الفصل الخامس والعشرون ( الفرح)
..........................................................
وقفت حياه بفرحه عارمه تنظر الي تلك المفاجأه
فقد احضر لها سليم مجموعه كبيره من البالونات يحملنا صندوق صغير
التقتط حياه البالونات واخذت الصندوق ،وامسك سليم بالبالونات واخبرها ان تتمني امنيه فاغمضت عينيها وتمنت ...وتركتهم في الهواء
فتحت الصندوق لتتفاجئ بسلسله عباره عن قلب مكتوب عليها (عشقي)
لها سليم وهمس بجانب اذنها : اياكي في يوم تخلعيها لانها فيها قلبي يوم ماتخلعيها من رقبتك هعرف انك بطلتي تحبيبني
حياه بحب : انا عمري ما هخلعها لاني بحبك اكتر من نفسي ازاي كنت عايشه من غيرك انا عرفت انا قلبي موجود يوم ماعرفتك وحبيتك
احتضانها سليم : وانا قلبي بيدق لانك موجوده جمبه وبيحزن لما يشوف دموعك ولو بإيدي اخبيكي جوه قلبي وابعدك عن عيون الناس لانك عندي اغلي من حياتي
حياه ضمته لها بقوه : اوعدني انك ماتسيبنيش مهما حصل
سليم بتعجب : ليه دايما بتقوليلي كده؟
حياه بالحاح : اوعدني انك تسمعني دايما وانك ماتبعدش في يوم عني
سليم بحب: اوعدك تفضلي حبيبتي وافضل معاكي لاخر يوم في عمري
حياه بمشاكسه : بس انت طلعت مش سهل خالص انا كنت بقولك ملكش في الرومانسبه والمفاجأت بس طلعت غلطانه
سليم بعيون تزينها لمعه عشق: انا مكنش ليه في الحب اصلا بس معاكي اتعلمت وبتعلم كل يوم ازاي احبك واسعدك
حياه بهيام : بحبك
قضوا اليوم معًا متناسيين همومهم متشبثين بتلك اللحظات السعيده
في صباح يوم جديد...
وصل سليم لمنزل الدكتور حسين لمقابله حياه
حياه : صباح الخير حبيبي
سليم : صباح الهنا ... شكلك احسن كتير من امبارح
حياه : طبعا وجودك دايمًا بيفرق وبيخليني احسن
سليم : وانا ديمًا معاكي .... ويالا علشان اوصلك الشغل
بعد وقت قصير وصلوا الي المشفي ....
حياه بحزن : كان نفسي اقضي اليوم معاك بس للاسف عندي شعل كتير
سليم بحب : بعد الشغل هعدي عليكي ونكمل اليوم مع بعض
حياه بسعاده : تمام هستناك ...سلامً
سليم : استني انا هدخل معاكي ده اول يوم ليكي بعد جوازنا لازم اوصلك حد مكتبك وبالمره اكلم الدكتور حسين في تفاصيل الفرح
حياه ببتسامه :يالا تعالي
امسك بيديها ودخل المستشفي وسط مباركات وسعاده جميع العاملين
فجأه جمدت مكانها نظر لها سليم بتعجب علي حالها
حياه بتوتر : ادم
ادم بحزن : ازيك ياحياه ؟
حياه : تمام الحمد لله
سليم بجديه : مش تعرفيني!
حياه بارتباك : دكتور ادم كان صديق من لندن (ثم نظرت لسليم ) سليم العشري ....خطيبي وكتبنا الكتاب من يومين
ادم بثبات : الف مبروك
سليم و حياه : الله يبارك فيك
سليم : حبيبتي انا هدخل للدكتور حسين هشوفك بعد ماخلص معاه
حياه هزت راسها بالموافقه
ادم بوجع : بتحبيه ؟
حياه بتوتر شديد: ادم لوسمحت بلاش نتكلم دلوقتي
ادم : ماجوبتيش علي سؤالي !!
