الخبز الاسود
علي البدر
البارت الثالث عشر
...
...
طريق الحياة يكون جميلا حينما تمسك يدك بيد من تحب وتهوى...
....
...
يوم من الايام گاعده اكوي ملابسي بالصالة
وجنت افكر بطريقه شلون انتقم فيها من عمر .....
اني كل ذيج الايام ما حچيت وياه من يوم شفته يضحك ويسولف وي ناديه ....
قررت انه انتقم واعوفه
جنت مركزة بداخلي هواي وعقلي وفكري كله بالطريقة اللي انتقم بيها قبل لااتزوج ....
اني راح اتزوج علمود اچوي گلبه...
بها لاثناء دخل علي ابويه
وگال لي....
...
بنتي دموع اهل حامد كم يوم وراح يجون يخطبون
..
لازم اني اعرف انتي تريدينه لو لا اني گلبي مكسور عليج
قطعت كلام ابوي وگلت له...
...
لا بابا انا اريده حامد خلي يجون يخطبون شوكت ما يحبون ...
...
. بنتي دموع متاكده انتي من كلامچ
يعني ما تحسسيني انه انا ظالمج
...
...
رديت عله بابا وگلت له
.
لا بابا انت ما ظالمني وانت اكثر شخص يحبني واكثر شخص يخاف عليه
بس اني شويه چنت مصدومة ومو عله بالي وچنت مرتبكه ....
بس هسه لا بابا اني فكرت وتخذت قرار اني اتزوج حامد...
بس گلت لابوي عندي طلب واحد باباتي
اريد خطوبتي تعزم كل جوارينا وكل عمامي يجون و كل خوالي يجون اريد الخطوبه مالتي تصير اقوى من يوم عرسي...
ضحك بابا
وگال الا اسويها خطوبه التعجبج وغصبا ماعليهم ينفذون طلباتج لها
...
...
وانتي شنو تريدين اكتبيه بورقه وغصبا عليهم ينفذون...
شنو چم دموع عدنه
گلت له لا بابا ما اريد شيء
...
اني اريد اهم شيء الاحترام هو يحترمني واهله كلش كافي
...
مباشره وره ما حچيت هذا الحچي لبابا...
راح و گال لامي و گال لاخوي ايمن ونادية سمعت بالخبر ...
والكل فرح ....
وصارت الهلاهل وامي تصفگ...
...
...
چان الكل فرحان والكل يضحك و مبتسم
الا ناديه جانت عيونها تجدح نار
وجانت حاقدة كلش
اجت سلمت علية وباستني بخدي وكالتلي
لاتفرحين ما دام اني وراج ...
...
...
وراها بابا گال
يلا لحد يصفگ ويهلهل...
خل اخابر الجماعه انطيهم موعد يجون.....
لان كلما يتصلون اگللهم انتظروا من عدنه اتصال....
خل اشوف شوكت يگدرون يجون بس اخلص مخابره صفگوا و رگصوا للصبح.....
و صدگ والله اتصل ابويه...
وگالوا له
احنا باچر العصر ان شاء الله جايين حضر عمامك واخوانك وان شاء الله يصير خير....
...
...
وبقينه نصفگ ونهلهل واجنه خالاتي وعماتي وكم صديقة خابرتهن من تلفون ماما وسوولي صديقاتي حفله صغيره وبقوا عدنه اتعشوا وكملوا وراحوا
...
اني تعبت ورحت لغرفتي
چنت كلش تعبانه تمددت على فراشي ..
...
وراجعت البوم ذكرياتي ويه عمر...
من اول يوم شفته لحد هذه اللحظه ما تذكر سوه عمر موقف مو حلو وياي بيوم من الايام
..
چانت كل المواقف وياي حلوه ومشرفه
...
وكل وگفاته وياي وكفات زلم
بس ليش عافني وراح لاختي ناديه ما ادري ليش ما ادري..
وبقت ليش تاخذني وليش تجيبني ونمت واني تعبانه من التفكير...
...
.. نص الليل واني نايمه چنت اسمع صوت
.
بس من التعب ما چنت اميزه
.
من شده النعاس والتعب والنوم العميق ماميزت مصدرالصوت
....
...
بس استمر الصوت بأذني
.
چان الصوت مرعب صوت مرعب بشكل
صوت يخوف ويرعب ...مثل الونين مال المريض من يون لو مثل المجنون من يصيح
أنت تقرأ
الخبز الاسود
عاطفية...الحياة ...تحتاج الى الحب دوما.... الطائفية سرطان يسري بجسد الحياة... حينما تحب الفتاة شابا ليس من مذهبها ... حينما يغرد قلبها خارج سرب طيور القومية... حينما تعشق فؤادا بريئا لكن ذنبه بنظر مجتمعها انه من غير ملتها .... ....الموعد لم يتحدد واللقاء...
