الفصل الثاني ( معامله جافه)
..................................................................................
في مصر.....
في قصر في ارقي اماكن القاهرة ...
سليم : بصوت عالي (عمرررررر )
عمر في غرفته نائم علي فراشه يقوم بفزع علي الصوت المرعب
عمر بفزع : فيه ايه؟ انا فين ؟ مين هنا ؟
سليم بقوه : قوم كلمني بدل مأرميك من البلكونه
عمر برعب : ليه بس يابيه حصل ايه؟!!
سليم مستنكر : حصل زفت علي دماغك راجع البيت الفجر، مفكر ان محدش حاسس بيك ...
بس قسماً بالله لو متعدلت وبطلت السهر والصياعه لاقول لجدك يربيك من اول وجديد انت والهانم اختك اللي بتداري عليك
عمر بارتباك : لا خلاص كله الا جدي انا همشي زي الالف بس بلاش تقوله وبلاش تزعل كارما
وغلاوة ماما عندك ...اخر مره هعمل كده
سليم بتوعد : ماشي لما اشوف اخرتها معاكم
في الاسفل ....
ست الكل واحلي ام في الدنيا صباح الفل
شريفه (الام) حبيبي.. صباح الهنا علي عيونك
عز بمرح : فين بقية العائله الكريمه؟
سليم وهو ينزل السلم: صباح الخير
عز وشريفه :صباح النور
شريفه : عامل ايه ياحبيبي ؟
سليم يقبلها بحنان : بخير ياامي
ينزل عمر وبعده كارما ويأتي عاصم من حجره مكتبه ويتبعه فريد ....
جلسوا علي مائده الافطار .....
صمت يقطعه عاصم ...
( في اي اخبار علي الصفقه مع الانجليز ولا لسه)
سليم : بندرس الملفات وبعد الموافقه هسافر اتمم الصفقه
فريد : دي هتبقي اهم صفقه السنه دي
عز :علشان كده لازم نظبط كل حاجه عشان الغلطه فيها بملايين
سليم : كله هيبقي تمام بس انتوا ركزوا في شغلكم
انتهوا من الافطار ونهض عاصم وخلفه فريد وسليم ....وتوجهوا الي الشركه ......
اما عمر وكارما نظروا الي بعضهم وعلي ملامحهم الخوف من سليم
عز : مالكم قاعدين زي اللي عاملين عامله ؟
عمر وكارما في نفس الوقت : سليم قفشنا وناويلنا
أنت تقرأ
غفران العشق
Roman d'amourمِنْ مِنَّا لَمْ يَكُنْ يَوْمًا مُذْنِبًا. مِنْ مِنَّا لَمْ يَرْتَكِبْ خَطِيئَةً. عَاقَبُوهَا عَلَى ذَنْبًا لَمْ تَعْرِفْهُ. وَجَلَّدُوهَا بخطيئه لَمْ تَرْتَكِبْهَا. وَلَكِنَّهَا قَاوَمَتْ بِالحُبِّ وَعَشِقَتْ. وَعَلَّمْتَهُمْ كَيْفَ يَكُونُ الغ...
