#بنت_عمي
الفصل الرابع عشر
رواد
من يوم ما سافرت ونا مقضيها قراية وشغل طول الوقت وممكن نرقد ستة ساعات بس او اقل ومافيش حاجة في بالي غير كيان كياني نتصل على رقمها وعارفه مقفل ونبعث في رسائل على فونها باستمرار وسائل التواصل الاجتماعي قطعتهن بكل لاني من لما هيا معاش فتحت معاش عندي بيهن لازمة ولما نتصل باهلي رغم انحس في حاجة لكن يقولولي ماتتصلش بيهم وقلت لهدرجة كرهتني ونا على امل انها ادورني او تسئل عليا وقلت ليهم يعطوها رقم فوني وعلى امل ديمة انها تتصل بيهم بيش يعطوه ليها وتتصل بيا ديمة فوني مشحون على خاطرها بالذات بعد ما نكسر فوني لما ضربني احمد وزدت نا كملت عليه لما قهرني اللي درته في كياني وكانن فيه ارقام احمد واسماء المصريات ونا مش حافظهن للاسف لكن اليوم نضت في قلبي نغزة مش عارف نوصفها وخايف تكون في كياني حاجة وحاسس النغزة هذي مش شور هلي شورها هيا وعلى طول اتصلت بايمن
رواد .. اهلين ايمن كيف الحال
ايمن .. بخير الحمدلله
رواد.. ايمن مافيش اي اخبار على كيان
ايمن وحس بخوف رواد .. كنك يا رواد حسك خوفتني
رواد.. مش عارف يا ايمن مش عارف قلبي نغازني من اول مانضت قلبي يدق بقوة وخوف على كيان ( وصوت وضحت فيه الرعشة والشوق ) خايف على كياني
ايمن .. يستر الله تو نمشي لحوش عمي محمد نسئل على معتز لان ليه فترة حتى على حوش احمد مايبرمش عليه
رواد بلهفة .. ايه يا ايمن عدى سلم خيي ورن طمني
ايمن .. خلاص سكر هيا نغير دبشي ونطلع
رواد
عدى عليا الوقت كانه دهر ونا نستنى في اتصال ايمن وبخوف لقيت روحي نتوضى ونصلي لربي وندعيله مايصيب كيان مكروه ومايوجعني عليها ونا ندعي رن ايمن
رواد .. ها يا ايمن طمني
ايمن .. مالقيتش عمي محمد وقالي ولد بنته اللي فتحلي الباب انهم في مصر عند احمد
رواد وهنا حس قلبه وقف .. ايمن بالله عليك حاول تلقى اي رقم او اسم المستشفى اللي انتقل ليها احمد انا لو نقدر ناخذ اسبوع بس راه نزلت لمصر ودورت عليهم بروحي
نا مش مصدق كيان انها ماتتصلش على آية وحسام علاقتهم قوية حتى بيك مش مصدق لتو انها مكلمتكمش
ايمن بينه وبين روحه اكيد ياخوي هضا مش من طبع كيان اللي طبعها الوفاء انها ماتكلمناش لكن شنو بنديرو لامنا يا خوي شنو بنديرو
رواد .. ايمن نحكي معاك وين رحت
ايمن وفطن لروحه .. حاضر يا رواد تو ندور ليك على اي حاجة تبيها او ادلك عليهم بس ليش ماتقدرش تنزل
رواد بتنهيدة .. ماهو نا مع القراية اشتغلت في شركة بيش نلهى ومانشغلش عقلي بان كياني قدرت تنساني وتبعد عليا هكي ونا كنت متأمل شهر شهرين وحترجعلي حتى سكني جهزته عشان يستقبلها وحاليا نشتغلو على مشروع مهم مانقدرش نسيبه كنهدا بتكون في عقوبة عليا كبيرة اللي هنا مايبصروش
ايمن .. وكم المدة بيش تقدر تسيب المشروع او يكمل
رواد .. ممكن سنة او ثمان شهور اقل حاجة
ايمن .. واجد هكي انت ليك قريب السنة
ومازل معاها سنة ثانية
رواد .. هذا هو المهم ايمن بالله عليك راك تنسى ادور على اي شئ يريح قلبي
ايمن بتنهيدة .. حاضر
أنت تقرأ
( سلسلة أقرباء ولكن) الجزء الاول بعنوان بنت عمي
Krótkie Opowiadania#بنت_عمي كل علاقة ليها عمقها واخطائها وحسناتها وحتى حزنها وفرحها لكن علاقتي ببنت عمي علاقة من نوع ثاني مانقدرش نعطي ليها اي اسم او اني نقدر نعطيها وصف يناسبها.... #حياة
