( سلسلة أقرباء ولكن) الجزء الاول بعنوان بنت عمي

الفصل السادس عشر

حابة انوه على حاجة قبل ما انزل الرواية ممكن البعض يشوف فيها انها رواية رتيبة مافيهاش تشويق وهيا هكي فعلا الرواية تعتبر رواية هادية عن الحب بين الاقارب والترابط و تحكي قصة صايرة في واقعنا للاسف الشديد وكم من بنت كانت ضحية شئ زي هذا غير ماحد يندري شنو يصير داخل البيوت

#بنت_عمي
الفصل السادس عشر

انا .. انصدمت لان حسيتها مازال محلهم
اسماء بضحكة .. شنو محلهم يا بيدي معتز عمره 45 تو هضاك هو
انا.. والله عارف لكن خايف على معتز
اسماء.. هذا ليش مريم قالت لازم تكونو معاي لما تبلغ معتز خايفة من ردت فعله
انا بفرحة .. يارب كمل عليهم بخير هيا استنت 11 سنة ومعتز 16 سنة
اسماء.. شنو بدير تو والله ادس عليه على الاقل نين بطنها تكبر شوي
انا.. انتي ناسية معتز دكتور وغير هكي هيا مرته حيفهم لما مرضتها تغيب عليها
هيا قديش ليها تو
اسماء.. شهر
انا.. كلميه ونا انكلم معتز من الشقة الاخرى والله نقولك هيا نحن نمشو ليه على الاقل ردت فعله ماتشوفهاش كيان خصوصا ان فراق منى متعبها شوي
اسماء.. عدي انت ونا نكلم مريم من حذا كيان
انا .. به

وعديت خشيت على معتز
معتز .. كنك يا بيدي
انا.. كيف كني
معتز .. نظرة في عيونك تقول في حاجة
انا.. اصبر شوي بس
معتز .. شنو تستنـ. اهلين اهلين ان شاءالله خير
اسماء.. كنك تقول مستغرب جيتنا
معتز .. الوقت هضا نستغرب لان مريم المفروض تجي بروحها
مريم بحشم .. معتز
انا بضحكة .. عادي عادي مريم واخذين عليه
معتز وحاط ايديه محاوط كتوف مريم .. ها متبوش تقولولي شنو في
انا.. وليش متوقع ان في حاجة
معتز بتأكيد .. وحاجة مهمة اخرى لعدة اسباب اولا كيان مش معاكم لان لو كان سهراية عادية كنتو جبتو كانو معاكم او ناديتوني نجيكم وثانيا عيون بيدي تقول في واجد كلام
انا بهدوء عكس الخوف اللي جواي من ردة فعل معتز .. الف مبارك يا رفيقي
معتز باستفهام .. على شنو
انا على نفس الهدوء .. حتكون اب باذن الله بعد ثمان شهور
معتز بصدمة والتفت لمريم  .. شنوووو
مريم هزت بخوف راسها تأكد اللي قلته

صبا معتز ونحن نبحتو فيه ومش عارفين شنو بيدير وعطانا نظرة كلنا وخذا مفتاحه وفتح باب الشقة وطلع

مريم بخوف .. اطلع وراه يا احمد ماتخليشي
انا  بثقة .. ماتخافيش يا مريم شوي وحيرجع
مريم .. متأكد يا احمد
انا.. كل الثقة
مريم .. يارب

معتز
سمعت الخبر وحسيت كمن كب عليا مية مثلجة وعرم مشاعر خشت بعض خوف فرحة شعور بالفقد وشعور بالقرب شعور بان الحياة من جديد فتحت بابها من واسعه ليا بس في رعشة في جسمي عارفها كويس الخوف من الفقد الخوف اني نخسر مريم وولدي زي ماخسرت وتيني لكن لازم نتغلب على خوفي مريم بحاجة ليا اكثر من اي حاجة لان حتى هيا خوفها بيكون اكبر هيا جربت الشعور هذا سبع مرات شعور الفقد والخسارة

مريم بخوف ..  تأخر يا احمد
انا .. لو عطل اخرى حنطلع ليــ
معتز بهدوء.. السلام عليكم
نحن .. وعليكم السلام