حياه : ايوه بحبه
ادم بانكسار : انا بجد مبسوط انك قدرتي تلاقي الحب انتي تستهلي كل خير
حياه : وانت كمان تستاهل تلاقي واحده تحبك
ادم بغصه حاولت ابتلاعها : انا قفلت الصفحه دي من حياتي شغلي اهم عندي من اي حاجه تانيه
تركها وذهب حتي لايضعف امامها
في احدي الشركات ......
فؤاد بعصبيه : انا عاوز اعرف جاب البضاعه دي منين في وقت قصير
سالم بحذر: صدقني انا بحاول اعرف بس هو مركز جدا اليومين دول
فؤاد بتفكير : اللي يكسر سليم مش الشغل اللي يكسره بجد قلبه وانا نويت اعمله زياره في اقرب وقت
سالم : سليم مش سهل وصعب نوصل لحاجه تخصه
فؤاد بخبث: بس انا عندي اللي هتوصله وتهد كل حاجه علي دماغه
في المشفي.......
جاسر : حياه محتاج اتكلم معاكي
حياه : اتكلم انا سمعاك
جاسر : بابا كلمني النهارده وسألني عليكي
حياه بصدمه :ليه حصل ايه علشان يسأل عليا
جاسر : انا كلمته وقولتله انك زعلتي قوي انه ماحضرش كتب الكتاب فاتصل يسالني عامله ايه دلوقتي
حياه بفزع :هو عرف انا اتجوزت مين ؟
جاسر : لا انا مقولتش حاجه ولا هو سأل
حياه بخوف: لو حضر الفرح هتبقي كارثه
جاسر : معتقدش ماما اصلا هتوافق اطمني
حياه بقلق :ربنا يستر
—————-
بعد انتهاء اليوم حضر سليم لاصتحاب حياه تحت نظرات حزينه تتمنالها السعاده ونظرات حاقده تتمني الفوز بها
——————
في منزل حسين.....
الهام : حياه انا لازم ارجع شقتي مش هينفع افضل هنا اكتر من كده
حياه بدون مقدمات : انتي عايشه لوحدك ولا معاكي حد ؟
الهام بهدوء: لا انا عايشه لوحدي بقالي 25سنه
حياه بتردد: ليه ماتجوزتيش وعشتي حياتك ؟!!!
الهام بدموع هادئه : لانه مكنش ينفع، انا قلبي انكسر من الراجل الوحيد اللي حبيته اتهمني اني خونته وبنتي اللي فضلت احلم بيها قالي انها ماتت انا كنت عايشه من غير روح..... الوحده هي العقاب اللي فرضه عليا الناس بس انا اتعودت عليها لدرجه اني بقيت اخاف من قرب الناس ليه
حياه بجديه : هسألك لاخر مره خونتيه؟
الهام بقوه وثقه : لا
حياه ببتسامه راحه : لسه بتحبيه ؟
ابتسمت الهام واخرجت سلسله كانت ترتديه تغطيها بملابسها حتي لايراها احد(السلسله قلب يفتح وبداخله صوره لجلال والاخري لطفله صغيرة جدا)
الهام : اول ماتجوزنا اشترينا السلسله دي وحطيت صورته فيها واتفاقنا اول مانخلف نحط صوره البيبي ووعدته اني مش هقلعها طول مانا عايشه ولحد النهارده مش قادره اقلعها
ارتمت حياه في حضنها تبكي لعلي قلبها يستريح من هذا الالم
حياه بتنهيده : انا كنت محتاجه لحضنك من زمان قوي ياماما
الهام بسعاده : (ماما) عشق انتي قولتي ماما
حياه بحب: ايوه ومش هبطل اقولها تاني
الهام بفرحه شديده :يعني مصدقاني
حياه بفرح :طبعا مصدقاكي وهعوضك عن كل حاجه وحشه شفتيها في حياتك
الهام بدموع : انت عوضتيني عن كل حاجه مجرد معرفت انك لسه عايشه ربنا يخليكي ليا ياحبيبتي
———————-
بعد عده ايام في اليوم المنشود .....يوم زفاف (سليم وحياه)
كانت متوتره لاتعرف لماذا يخبرها قلبها انها مع موعد انتهاء السعاده حاولت ان تبعد هذه الافكار عن راسها ولكنها فشلت
احست الهام بتوترها فاقتربت منها تهدئها
الهام بحنان : حبيبتي متوتره ليه ؟!
