الخبز الاسود

البارت الرابع عشر

الخبز الاسود14
البارت الرابع عشر
علي البدر
....
...
وصلنا اني وبابا المحل
..
چانت هوايه هناك موبايلات وهواي مداليات صدفه شفت ميداليه باسم عمر
هزيت راسي وضحكت
طلع لي بابا موديلات مال تلفونات هواي...
بس اكو  موبايل اسمه نوت 9 عجبني اخذته
و ابوي اختار لي كفر واختار لي مداليه حلوة
مكتوب عليها حبيبة بابا
وگلي صح راح تتزوجين
وصح تصير عندچ عائله ان شاء الله...
بس راح تبقين انت حبيبه بابا ومستحيل اكو شخص يحبج بگدي ابدا ...
...
...
وراها عزمني ابويه على مطعم
رحنا المطعم طلبنا اكل ....
بس الاكل گالوا يتأخر شوية ....
...

ابوي گال خلينا قاعدين نسولف
ماورانه شب
بعد يومين راح يجي حامد و ياخذج من عندي ويصير حسرة عليه شوفتچ...
...
... گعد ابوي يحچي الي عن الحياة ورة الزواج
يحچي لي شنو الحياه الزوجيه
..
  
شنو البنت تطلع من بيت ابوها معززه مكرمه وتروح لبيت جديد وحياة جديدة
. 
لازم تروح البيت الجديد تشوف الدلال
...
وتشوف عدهم الكرم و الحب
...
لازم تشوف عدهم ابوها وامها ومايخلونها تحتاج لأحد
لازم الزوجه تصير ام البيت ولازم يحسسونها انه هي مو غريبه
...
...
چانت حچايات ابوي كلها حلوه وكلها حكمة ودرايى
الاحساس اللي تكلم بيه ابوي اني اعرفه لان احس روحي وسط روحه
اعرف حنيته وطيبته
واني اعرف انو ابويه يخاف علينا كلنا بدون تفرقة
..
يمكن هو يدللني اكثر و يمكن يحبني اكثر بحكم انو انا صغيره واخر العنقود
بس هم مو من حق ناديه تسوي كل هذا اللي جاي تسوي
. 
ردت اگل لابويه على ناديه وتدابيرها وجذبها
بس ما حبيت افسد هاي الطلعه وخربها
...
وهي اصلا شتريد ناديه تسوي خلي تسوي ما دام باباتي وياي اني بخير
...
...
رجعنا للبيت وچنه محملين علاليك
..
باباتي اشترالي الحظ الاكبر من الهدايا طبعا غير التليفون
...
وچان جايب ملابس وهم كم هدية لنادية
وجاب عشه للبيت ...
اول ماطب شاف ناديه گاعده بالصاله
وگال الها
عمت عين الحب وعمت عين الجمال اذا مو اثنينهم يركعون قدامج يا الحبيبه ياعزيزة گلب ابوج...
و گعد يمها ..
وگال الها
شوفي حبيبتي شنو اشتريت لج هاي ملابس وهذا الاكل هسه ماما تسويه النه .
...
...
فجاوبته وگالت له
شكرا بابا شكرا يعمري
 
تعبتك وياي يا حبيبي ..
انت روحي وعمري وحياتي وقلبي
الله لا يحرمني منك
. 
وحضنته و بنفس الوقت ظلت تباوعلي بحقد
.
اني هم ضحكت وگلت الحمد لله يا ناديه الحمد لله
  
بس بدون ما بابا يسمعني.
...
...
اجت ماما وجهزت الاكل
واني چنت ما اشتهي لان اتعشيت بالمطعم  ..... ويا بابا
. 
گلت الها ماما اني  ماشتهي راح انام لان تعبت ودخت اليوم..
گالت براحتچ
حبيبتي روحي نامي
و انا راح اخليلچ اكل بالثلاجه شوكت ما تگعدين حميه واكليه...
.
.
رديت عليها شكرا ماماتي حبيبتي
...
...
هنا ناديه گالت لي
دموع حبيبتي لاتسدين الباب اليوم اريد انام يمچ
. 
..
اني يبس الدم بعروگي وضليت صافنه
ما اعرف شنو احچي و شنو اگول وعرفت ان عدها شيء اكيد
گلتلها له
عادي عادي ولا يهمچ اني غرفتي ما اسدها مفتوحه
.
و باي وقت تجين تلكينها مفتوحه وبخدمتج
بس الصراحه گلبي ضل يدگ بسرعه
واحس انو رجفه اجتني وگلت لازم الليل كله ما انام واراقب ناديه...
...
...
بقيت گاعده بغرفتي
وانتظرت ناديه تجي وما اجت
صارت تقريبا الساعه 12 بالليل وايست منها
وگلت اكيد ماحتجي بس  شعجب ما اجت خل اروح لغرفتها اشوف شعجب ماجت
رحت لغرفتها ولگيت امي نايمه يمها وعرفت انو امي خافت تنام يمي وقنعتها تنام هي وماما بالغرفة
. .
..
حسيت شويه براحه نفسيه
تخلصت من ناديه وخلصت من نومتها يمي
تمددت على فراشي
فكرت اقرا الورقه الانطانياها عمر
بعدين گلت ليش اقراها اصلا
اني قررت ما ارجع اله
على شنو اروح اطلع تبريره عله السواه
عفت الفكرة ولفيت راسي ونمت ...
...
  .
نمت الساعه تقريبا 12 ونص وجنت مرهقه جدا وتعبانه
  
