الخبز الاسود

البارت السادس

الخبز الاسود
علي البدر
البارت السادس
.  
..
دائما اصعد فوك والكاه  منتظرني وهم رجع وكرر عليه طلب الزواج وطلب اصير حبيبته ...
وكالي اني احبج واموت عليج وماجاب انام ليلي لان افكر بيج...
جاوبته وكتله ....
الله كريم عمر

اني م̷ـــِْن جاوبته وكتله •اللّـہ̣̥ كريم
....
هو جاوبني وكال والله اكون عند حسن ضنج ولاراح اضوجج بيوم....
اني حياتي كلها فدوة لعيونج وماراح اخذلج ابدا
...
اني ابتسمتله وكتله اني رايحه هسه...
امي تصيح عليه
...
بعدين خل افكر وباجر ارجعلك الجواب....
....
...
اني نزلت والحلك مشكوك م̷ـــِْن الابتسامه ....
...
..
وعالدرج  شافني اخوي ايمن اضحك .....
صاحني  وفتح تحقيق
. 
ممكن نعرف ياست دموع شنو السبب اليخليج تضحكين
وبعدين شعندج فوك
ضل يسال اسئله بايخه واني جاوبته
...
كتله شنو حتئ الضحكه صارت حرام بهذا البيت •اللّـه اكبر
شنو من عيشة هذي
ومااحس الا والراشدي اجاني طاير من الجهتين....
كالي ولج دموع ....
السانج اكصه واذبه بالحاوية اذا ترادديني بالحجي ...
اسالج تجاوبيني بلا صلافه سمعتي لو لا...

ضليت ابجي ...
ورحت لأمي واشتكيت عليه
...
وامي ضلت تحجي عليه وتعاركت وياه
كالتله ...
عله كيفك وي اخواتك تريدهن اثنينهن يتمرضن وشنحصل تاليها ....
جانت امي مدللتني مثل ابوي وميقبلون احد يحاجيني ....

..
راشديات اخوي ايمن  ماخلني اتهنئ بفرحتي وضليت ابجي
...
وفرحة شوفي لحبيبي عمر ماتت من بسطني اخوي....
ضليت ابجي بغرفتي
وبعدين رجعت عليه ماما...
وهم فتحت تحقيق
..
وانتي شعندج فوك صارلج سَـآعــهْْ وليش نزلتي تضحكين
...
شكو شنو حجولج نكته فوك ونزلتي شاكه الحلك علينه
وبعدين ليش تراددين اخو٠ موعيب عليج
هو اكبر منج
. 
هلمره فايته الج وسامحتج

بس مَـرّه ثانية  اني الي اضربج واموتج اذا سمعتج متجاوزه عليه...او مراددته بالحجي

اني جاوبتها و كتلها

ماما والله هو ضل يحقق وياي
...
وشعندج فوك وليش تضحكين
يعني شلون الواحد بعد مايضحك بهذا البيت الا اكو سبب للضحك
...
يجوز اني مخبله وجاي اضحك لوحدي
هم تكولولي لَيش انَتي مخبله
...
. . وضليت ابجي وامي حضنتني ...
ماما دموع كافي لاتمردين كلبي ماريد اخسركم واحد وره الثاني
وكالتلي....
يلا  لاتبجين وكومي صالحي اخوج وبوسيه م̷ـــِْن راسه
..
وبعدين روحي ادرسي وشوفي واجباتج حبيبتي

كمت لأخوي ايمن وبست راسه
..
بس شنو بلكوه بسته شكد جنت اكرها مو اخو  عدو بكلشي كاعدلي...
....
...
بهالاثناء  دخل بابا
.
بس ما كلناله اي شيء عن اللي صار
..
سأل عن نادية وكال لماما
ام ايمن.. يكولون اكو رجال موجود ..
يعالج هيج حالات بالقران...
واني افكر  اسال عنه واشوف اشلون يكدر يعالجها حتى اخذها اله و اروح
...
ردت عليا ماما وقالت له..
يا ابو ايمن خلي البنيه يم الله و اهل البيت
...
و لا تخلي ذوله الدجالين و الجذابين بس ياخذون فلوس و ما يسوون شيء
...
كالها بابا
  
كل الفلوس والاموال و الحلال
...
فدوه تروح لضحكه من ضحكتها...
تروح فدوه لضحكه من ضحكة اولادي
. 
انا شنو اسوي بالملايين و الفلوس اذا ما اكدر اعالج بيها بنتي
...
تدرين  من اليوم اللي تمرضت بيه نادية لهذا اليوم....
انا عايش اسوء ايام حياتي...
تتصورون اكدر اساعد ناديه و مقصر وياها...