الفصل الواحد والثلاثون ( السر)
...........................................................
كانت تعلم انه رجل الاسرار ومفتاح خزانة سليم ، واذا ارادت معرفته الحقيقه فهو الوحيد الذي يمتلكها ...ولكنها صعقت عندما علمت انه يعلم اسرارها هي الاخري ..
حسام : ها محتاجه تعرفي حاجه تانيه ؟
حياه بهدوء: محتاجه اعرف السر اللي سليم مخبيه عليا ؟
حسام : والسر اللي انتي مخبياه عليه
حياه بصدمه : انت تعرف ايه ؟
حسام : اعرف السر بتاعك اللي مخبياه عنهم كلهم
حياه بتوتر : عرفت ازاي ؟!
حسام : بالصدفه ..سمعتك انتي والدكتور ادم بتتكلموا
حياه تنهدت : وهتقول لسليم
حسام : لو كنت عاوز اقوله كنت قولت اول ماعرفت .. بس انا مستنيكي انت اللي تقوليله
حياه بحزن : مش لازم حد يعرف .. انا خلاص هبعد ومش محتاجه اسيب ناس ورايا متعذبه بسببي
حسام بقوه : انتي لازم تقوليله الحقيقه وتحاربي علشان ميتجوزش واحده غيرك بلاش تضيعوا الحب اللي مابينكم علشان عند وسوء فهم
حياه : هو اختار انه يسيبني وانا مش هقدر اقف قصاده المره دي لاني معنديش حاجه اديهاله
حسام بحزن : بس كده ظلم ليكي وليه
حياه بدموع جاهدت لاخفائها : اهلا بيك في دنيتي
————
في الفندق الذي تنزل فيه حياه...
شعرت بتعب شديد لم تقوي علي الوقوف ظلت تبحث عن هاتفها لتتصل بادم ولكن لم يعد جسدها يتحمل اكثر فسقطت مغشي عليها
في صباح اليوم التالي ....في شركه العشري
سليم بحده : لازم تجيبه من تحت الارض عاوزه قدامي في اقرب وقت
اكرم : انا خليت كل الرجاله تدور عليه بس هو اختفي
سليم بعضب: لازم اوصله انا مش هدمر حياتي علشانه
اكرم : في معلومات عن (........) وانا بحاول اوصل للمكان الموجودين فيه
سليم : لو لقينا فؤاد هيوصلنا للباقي ووقتها هدفعهم التمن غالي
حاول جاسر الاتصال بحياه علي تليفونها فلم تجب حاولت ليلي هي الاخري مهاتفتها ولكنها لم ترد علي هاتفها
اتصل جاسر علي ادم ليعرف ان كان يعلم عن حياه شيء فاخبره بعدم معرفته اين هي
انتاب الجميع القلق وحاولوا البحث عنها في كل مكان ولكن لم يجدوا لها اثر ...حل الليل والكل مترقب لمعرفة اي شيء عنها
حاولت ليلي محادثه سليم ولكن جاسر رفض بقوه واخبرها انه اخر احد سيعرف طريقها فما تفعله حياه هو الهروب منه
تذكرت ليلي ،حسام فاخبرت جاسر انه الوحيد اللي يلازمها واكيد يعرف مكانها
اتصلوا علي حسام الذي اخبرهم انها تنزل في فندق ولم تخرج من غرفتها منذ الصباح .. قلق جاسر وادم عليها وقرروا الذهاب لها
في قصر العشري ...
عمر : ممكن اتكلم معاك ؟
سليم : طبعا
عمر بحذر : انت هتتجوز دينا بجد ؟!
سليم بجديه : ده سؤال ولا عتاب
عمر : الاتنين
سليم تنهد : تعرف ان انت الوحيد اللي بيتكلم معايا بعد اللي حصل كلهم واخدين من موقف ومقاطعني
عمر : انا عاوز افهم ... انت اخويا الكبير اللي عمري ماشفته غلط ، طول عمره جد وملهوش غير في الشغل وبس ،وفاجأه يقولوا انه غلط ومع مين حد من عيلته ولا وكمان وهو متجوز واحده بيحبها... انا مش مصدق وجيتلك علشان اعرف الحقيقه
سليم ببتسامه هادئه : يعني انت متأكد اني معملش كده
عمر بثقه : طبعا متأكد ....بس عاوز اعرف ليه بتقول علي نفسك كده وكمان هتتجوز واحد انت مش بتحبها ولا عمرك هتحبها
سليم : في حاجات لسه وقت الكلام فيها مجاش بس لازم تتأكد اني عمري ماخدعتك انا لسه سليم بتاع زمان
————
وصل جاسر وادم الي الفندق التي تقيم به حياه وجدوا حسام ينتظرهم
حاولوا الصعود الي غرفتها فرفض موظف الاستقبال لانها اخبرتهم بعدم السماح لاحد بالصعود اليها
فذهب احد العاملين لاخبارها انه يوجد اشخاص في انتظارها ولكنها لم تجيب عليه فذهب واخبرهم
أنت تقرأ
غفران العشق
Romanceمِنْ مِنَّا لَمْ يَكُنْ يَوْمًا مُذْنِبًا. مِنْ مِنَّا لَمْ يَرْتَكِبْ خَطِيئَةً. عَاقَبُوهَا عَلَى ذَنْبًا لَمْ تَعْرِفْهُ. وَجَلَّدُوهَا بخطيئه لَمْ تَرْتَكِبْهَا. وَلَكِنَّهَا قَاوَمَتْ بِالحُبِّ وَعَشِقَتْ. وَعَلَّمْتَهُمْ كَيْفَ يَكُونُ الغ...
