الفصل السابع عشر (سليم)
...............................................................
في المشفي......
بعد عده ساعات وسط استغراب واندهاش الجميع مما حدث
افاقت حياه وضعت يدها علي راسها من الالآم التي اجتاحتها فقد تكرر نفس الحلم ،احست بوجود اشخاص حولها رمشت عده مرات لتفزع من وجودها علي فراش بداخل غرفه شريفه
تسألت عماحدث ؟
فأخبرتها شريفه انها فقدت الوعي ،فتذكرت سليم ونهضت فجأه تاركه الجميع خلفها يحثونها علي الراحه وتوجهت الي زائر احلامها
وقفت تنظر بعيون دامعه ، طوال هذا الوقت وهي بجواره ولم تعرف بحثت عنه في السماء وهو بجوارها علي الارض
جهزت نفسها للدخول له تحت نظرات الجميع يتسائلون ماذا تفعل ؟
حياه بقلب ممزق وعيون استسلمت للدموع وروح غلبها الشوق
وذكريات تحتل كيانها ، هاهي تقف امام زائرها الغامض
جلست بجواره تتأمل ملامحه الباهته، امسكت بيديه لتخبره انها هنا ولن تتركه فقد يقنت انه من كان يزورها في احلامها ويستغيث بها
ظلت بجوار فتره من الوقت حتي تتدخلت ليلي لاخراجها من الغرفه لترتاح خرجت صامته تاركه خلفها عيون حائره وذهبت الي البيت حابسه نفسها في غرفتها
في صباح اليوم ...
ليلي تنتظر حياه ليذهبا سويا الي المشفي
ليلي بحده : ممكن اعرف اللي حصل امبارح ده تفسيره ايه ؟!
حياه شارده ...........
ليلي وهي تصيح : حياااه ياحيااه
حياه بدمعه تجتاح وجنتها : فاكره الشاب اللي انقذني يبقي(سليم)
ليلي بدهشه : سليم العشري انت بتهزري ده مستحيل
حياه وهي تمسح دموعها : انا مش قاده استوعب بعد الوقت ده
لما نتقابل تاني اشوفه في الحاله دي وانا واقفه مش قادره اعمله حاجه
ليلي بهدوء : ممكن تهدي ،حبيبتي انا مقدره اللي انتي فيه بس لازم تتحكمي في نفسك اكتر من كده اهله امبارح كانا مستغربين من اللي بيحصل ،انتي متعرفيش الناس دي ممكن تكون رد فعلهم ايه لو حسوا بحاجه من نحيتك لسليم ، انا خايفه عليكي
حياه بتفهم : متقلقيش انا هعرف اتصرف
ذهبت حياه الي المشفي وتوجهت الي غرفه الدكتور حسين اخبرته بكل شئ
حياه بحذر وترقب: انا قلت لحضرتك كل حاجه لاني بعتبر حضرت ابويا واكيد حضرتك حتقدر وتفهمني
حسين بغموض : يعني عاوزه تدرسي حالته وتكوني مسئوله عنه
حياه : ايوه
حسين بدون اي مقدمات : امره يهمك للدرجه دي !!!
حياه بتلعثم وخجل : الموضوع مش كده انا قلت لحضرتك ده مجرد رد للجميل
حسين وهو يبتسم لها ابتسامه ابويه : انا موافق وهنقول لعيلته انك بتعملي بحث عن حالته واللي حصل امبارح مش هانتكلم فيه نهائي
حياه بفرحه اسرعت ترتمي الي حضنه الابوي :انا مش عارفه اشكر حضرتك ازاي ربنا يخليك ليا
ليلي تتصنع الغيره : وانا مليش في الحضن ده ولا ايه ؟!
حياه بمشاكسه : لا الحضن ده ليا لوحدي
ليلي بطفوليه : بس يابت بدل ما اجيبك من شعرك
حسين متدخل : انا بتعامل مع اطفال مش عاوزين يكبروا
ثم ضمهم اليه بحنان انتم بناتي حبايبي ربنا مايحرمني منكوا ابدا
ذهبت حياه لرؤيه فارسها النائم.. فوجدت شريفه امام الغرفه
شريفه بجديه: اخبارك ايه دلوقتي ؟
حياه بحب : الحمد لله كويسه جدا
انتبهت حياه لرد شريفه الحاده
حياه : حضرتك زعلانه مني
شريفه بحده : في حاجات بتحصل وانا مش فهماها
ودلوقتي ممكن اعرف تعرفي سليم منين ؟!
حياه نظرت لها وفجأه احتضنها بقوه
شريفه بدهشه : مالك ياحبيبتي واخرجتها من حضنها لتري دموعها
فيه ايه بتبكي ليه؟!
حياه بتنهيده : في حاجات كتير جوايا ومش قادره اقولها بس الحاجه الوحيده اللي عوزاكي تتأكدي منها اني حفضل معاه لحد مايفوق ويرجع زي الاول وده وعد مني، بس انا محتاجه فرصه ،
فاممكن تثقي فيها ...وعلي فكره مفيش بينا ايه حاجه خالص اطمني
شريفه بحب : حبيبتي مين قالك اني خايفه او مش مطمنه من نحيتك بس استغربت ازاي كنتي عارفاه من الاول وماقلتليش
حياه بحزن : مكنتش اعرف انه هو حتي مكنتش اعرف اسمه انا اعرف شكله بس ولولا الصوره مكنتش عرفته..... صدقيني
أنت تقرأ
غفران العشق
Romanceمِنْ مِنَّا لَمْ يَكُنْ يَوْمًا مُذْنِبًا. مِنْ مِنَّا لَمْ يَرْتَكِبْ خَطِيئَةً. عَاقَبُوهَا عَلَى ذَنْبًا لَمْ تَعْرِفْهُ. وَجَلَّدُوهَا بخطيئه لَمْ تَرْتَكِبْهَا. وَلَكِنَّهَا قَاوَمَتْ بِالحُبِّ وَعَشِقَتْ. وَعَلَّمْتَهُمْ كَيْفَ يَكُونُ الغ...
