منى .. طلقتها عيطة لكن الست كيان ولا كأني حذاها منسجمة في التصليح ونا فقدت الامل في كمبيوتري وقعدت نتفرج عليها نين شفته والع مافيشي حتى حاجة
كيان .. ومن فرحتها عدت تجري للحوش كله تخبر فيهم بالذات خوها هاشم لان منى كانت تحايل عليه يرفعه للصلاح
ومنها زاد عرفو شغفي بالحاجات هذي
حسام .. تعرفي معداتك وادوات التصليح شفتهن مرة يفتحن محل اللي عندك
آية .. ماشاءالله عليك
معتز .. كيان كانت عكس البنات في اهتماماتها كانت تفرح من هي صغيرة لما حد يجبلها لعبة الكترونية عكس الالعاب الثانية
انا .. تتفكر يا معتز لما قعدنا نجمعو في مصروفنا بيش جبنا ليها بلاي ستيشن اول ما طاحو وقتها
كيان .. واحلى واغلى هدية
حسام .. قاعد لتو قصدك
كيان .. اه عندي جميع موديلات البلاي ستيشن حاليا
حسام بفرحة .. بترفعي الاخير معاك
كيان بضحكة وفهمت سؤال حسام.. لا لو تبيه نخليه لك
حسام بفرحة كبيرة .. والله قديش كان خاطري فيه ورواد وعدني بيه لكن تو (وبنبرة حزن ) ان شاءالله يتفكر ياكل ويشرب
أنت تقرأ
( سلسلة أقرباء ولكن) الجزء الاول بعنوان بنت عمي
Historia Corta#بنت_عمي كل علاقة ليها عمقها واخطائها وحسناتها وحتى حزنها وفرحها لكن علاقتي ببنت عمي علاقة من نوع ثاني مانقدرش نعطي ليها اي اسم او اني نقدر نعطيها وصف يناسبها.... #حياة
