الخبز الاسود

البارت الاول

الخبز الاسود
علي البدر
البارت الاول
....
الحياة كالبئر العميق وكلنا عالقون فيه....
اللبيب هو من يجازف هذه العتمة ليخرج الى النور الابدي...
...
...
دموع انتي تتوقعين ابوي وامي مدللينج ....
.وتلعبين بكيفج ...
.وكل ساع مسوية مشكلة ....
...
...
هاي شبيك ايمن اني والله فقيرة .... والله ماسويت شي
شوف لسانها ماتكول عمرها سبع سنوات .....وج ليش ضاربه ابن الجيران وشاكه راسه....
...
...
ماضربته هوه وكح ويغلط وادبته.....
اليوم اني اادبج واعلمج......
....
...
لزمني ايمن من ايدي وضعت جواه وبده يضرب بيه واني اصرخ لحد ماجه ابويه....
....
...
لك ايمن الغبي شنو تضرب دموع شنو انته وتتجاوز عليها واني موجود....
الف مره كلت الكم ماسمح لاي شخص يضرب دموع واني موجود....
شوية تدخلت اختي ....
بابا خلي يأدبها هذي شيطانه مو بت
كل يوم مسويتنه مشكلة وي الجيران.....
رد ابوي عليها بعصبية.....
نادية انتي بالذات لاتتدخلين....
واكلكم كلكم وانتم تسمعوني ...
اي شخص يضرب دموع ماله وجود بهالبيت..
....
....
حضني ابوي وشالني ومشينه وبقوا ايمن وناديه واكفين محد حجه ..
.استغليت الفرصه ومديت لساني عليهم ...وكتلهم اني حبيبة بابا....
رد عليه بابا ..
انتي روح بابا وعمره...
....
...
اني بزر الكعده والمدلله عند اهلي شنو اريد جان ابويه او امي ايجيبولي اياه...
...
يعني اهلي يحبوني ويرفضون اي شخص يضربني او يسمعني كلمه
...
....
اختي نادية عمرها ١١ سنة واخوية ايمن هو الجبير وعمره ١٣ سنه جانوا يضوجون من يشوفوني مدلله ...وجان ابويه يكول كلكم اطفالي الزغار الحلوين ...بس دموع وردة عمري....
جانوا اخواني يموتون من يسمعون التفريق بينهم وبيني
حته ضلوا يغارون ويبسطوني دائما واني ازغر منهم بهواي....
....
....
جنت نايمه بفراشي واجه ابويه كعدني وكالي ....
حبيبتي دموع تعالي نطلع للمحل ونفتر شوية ....
وصدك طلعنه وبقوا ايمن ونادية بوحدهم بس جانوا معصبين وودهم ياكلوني باسنونهم ....
مرينه بالمحل واشترينه اغراض والعاب وحلويات الي ولاخواني ورجعنه....
بالطريق سلم ابويه عله رجال ماعرفه وبقوا يسولفون...
شوية طلع الرجال فلوس وانطاهن لبابا ...
عيني ابو ايمن ذني امانه لبو محمد اذا شفته سلملي عليه لان اني اريد اسافر وخاف ماشوفه...
اخذ بابا الفلوس وخلاهن بجيبه ورجعنه للبيت
....
...
بسبب كل هالدلال اللي من ابوي الي اخواني صاروا يضوجون مني ...ومو بس هاي ...
حته حقد يحقدون عليه....
....
....
وره يومين من هالطلعه بدوا اخواني يسببولي مشاكل وصار همهم شلون يخربون بيني وبين ابويه ...واني مو مهتمه لسوالفهم لاني راح ابقه مدللة ابوية غصب عليهم....
جنت العب بالعابي بغرفتي وسمعت ابوي يحجي وي اختي نادية...
نادية ...نادية
ها بابا
بنتي نادية اكو فلوس بجيبي امانه ذني والله ومالكيتهن ....
هم شلتوهن  من غسلتوا دشداشتي ....
لا والله بابا حته اليوم اصلا ملابسك ماغسلناهن ....

بابا ماشفت ايمن خاف محتاج وماخذهن...يمكن اخذهن وماكلك...

لا بنتي ايمن مايمد ايده عله فلوسي ابدا ...
صار يومين
اروح اشوف دموع خاف محتاجتهن ...
صدك شوية ودخل عليه بابا ...
بنتي دموع تتذكرين عمو اللي انطاني فلوس وكال امانه....
اي بابا اتذكره شبيه....
لا بابا هوه مابيه شي بس الامانه ماموجوده بجيبي وكلت خاف محتاجه وماخذتها بدون متكوليلي .....
لا بابا اني ما اخذ منك دون علمك انت تجيبلي كل شي اريده ومستحيل اسويها....
باسني ابوي براسي وطلع واني كلت ابوية اكيد متوهم او ناسي وين يخليهن لان مستحيل واحد ياخذهن دون علمه .....