حياه بدموع : كان نفسي تكوني معايا وانتي اللي توصليني لسليم
الهام بحب احتضنتها: حبيبتي انا معاكي مل ماتبصي حوليكي هتلاقيني قدامك
حياه بقلق : بس انا حاسه ان حاجه حتحصل مش قادره ابطل تفكير فكل حاجه ممكن تبوظ عليا فرحتي
الهام بهدوء: حبيتي مفيش حاجه هتحصل انت بس متوتره وده طبيعي
حياه وضعت يدها علي قلبها: ربنا يستر
بعد عده ساعات.......
وقف الجميع بالاسفل بنتظار حياه
امسك جاسر بيدها وتحرك بها ناحيه الدرج
في الاسفل وقف سليم ينتظر حبيبته ...اغمض عينه يتذكر كل لحظاته معها ،وقف قبل شهور كثيره هكذا ينتظرها في شاليه شرم ، ولم يكن يعلم عنها شيء واليوم هو يوم زفافهم فقداجمعهم القدر من جديد
فتح عينيه رأها حوريه من الجنه اتت اليه ، وضع يده علي قلبه لعله يهدء من جنونه اراد قلبه الخروج من ضلوعه ليذهب اليها ليخبرها عن مدي عشقه لها
اما هي وقفت تتطلع له بعيون متلهفه فاليوم ستكون مع فارسها الغامض زائر احلامها نزلت الدرج بقلب متيم وعيون عاشقه
لم يستطع انتظارها تحرك الي الدرج وصل الي المنتصف مد يده ليلمس يدها
تقابلت العيون العاشقه ضمها اليه بشوق لكي ليعلن لقلبه انها اصبحت ملكه
بعد لحظات خرجوا الي الحديقه لبدء مراسم الاحتفال
بدأت الموسيقي ....ضمها اليه ليتمايل معها علي صوت دقات قلبه همس لها بكلمات حب وعشق... نظرت لعينه العاشقه
مفيش كلام يوصف احساسي بيك دمعه خائنه نزلت دون ارادتها ليمسحها هو بانامله...
سليم : ليه بتبكي؟
حياه: دي دموع فرحتي بيك لسه مش قادره اصدق انك معايا
........
علي الجانب الاخر من الحفل .......
كان يقف بعيد بقلب مكسور وعيون حزينه اشفق علي نفسه من هذا الموقف ولكنه لن يحرم نفسه من رؤيتها بفستان الزفاف فكم تمني هذه اللحظه اسنوات انت تكون هي عروساً له ، ولكن لم يخطر بباله انها ستكون يومًا ملك لغيره
دمعه حارقه مست قلبه عندما رأها تمسك بيد زوجها ونظره السعاده والحب تزين وجهها
لم يعد يحتمل فهم بالرحيل ... جاءه صوت يحثه علي البقاء
ليلي: ادم استني
ادم بحزن: مليش مكان هنا ياليلي
ليلي بتأثر : ليه جيت وانت عارف انك مش هتقدر
ادم بانكسار: لاني كان نفسي اكون معاها انا عشت عمري كله بحلم باليوم اللي تكون فيه مراتي واشوفها بفستان الفرح بس النهارده صحيت علي كابوس
ليلي بحزن : انا فكرت الفتره اللي بعدتها عنك قدرت تنسيك حبها
ادم بوجع: انا عمري مانستها لحظه كنت بطمن عليها طول الوقت وصدقيني انا حاولت ابعد بس مقدرتش
ليلي وضعت يدها علي كتفه : اللي بيحب بيتمني الخير لحبيبه ، وانت شايفها اد ايه هي وسليم بيحبوا بعض
ادم بضعف: لولا اني عارف انه يستاهلها كنت خطفتها وبعدتها عنه بالقوه بس هي عرفت تختار
اقترب منهم جاسر عندما لمح ادم حزين
جاسر بهدوء : ادم انت كويس؟
ادم بثبات: ايوه انا كويس
جاسر :فين إلين انا مش شايفها ؟
ادم :كانت مع حياه
حاول ادم ان يذهب ولكن جاءت إلين وتمسكت بذراعه
تركهم جاسر وليلي وذهبوا الي حياه .....
