الفصل الثالث عشر (فراق)
....................................................
في الفندق التي تنزل به زينه نامت علي الفراش وجلس سليم بجوارها امسكت زينه بيديه حتي تطمئن انه لن يذهب ، كان سليم يشعر بارهاق شديد ،اعترته غفوه عميقه بجانبها ولم يشعر بالوقت
———————
في الصباح الباكر .....
في الفندق التي تقيم به عشق
فتحت عشق الباب فاذا به ( تامر) بتعب وارهاق وحزن
تامر بفزع عندما انتبه لاصابه رأسها : ايه اللي حصلك وايه الجرح ده؟
عشق وهي تبتعد عن الباب لترجع الي الداخل : دي حاجه بسيطه
تامر بحزن : انا كنت هموت من قلقي عليكي انتي اختفيتي فين ؟!
عشق بوجع : كنت محتاجه افكر قبل ما اواجهك
تامر احني راسه بخيبه امل وحزن علي حالها : انا اسف
عشق بحده : ماعدش ينفع الاسف... انت مش دوست علي رجلي غصب عنك انت دوست علي كرامتي كنت المغفله اللي بينكم ولافاهمه ولا حاسه بحاجه
تامر مقاطع كلامها ارجوكي اسمعيني الاول
عشق وقد تشبثت بقوتها : بص انا مش هقدر الومك علي حاجه بس عاوزه اعرف ليه عملت فيا كده ؟
تامر بخزي واحساس بالذنب : كانت حب عمري فتحت عنيه لقتني بحبها وحصل ظروف وسابتني وبعدين ظهرتي انتي
فكرت ان الماضي انتهي بس لما هي رجعت تاني غصب عني ضعفت ..
انا كنت رايح اقولها ان اللي بينا انتهي من زمان وانها تبعد عني بس شيطاني كان اقوي مني مشاعري كانت ماتت جويا بس لما شفتها ضعفت غصب عني .... ارجوكي سامحيني
عشق بثبات مزيف : انا صحيح يمكن مااخترتكش بقلبي بس اخترتك بعقلي كنت عاوزه اكمل معاك حياتي قلت انت اللي هتعوضني عن غياب كل الناس عني بس للاسف زودت جراحي
تامر بحسره : انا اسف اني خذلتك
عشق بإنكسار : لا انت اول ولا اخر واحد خذلني
لو قولتي كنت هفهمك لاني عارفه يعني ايه تعيش تدور علي الحب والحنان طول عمرك
بس للاسف انت اخترت الخيانه اللي عمري ماهعرف اغفرها
قالت وهي تحبس دموعها : الدبله اللي معاك دي حق واحده تانيه مش انا كانت غلطه من البدايه اننا اتسرعنا بس ده وقت تصليح الغلط
وشكرا علي كل حاجه عملتهالي وعلي وقفتك معايا
بس انت من النهارده بره حياتي
تامر بندم : يعني مفيش امل انك تسامحيني
عشق بقوه : لا
تامر بأسف : هفضل طول عمري اندم اني خسرتك بس لازم تعرفي حاجه واحده اني بجد حبيتك
انا اسف علي وجعك وكسر قلبك واغفري لي ضعفي وخيانتي
خرج تامر يجر خلفه بقايا قلبه المحطم.....
وقفت عشق تنظر الي طيفه حتي اختفي ارتمت علي السرير باكيه مش انت الوحيد اللي كسرت قلبي هو كمان كسره رغم انه هو الوحيد اللي سكنه
في صباح اليوم......
فزع سليم علي صوت هاتفه ، اضطرب حين انتبه انه في
الغرفه مع زينه وان الوقت اصبح التاسعه صباحا
ترك الغرفه مسرعا فيما كانت زينه نائمه بعمق ...
ذهب الي الشاليه ليراها فقد حدثه قلبه ان شئ ما حدث .
دخل الي الشاليه باحثاً عنها فلم يجدها استدعي الحرس فاخبره بما حدث وانها لم تخرج من امامه
حاول معرفه ما حدث وجد باب الحديقه الخلفي مفتوح فعرف انها ذهبت ، اتجه الي غرفتها ليستأنث بعطرها ويستعيد لحظاته معها فوجد ورقه موضوعه علي الفراش
( شكرا علي كل حاجه انت انقذتني مرتين فانا مدينه ليك بحياتي يمكن تجمعنا الايام مره تانيه واعرف ارد الجميل وانا اسفه لو لغبطلك حياتك يمكن لو كنت قابلتك من زمان كان حاجات كتير اتغيرت ). "عشق "
سليم وكأنه بركان اوشك علي الانفجار صرخ : ليه ياعشق تبعدي تاني انا ماصدقت اني لقيتك بس انا مش هسيبك بالساهل انت ملكي انا وبس
سليم بلهجه امر : الو ...... حسام قدامك ساعه
وعشق تكون قدامي باي طريقه
أنت تقرأ
غفران العشق
Romanceمِنْ مِنَّا لَمْ يَكُنْ يَوْمًا مُذْنِبًا. مِنْ مِنَّا لَمْ يَرْتَكِبْ خَطِيئَةً. عَاقَبُوهَا عَلَى ذَنْبًا لَمْ تَعْرِفْهُ. وَجَلَّدُوهَا بخطيئه لَمْ تَرْتَكِبْهَا. وَلَكِنَّهَا قَاوَمَتْ بِالحُبِّ وَعَشِقَتْ. وَعَلَّمْتَهُمْ كَيْفَ يَكُونُ الغ...
