الخبز الاسود
البارت العاشر
علي البدر...
طول عمري جان ابوية هو سندي والمعين الي ومايقبل واحد يأذيني بكلمة ...
بس بنفس الوقت ابدا مايقبل ارفض طلب او ارادد اخوية ايمن
ومن جان يحجي وياي كالي بصريح العبارة
يابنتي اشوف اخوج اعرف بمصلحتج
ويكول صديقه حامد راح يجي يطلب ايدج منه...
ويابنتي متعرفين شكد افرح من اشوفكم متزوجين كلكم وبيوتكم تجمعكم
لان احنه محد دايم لأحد ولا اني باقي وياكم طول العمر
كال كل اللي عنده وطلع وماكدرت احجي اي كلمة
....
....
جانت حجايات ابوية خنجر وتطعن بگلبي ...
اني اعرف ابوية كلش زين شيقصد بس لاني يحبني حيل ماحب يوضحلي
اعرف قصده من كال علمتج ما تخالفين اخوج ولا الاكبر منج
معناها حجايتي من حجاية اخوج
وقتها عرفت انو كل شي انتهى وحلمي اتزوح عمر انهدم
ضليت دافنة راسي بالمخدة وابجي مستحيل اتخله عنه طلعت من الغرفة صعدت ع سطح انتضر عمر
وخايفة لا يصعد احد وانكشف دقايق وطلع عمر
عبر على سطحنة حضنته وضليت ابجي عمر مستحيل
اعوفك واقبل بقرار اخوية روحي تعلقت بيك انته
عمر : هسس كاافي ما اريد اشوف عيونج الحلوة
تبجي دموعتي ما اتخلى عنج وان شاء الله اقنع اخوج
هزيت راسي وكتله
حبيبي عمر اني اخاف
عليك واعرف اخوية ميتراجع عن قراره وبذات عليك
لأن سني ...
ابوي واني ماعدنه مشكلة بس شسوي اخوي عقلة قافل ...
شسووووي شسووووي فهمني
لزم راسي بايده وباسني ورجع حضني كال
..حبيبتي ميبعدني عنج شي بس الموت وماكو شي
بعيد عنك الموت يغالي
...حضنته وشميت عطره وغصة بداخلي وهم جبير
واني اعرف انو اخوي ايمن مستحيل يوافق ويزوجني من عمر
كالي روحي طبي دموع ياحبيبتي اني اخاف عليج ليشوفج احد
كتله ماشي حبيبي
بعدين شفته عبر لبيتهم واني هم نزلت للبيت
وبقت حسبة تروح وحسبة تجي
لحد ما غفيت ودموعي بعيني
كعدت الصبح على صوت نادية وعلى وجهها ابتسامة خبيثة وهية تكول
....دموع كووومي اجو اهل حامد صديق ايمن يخطبونج
.. انتفضت من مكاني شنوو حامد واهله جايين المن و
ضليت ابجي
مستحيل اتزوجه
شوية واجت امي والضحكة على وجهة
كالت
....كومي بنتي سلمي عليهم عيب الجماعه كاعدين بالهول
أنت تقرأ
الخبز الاسود
Romance...الحياة ...تحتاج الى الحب دوما.... الطائفية سرطان يسري بجسد الحياة... حينما تحب الفتاة شابا ليس من مذهبها ... حينما يغرد قلبها خارج سرب طيور القومية... حينما تعشق فؤادا بريئا لكن ذنبه بنظر مجتمعها انه من غير ملتها .... ....الموعد لم يتحدد واللقاء...