إلين بحزن علي حال ادم : ادم انا قلبي واجعني وانا شيفاك بتتعذب ومش قادره اعملك حاجه
ادم بهدوء: انا كويس بس لازم امشي
إلين بحذر : حبيبي ماينفعش تمشي كلهم اعرفين اننا اصحاب عمرها ولو مشيت اخيد هياخدوا بالها
ادم بالام : انا حاسس انا بتخنق مش هقدر استحمل اكتر من كده
هم ادم بالرحيل ولكن توقف فجأه عند رؤيته لهم ...
علي الجانب الاخر .....
حياه بخوف : سليم انا عاوزه اقولك علي حاجه مهمه
سليم بتعجب: حبيبتي اجلي اي كلام لبعدين الفرح قرب يخلص
حياه بحده : لا في حاجه ومش هقدر اخبيها اكتر من كده لازم تعرف دلوقتي
سليم بقلق: في ايه ياحياه قلقتيني
حياه بارتباك : تعال ندخل جوه
حياه امسكت بيده واتجهت لداخل القصر تحت نظرات الجميع المندهشه فقد اوشك الفرح علي الانتهاء
علم جاسر بما تنوي حياه علي فعله فهب للتدخل واشار للدكتور حسين لانهاء الفرح
دخل الجميع خلفهم الي القصر ...
سليم بثبات : عاوزه تقولي ايه ياحياه
نظرت حياه حولها فوجدت الجميع ،حال جاسر الكلام ولكن منه جعلته يصمت
حياه :في حاجه لازم تعرفها (اخذت نفس متقطع ) انا ابقي.....
قطع كلامها صوته تعرفه جيده ...تحركت اعين الموجودين علي مصدر الصوت
جيهان بخبث : حياه ...بقي تعملي فرحك من غير ماتعزميني ..انا زعلانه منك جدا
همسات تعلو في المكان ....
جيهان تنظر للجميع ثم تقترب من حياه المصدومه مما يحدث
جيهان : مش تعرفيني علي جوزك وعيلته ...قصدي علي جوزك وبس لان عيلته عرفاني كويس
سليم بحيره : حياه ...مين الهانم ؟
الهام بصدمه :.....جيهان
فريد بحيره : جيهان ... مستحيل
جيهان تضحك بسخريه :انا الست اللي ربيت حياه لاكتر من عشرين سنه وخافت النهارده تعزمني علي فرحها علشان السر مايتكشفش ....مش كده ياحياه ؟
حياه ودموعها بدأت تنهمر وقفت تشاهد دون النطق بكلمه...
عاصم بعصبيه : انتي ايه اللي جابك هنا ؟وايه الكلام اللي انتي بتقوليه !
جاسر بحده :لو سمحتي دكتوره جيهان مش وقت الكلام ده
جيهان بنرفزه : لا وقته ياجاسر لازم سليم بيه يعرف حقيقه الهانم مراته
ها ياحياه ... تقوليله ولا اقوله انا ؟
سليم بعصبيه : حد يفهمني ايه اللي بيحصل ؟!!!
