الفصل الثالث والثلاثون (الاخير) عشق سليم
...........................................................
خلقنا بفطره غير مذنبه ..تعلمنا الاسوء علي مدار السنوات ..ضيعنا طريق الصواب .. تحولنا من انسان خلق ليعمر الارض الي وحوش كاسره تفترس بعضها البعض .. ننسي دوما اننا خلقنا من نفس الاب والام ونتذكر فقط ان اول خطيئه فُعلت علي الارض كانت من ابنهم ... عشنا نحكم علي الاخرين ونجلدهم ونحاكمهم وتركنا انفسنا دون حساب..
فنحن نطلب المغفره كل يوم من خالقنا ومخلوقاته ولكن لا نريد ان نغفر لاحد جرمه في حقنا
ولكن دائمًا نملك فرصه للرجوع الي الحق وطريق الصلاح ..
وجاءت هي ليست بملاك او قديسه بل تجسدت فيها معني ان تكون إنسانه تنسي وتسامح وتغفر وتتحمل من الاوجاع وتصبر ليقينها ان في نهايه الطريق بدايه جديده لكل شخص اراد الحياه
هذه القصه دعوه الي التسامح والغفران ...فمن منا لم يصبح في لحظه في حياته ك(حياه) ظُلم وجُرح وضاقت عليه الظروف وانقلبت عليه الدنيا والناس ..فاحياه تجسد احزاننا وان اختلفت المسميات
كانت تبحث عن العشق فوجدت الطريق الوحيد اليه هو الغفران
جاء الرجل من الماضي لينتقم بحث عن نقطة ضعفه فوجدها هي فسينتقم منه بها
المجهول :نفسي اعرف بيحبوكي علي ايه وعندهم استعداد يموتوا علشانك رغم اني شايفك واحده عاديه
حياه ببتسامه باهته: محدش هيموت غيري
المجهول: فعلا انتي هتموتي بس هما كمان هيموتوا..
حياه : هاتموتني ليه..انا حتي معرفكش وعمري ماقابلتك
المجهول ببرود : اه صحيح نسيت اعرفك بنفسي انا محمود حسين الدالي (والد زينه خطيبه سليم) اللي قاتلها
حياه بفزع : سليم ....قتلها...مستحيل!!!!
محمود بغضب: قتلها بعد مافضحها ...حرق قلبي عليها هي وامها
حياه بدموع : انت بتقول ايه انا مش فاهمه حاجه
محمود بحزن جلس علي مقعد بجوارها : يوم ماجبها ورماها قدامي .. مقدرتش اصدق ان بنتي الوحيده ممكن تعمل كده ، ثورت وغضبت عليها حاولت اعرف الحقيقه لقتها بتلومني عليا اني السبب اللي ضيعتها بدلعي فيها ..
كنت هتجنن ضغط عليها وعاقبتها ومنعتها من الدنيا كلها وقولتلها اني هربيها من اول وجديد ... بس هي مستحملتش اني اعمل فيها كده ... وقتلت نفسها .. عارفه يعني ايه تشوفي بنتك الوحيده ميته قصادك وانتي مش عارفه تعملي حاجه عقبتني بابشع الطرق .. وبعد موتها لقتها كتبه ورقه بتقولي فيها ان سليم السبب وانها هتموت علشان مش هينفع تعيش في دنيا سليم فيها ...بعد موتها أمها ماستحملتش جالها حاله عصبيه وعايشه في المستشفى بين الحياه والموت
دورت علي اللي فضح بنتي لقيته (فؤاد )هو اللي خطط لكل حاجه ... علشان يفضح سليم بيها وينتقم منه بس بنتد اللي دفعت التمن
(فؤاد وسليم) هما السبب في موت بنتي ولازم انتقم منه وزي ماحرقوا قلبي علي بنتي هحرق قلبهم عليكي
أنت تقرأ
غفران العشق
Romanceمِنْ مِنَّا لَمْ يَكُنْ يَوْمًا مُذْنِبًا. مِنْ مِنَّا لَمْ يَرْتَكِبْ خَطِيئَةً. عَاقَبُوهَا عَلَى ذَنْبًا لَمْ تَعْرِفْهُ. وَجَلَّدُوهَا بخطيئه لَمْ تَرْتَكِبْهَا. وَلَكِنَّهَا قَاوَمَتْ بِالحُبِّ وَعَشِقَتْ. وَعَلَّمْتَهُمْ كَيْفَ يَكُونُ الغ...