ما حسيت بنفسي الا الساعه 11 الصبح يالله كعدت
گعدت لگيت اشياء غريبه بغرفتي
لگيت الغرفة مگلوبة فوگ جوه
مكياجي كله مكسر
ملابسي معفوسه كلها ومشمره
ديلاب اللي بيه العابي وحاجاتي كله مكسر
طلعت اركض لامي وسالتها منو دخل لغرفتي تعالي وياي...
اجت امي للغرفة
وشافتها  وگالت
هايشبيچ دموع
لشنو تريد توصلين
اني ليش ماخليت تنام وياچ نادية
لان اعرف بسوالفچ
وهسه جايتني وكأنما تتهمين احد بخربطة غرفتچ
ماماتي دموع
هاي  اكيد البارحه انتي جنتي تعبانه وخربطتي الوضعيه
لاتتهمين اختچ باشياء ممسويتها
گلت لها ماما
اني ما اتهم احد ولا اتهم ناديه بس انتي مجاي  تشوفين  غرفتي مگلوبه گلاب
...واني مستحيل اسوي هيج شي
قاطعتني و گالت ...
دموع روحي لغرفتچ رتبيها وبطلي هسوالف مال الزعاطيط
رحت لغرفتي ....
واني متاكده انو ناديه اللي سوتها واعرف انو نادية وره هالشي
بس ما اعرف شنو اللي تريده بالضبط ولا اعرف شنو اللي مسويته اني لها حتى تكرهني كل هذا الكره وتحقد عليه بهذا الشكل
...
...

دخلت الغرفه وتفاجئت
لأن لگيت ناديه ترتب بغرفتي ...
...
...
گلت الها
نادية شتريدين مني بالضبط
اللي تريدينه شنو
ليش ما تعوفيني بحالي شمسويتلج اني شنو اسوي حته ترضين عني وتعوفيني بحالي...
....
...
مباشرة خربطت شعرها ورخمشت وجهها خفيف وشمرت روحها عالگاع وصاحت
الحگيلي ماما ...دموع راح تموتني
وترست البيت صراخ
اجت امي تركض
ها نادية شبيج
هاي منو سووه بيج هيچ
ولج دموع شبيها اختچ
اني بقيت صافنه لاحل ولا اربط ولا اعرف اتصرف
وشما احچي واگول امي ماراح تصدكني
اجت نادية وحضنت امي ووهي تبجي وبدت تحجي شي من الخيال ...
گالتلها ماما اجيت لغرفة دموع ولگيتها مخربطة تفاجئت ودخلت اشوف شصاير
اشو كبل هجمت عليه وملشت شعري وتكلي انتي خريطتيها  ...بليل
ماما غير انتي يمي بليل ...
بعد شوكت اجيت اني
التفتت امي الي خزرتني وضربتني راشدي عله عيني فرتني فررر بمكاني وطلعت
...
...
اتي ماهتميت لشي وضليت اضحك ومستغربه وگلت
هاي بداخلها مو فكر بشر هاي ما تفكر مثل البشر ابدا
هاي تستعين بالشيطان والجن والشياطين كلها تتعلم من حيلتها..
...
...
رتبت غرفتي ورتبت الاغراض
...
وشفت الجنطه مالتي
مشمورة بالكاع ومطشرين الاغراض البيها
...
وشفت الرسالة اللي  انطانياها عمر
هم بالكاع مشمورة
شلتها ردت اشگها
لأن ما حبيت افتحها
چنت كلش ضايجه
واكيد من اقرا الرسابة اضوج اكثر
فشلت الورقه وخليتها بالجنطه ورجعت جنطتي لمكانها
....
...
بقيت طول اليوم گاعده ارتب بغرفتي و ما طلعت نهائيا
حتى بابا اجاني
وسالني 
شبيج  بابا دموع مريضه حبيبتي
گتله لا بابا  بس شوي تعبانه
كلش تعبانه مالي خلق...
بعدين شغلت البلازما البغرفتي تابعت فيلم مصري
چانت قصته حلوة
حيل عجبتني
بقيت مندمج وياع تقريبا ساعتين ونص ما انتبهت الا الليل صاير ..
...
گمت ولگيت اهلي كلهم نايمين
...
جبت اكل من الثلاجه ودخلت لغرفتي...
وبقيت اگلب بالتلفزيون
وخليته على اغنيه كلش جنت احبها
...
  
چانت كلش تمثل حالتي
تمنيت اگدر اوصلها لعمر
حتى يسمعها لانها تنطبق عليه