جيهان بكره : انا هفهمك الهانم خالتك خطفت مني جوزي من 25سنه واتجوزته في السر وخلفت منه بنت اسمها عشق وبعدين خانته وطلقها واخد البنت منها ،وعطهالي وبما اني قلبي كبير مرضيتش اخليه يرميها وربتها ،وفي الاخر ترجع مصر وتلعب عليك هي وامها عشان تتجوزك وتدخل عيله العشري وتحاول انها تصلح اللي امها عملته زمان ......ها ..فهمت ولا اقول تاني
ضجيج واصوات كثيره تهز الارجاء
سليم بصوت جهور غاضب: اسكتوووا .....امسك بحياه المنهاره اخذ يهزها بعصبيه : الكلام ده صحيح انتي بنت الهام انت بنت الست اللي كسرت قلبي من سنين....ردي عليا
حياه بخوف وبصوت متقطع : ايوه انا
سليم بعيون تشتعل : كنت عارفه وخبيتي عليا واستغلتيني عشان توصلي للي عوزاه كان كل حاجه كدب
حياه بصراخ : لا مكدبتش عليك انا معرفتش غير بعد كتب الكتاب بس مقدرتش اقولك خفت من رد فعلك
سليم بغضب: قولتلك ماتخذلنيش زيهم بس للاسف انتي عملتي اللي محدش عمله فيا
حياه ببكاء: سليم انا بحبك عمري ماكدبت عليك انا خفت تبعد عني صدقني انا من غيرك اموت
سليم ابعدها عنه بعنف فسقطت ارضاً ...تركها وهرول للخارج تحت صراخها باسمه ....ركض خلفه يحيي وعز لمحاوله تهدأته
ركضت الهام لحتضان ابنتها التي تحولت لجسد بدون روح
عاصم بغضب جامح : انتي ازاي تكدبي علينا كل المده دي انتي واحده ماتستهليش تشيلي اسم حفيدي
فريد بعصبيه امسك شريفه : انتي كنتي عارفه وخبيتي عليا؟!
شريفه ببكاء : معرفناش غير يوم كتب الكتاب مكنتش عاوزه اكسر قلبه
جيهان ببتسامه شيطانيه نظرت لالهام التي تحتضن حياه: انا النهارده بس اخدت حقي منكم وكسرت قلبكم ودفعتك تمن الماضي من سعاده بنتك انا عيشت طول عمري عشان اللحظه دي
تقدم جاسر باتجاه امه امسكها من يدها بعصبيه وتحرك بها خارج القصر
وقف الجميع يتطلعوا الي حياه التي كسر قلبها وانتهت فرحتها قبل بدايتها ، احتضنتها ليلي وحاولت مساعدتها علي النهوض ولكن حياه ابت ان تتحرك ،حاولت إلين هي الاخري اقناعها ان تنهض ولكنها نهرت الجميع
حياه بصوت مخنوق وعيون باكيه : انا مش هتحرك من هناك غير لما سليم يرجع ..هو وعدني انه مش هيسبني ولا هيبعد عني وانا مستنياه
تقدم بخطوات حذره منها : حياه سليم هيرجع بس هو محتاج وقت يستوعب وانتي لازم كمان تخدي وقتك وتهدي
حياه رفعت نظرها اليه : قلبي وجعي قوي يا ادم
ادم بحزن : سلامتك قلبك من الوجع
حياه بنهيار : انا عاوزه سليم .....انا هموت من غيره
جاء جاسر وركض باتجاهها وضمها اليه بقوه : انا اسف حقك عليا مكنتش اعرف انها جايه
حياه بانكسار : امك قتلتني
جاسر بدموع : قومي معايا مينفعش تقدي كده لازم نمشي حياه بعصبيه صاحت به : انا مش همشي من هنا ده بيت جوزي وانا هفضل فيه لحد مايرجع انا وعدته اني عمري ماهتخله عن حبنا
جلس الجميع بجوارها فقط مزقت قلوبهم حتي عاصم حزن قلبه عليها لقد رأي حب حقيقي امامه
بعد وقت قليل عاد يحيي وعز ...نظر لهم الجميع
حياه بلهف : يحيي فين سليم ؟!
يحيي بتعب : مالحقتهوش ،ودورنا عليه كتير معرفناش نوصله
عز بعضب: هو عنده حق النهارده اخد اكبر صدمه في حياته
نظرت له حياه وبكت بشده.....
بعد عده ساعات حاولوا معاها من جديد ان تنهض ولكن لم ترضخ لاحد
ظلت كما هي تبكي وتحتضن جسدها بيدها رافضه اقتراب احد منها
في مكان بعيد ...
