الخبز الاسود
البارت الثاني
علي البدر
..
...
بسبب اللي سوته اختي ناديه بيه ورادت تطلعني بواكه كدام ابوي....
بديت اكرهها واحقد عليها ومااطيق اشوفها ولان اشوف اخوي ايمن وياها صاف دوم...
ضليت حتى ايمن اكرهه و موبس كره لا ....
ضليت احقد عليهم....
....
....
كان اخوي ايمن يحاول يبرر اللي سويته ناديه فمره من المرات اجاني وحجه وياي
..
دموع دموع
هاي شبيج انتي معقوله حاقده على ناديه ترى صح عمرها 12 سنه بس ترى هي هم طفله بعدها حالها من حالج الله وكيلك ...
....
و انا اشوفكم انتو الاثنين صغار بعدكم و ما معقوله حاقده على اختج هيجي لهالدرجه هذي ...
...
و لا تنسين ترى ناديه تحبج و تريدج دائما انت و ياها...
....
يعني بس هي تغار من تشوف ابوي يحترمج و يشتريلج اكثر من عدها...
هي ما فاهمه هذا الشيء وحسبالها ابوي يفرق بيناتنه ...
جان اخوي ايمن يحجي وعيونه مبينات كلهن جذب والحقد مبين عله وجهه وبوده ياكلني بسنونه ....
..
رديت عليه و كلت له ايمن اسمع هذا الشيء انت تفهمه وانا افهمه و تعرفه و انا اعرفه ....
.....
ناديه ما تحبني و حاقده عليه و اللي تسوي هيج باختها هذه اصلا ذرة حب بكلبها ماكو ....
وعفت ايمن بوحده وطلعت...
.....
...
مرت الايام والشهور و السنين بديت اكبر وحب ابوي الي يكبر وياي... .
بالمقابل حقد ناديه وكرها الي هي واخوي ايمن كبر وياي وصرت مسجونة هالحقد منهم
....
...
كبرت وعرفت الصح من الخطا....
كبرت و الالام تكبر وياي صح اني مدلله صح اني حبيبه كلب بابا
بس بالوقتاللي يغيب ابوي و يطلع من البيت يتحول البيت جحيم
....
...
ناديه تطلع المشاكل من جوا الكاع...
ايمن يجي بدون سبب يضربني او يحاول يختبرني بالدراسه و من ما اجاوب يضربني و يضربني ويضرب....
....
كل هي الامور كبرت وياي وتعيشت بداخلي وصارت غذاء اسود يغذيني كل يوم وهذا الغذاء ولد الكره بداخلي لنادية وايمن....
كبرت وصار عمري 18 سنه صح جنت مشاكسه وجنت مشاغبه بس ماصارت هناك شكاوي ضدي من المدرسة لابويه .....
وهذا سبب رئيسي خلاني اتماده اكثر لاني جنت اكرر الاخطاء بدون عقوبة
...
تعلمت هواي اشياء من الحياة
صادقت بنات وياي بالمدرسه جانت تربيتهن مو خوش تربيه ....
ضليت امشي وياهن واسمع كلامهن المكسر اللي تعود عليه لساني
و كلامهم و حجيهم جان ماينلبس عليه ثوب......
صار عندي عادي من ارجع للبيت اسب ناديه وافضر عليها
...
واسمعها كلام ما سمعته بحياتها...
صار عندي عادي كلشي اكدر احتقر بيه نادية وايمن صار عادي
...
...
ما احترم ايمن ولا اطيق اشوفه
...
بس اذا جان موجود يكلب البيت جهنم على راسي اذا شافني غلطانه
...
...
حسيت بتغير صار بحياتي ....
حسيت انو انه صرت فتاه ناضجه حسيت اني بديت ما اسيطر على نفسي ضلت عيوني تزورك يمنه ويسره ضليت امشي بدروب امكسره و تعلمت كل سوالف البنات
..
....
بلمناسبة احنه حالتنه الماديه ميسوره ووضعنه ميسور ....وعدا مشاكستي بالطفولة ماجانت هناك اي سمعه عن عيلتنه الكل يذكرنة بطيب
....
...
كبرت واخويه ايمن بقه حاد سنونه عليه صار مايقبل اطلع ولايقبل اروح لعند صديقاتي ....
دخل كليه قانون وبقه عله نفس طبعه مايتغير وابدا مايقبل بطلعاتي ....
فـمن يجي من كليته اضل كاعده وساكته ومن يروح اطلع اروح لصديقاتي وهوه مايدري لان اذا عرف يسويني اثنين...
جان مستوايه الدراسي لابأس يعني يوم زينه وعشره لٱ .....
انجرفت بطريق صديقاتي اللي تعرفت عليهن وصار التجاوز على اهلي شي عادي و صرت اتجاوز على اختي نادية ....
هاي اختي جنت اخاف منـِْهـِْا واخاف من خيالها صرت اسمعها كلام يصفنها وتتعجب منه ....
جانت كل كتله تكتلني ولا الثانيه ....
يجي ابوي يخلصني كوه منها ويتعارك وياها.....
هي تصيح بوجه ابوي ....
شوف بنتك وشوف الدلال شلون مخليها تتجاوز ودلعك الها خلاها تحجي كلشي وتسولف كلشي وتغلط وماترد ....
اذكر مَـرّھٌ كتلتني خلت الدم يصب م̷ـــِْن خشمي ومن حلكي ...
ولج دموع اذا سمعت هالكلام منج مره ثانية والله اخنكج بيدي واكطع نفسج
....
.....
رحت اركض لبابا والدم يصب مني ووجهي مورم
ابوي كبل صاح واتخربط وضعه .....
منو سوه هيج احجيلي ....
كتله بابا هاي نادية شوف شسوت بيه .....
....
بدون ميطول بالاسئله راح ابوية
وبده يصيح عله نادية وجان كلش معصب وكاللها ....
مثل ماطلعتي دم دموع اليوم اطلع دمج ..... هذي اختج خلصتي عمرج كله حاقده عليها ....
كلشي اعرف وساكت ....
منو انتي وتسوين هيج بيها ....بعدني اني اشم الهواء وانتم تلعبون بكيفكم...
اذا متت شلون......
ردت عليه نادية...
بنتك هذي لسانها صاير طويل وتتمادى وصايره تفشر وتغلط ...
وماراح تصدكني لمن يجي يوم وتغلط عليك ووكتها تدنك راسك وتسكت....
....
...
شفت ابوي النار تطلع من عيونه ....
ولج نادية هيج تحجين ويايه ....
انتي اللي لسانج يرادله كص ويرادلج تربيه زيادة ....
ورفع ابوي ايده عله نادية وضربها راشدي افترت بمكانها.....
هذي اول مرة اشوف ابوي يرفع ايده عليها.....
وقرر ابوي يسجنها بغرفتها وحته اكلها وشربها يروحلها بصينية وممنوع تطلع....
....
...
استمرت ناديه مسجونه بالغرفه وكان كل الاكل و الشرب يوصل ليها مثل ما ابوية طلب...
ما تطلع من الغرفه اكلها يوصلها بصينيه و بدت حالتها تتأزم حسيت اني كنت السبب كلش ندمت على كل اللي سويته
ندمت عليت صوتي عليها واغلطت عليها و حقدت عليها
...
ما جنت اتصور هي تخاف عليه وما جنت اتصور تريدني اصير احسن و احسن
...
جنت اتصور هي حاقده علي و تكرهني ....
اي نعم جانت تغار بس من كبرنا راحت الغيرة والحقد ....
وبقت تخاف عليه لان شافتني انجرفت وي بنات ادب سيز واخلاق مو زينه....
مر اسبوع كامل تقريباو نادية على نفس الحاله بالغرفه لا تطلع ولا تقبل وحده يمر عليها ...
وصرت من اشوفها انقهر عليها ...
قررت اكلم بابا عنها ...
و كلت له....
بابا ارجوك اذا تحبني طلع نادية من سجنها
...
كالي...
بنتي انا احبكم كلكم سويه بس اريد اموت الغيره هذا اللي بداخلها و اخليها تعرف انه انتم كلكم واحد .....
وقررت اني وابوي ندخل لنادية للغرفة ونطلعها ....
لان بابا عفه عنها....
أنت تقرأ
الخبز الاسود
Romantizm...الحياة ...تحتاج الى الحب دوما.... الطائفية سرطان يسري بجسد الحياة... حينما تحب الفتاة شابا ليس من مذهبها ... حينما يغرد قلبها خارج سرب طيور القومية... حينما تعشق فؤادا بريئا لكن ذنبه بنظر مجتمعها انه من غير ملتها .... ....الموعد لم يتحدد واللقاء...