وقف يصرخ ويصرخ بداخله صراع فالكاذبه هذه المره حبيبته
تساءل كيف لها ان تخدعه ؟كيف لها ان تخذله ؟ لماذا هدمت جسور ثقتي بكي ؟ لماذا خالفتي وعوددك لي ؟ لماذا حبيبتي؟
جلس علي الارض باهمال ووضع راسه بين يديه ،ولثاني مره في عمره يترك العنان لدموعه الحبيسه لعلها تطفيء النار المشتعله في قلبه ...فاول مره بكي كان بسبب ابتعاد الهام عنه ،وهاهو يبكي لمره اخري بسبب ابنتها
ضرب بيده علي قلبه انت ايها العاصي تخلي عنها فما عاد لها مكان بداخلك هزمتني بحبك لها وسأهزمك بكرهي لها
في مكان اخر ....
جيهان بانتصار : انا محتاجه احتفل النهارده اسعد يوم في عمري
فؤاد بسعاده: كان نفسي اشوف وشه لما عرف الحقيقه
جيهان بضحك : كان عامل زي المارد الغاضب ممكن يحرق اي حد انا خفت منه
فؤاد بهدوء: وحياه ؟
جيهان بعضب: مالها ست حياه ..انا نفسي افهم انتوا بتحبوها علي ايه ؟!
فؤاد بقوه : دكتوره .. حياه خط احمر لو فكرتي بي تقربي منها هنسفك اظن انك فهماني كويس
جيهان بحذر : انا خلاص اخدت حقي منهم ، هي وامها بقوا بره حياتي
فؤاد بحزم : دي اخر مره هنتقابل وبحذرك مره تانيه تبعدي عن حياه نهائي
جيهان بعند: انا مش بتهدد انا ممكن اروح اقولها انك اللي جبتني من لندن وخططت كل حاجه معايا، وقتها مش هاترضي تبص في وشك وهتكرهك وعمرها ماهتبقي ليك
فلاش باك....
فؤاد : انت متأكد من المعلومات دي
سالم : طبعا ياباشا دي معلومات اكيده الدكتوره هي عشق بنت جلال فهمي وامها الهام العشري
فؤاد : معاك رقم الدكتوره جيهان
سالم : ايوه معايا
فؤاد : كلمهالي
بعد لحظات اجابت جيهان
جيهان :الو....من معي؟
فؤاد : انا فؤاد
جيهان : فؤاد مين انا معرفش حد بالاسم ده!
فؤاد : بس اكيد تعرفي الهام العشري وبنتها حياه
جيهان : ايوه اعرفهم ...انت عاوز ايه؟
فؤاد : عاوز اقابلك عندي عرض ليكي واكيد هيعجبك
جيهان :عرض ايه؟!
فؤاد :مش هينفع في التليفون ...انا جايلك لندن بكره علي اول طياره
جيهان : وانا في انتظارك
باك.....
فؤاد بعنف : لو فكرتي تعملي كده يبقي بترمي نفسك في جحيمي
جيهان بخوف : انا كش ناويه اعمل حاجه انا هرجع لندن اخر الاسبوع
فؤاد بقرف: يبقي ماشوفش وشك تاني لحد ما تمشي
جيهان بغضب مكتوب : اكيد ....انا ماشيه ومن غير سلام
فؤاد اخرج هاتفه ونظر لصوره حياه : حبيبتي هسيبك تهدي وتعدي ازمتك وبعدين هكون معاكي واعوضك عن كل حاجه
——————
في قصر العشري ...
لم تستسلم حياه وظلت مكانها رافضه اي محاولات منهم ان تتحرك من مكانها او تأكل او تشرب شيء
وفجأه ينفتح باب القصر فيصمت الجميع .....
أنت تقرأ
غفران العشق
Romanceمِنْ مِنَّا لَمْ يَكُنْ يَوْمًا مُذْنِبًا. مِنْ مِنَّا لَمْ يَرْتَكِبْ خَطِيئَةً. عَاقَبُوهَا عَلَى ذَنْبًا لَمْ تَعْرِفْهُ. وَجَلَّدُوهَا بخطيئه لَمْ تَرْتَكِبْهَا. وَلَكِنَّهَا قَاوَمَتْ بِالحُبِّ وَعَشِقَتْ. وَعَلَّمْتَهُمْ كَيْفَ يَكُونُ الغ...
