الخبز الاسود
علي البدر
البارت الخامس
....
....
ضليت كل مااصعد فوك السطح ...
الكاه منتظرني..
اني جنت اتحجج علمود اصعد...
يعني اخذ ملابسي النضيفه اغسلهم او اسوي اي شي ماله داعي في سبيل اصعد ليفوك...
وفد يوم صعدت ليفوك ...طبعا وره ماخلقت عذر لماما حته اصعد...
جنت اباوع بالسطح ماشفته ...
ضجت بداخلي ونشرت الملابس ونزلت....
قبل لا انزل من السطح
...
صاحلي بأسمي...
يعني صح جنت معجبه بيه بس جان كل اللي بيناتنه نضرات عيون وحجي كلب
....
جانت بيناتنه ابتسامه ولقاء وحيد يوم لللي طلعت اختي نادي بليل ....
بس ماجنت اتوقع يجي يوم ويناديني بأسمي...
جنت اكره اسمي لأبعد الحدود ....
بس الله من يناديني بيه احسه اجمل شعور واحس اسم اجمل اسم.....
وره ما صاحلي
....
اتجمدت بمكاني واجاني شعور غريب وبنفس الوقت جميل ....
كمل كلامه وكالي.....
اوكفي دموع اريد احجي وياج.....اني عمر
...
من حجه هيج وياي ضليت ماعرف شنو اسوي
...
..
اتخربطت اوضاعي وكمت امتمت بالحجي...
معقوله راح اشبع من كلامه واصير قرببه منه
بيتهم يصير السياج مالته اعله من سياج بيتنه ...
يعني من يحجي ويايه يصير هوه اعله مني ....
....
فاتقدمت منه ...
وكتله كول شنو تريد ومنين عرفت اسمي وليش صحتني .... طبعا جمعت قوتي وحجيتهن بسرعه
...
اني لساني جان يحجي غير اللي بكلبي تماما
هو ضل يضحك وكال ....
هاي شنو مو لسان عندج تكول رشاشه عله كيفج ويانه شالقصه ورجع ضحك مرة ثانية ...
....
اني ابتسمت وفهيت عله ضحكته وصفنت عله اسلوبه وحجيه وياي بكل هدوء ورومنسية وحنية
...
رجعت كررت سؤالي عليه و كتله
...
كول شنو تريد ،، ...قبل لا انزل لان ماما حتضيعني وتدور عليه
كال من الاخير اني انعجبت بيج من اول يوم شفتج وحبيتج .....
وصدكيني مستعد انو اسوي كلشي علمودج بس كون تبقه ابتسامتج عله وجهج دوم
من كال هيج اني متت من الفرح بداخلي وحسيت بيه جاي يتعذب بالحب مثلي
بس ماخليته يكمل كلامه ...
وبديت ابيع ثكل عليه
كتله شوف عمر اني مو من هذني البنات اللي تشوفهن كل يوم بحياتك ...
وحسبالك بسرعه اكولك اي واوافق عليك واكلك واني حبيتك
...
لٱ عيني انت متوهم وبعد ماريد اشوفك تلاحكني وتنتظرني وتناديني
...
اني جنت احجي وهو صافن عليه وبين عله وجهه التعجب
....
وعفته ورحت بس بوكتها متت مـِْن الفرح
...
...
لان هو عجبني وحبيته وبنفس الوقت جان هو يمتلك نفس الشعور اتجاهي
....
جنه بالعائله شاغلنه موضوع اختي ناديه...
وضعها يوم يتحسن ويوم يسوء ....
اكعد مرات وياها
...
الصراحه احس بداخلها شخصيتين...
يعني مره تكلمني و هي اختي نادية اللي اعرفها و تعرفني و تعرف كل شي عني....
أنت تقرأ
الخبز الاسود
Romansa...الحياة ...تحتاج الى الحب دوما.... الطائفية سرطان يسري بجسد الحياة... حينما تحب الفتاة شابا ليس من مذهبها ... حينما يغرد قلبها خارج سرب طيور القومية... حينما تعشق فؤادا بريئا لكن ذنبه بنظر مجتمعها انه من غير ملتها .... ....الموعد لم يتحدد واللقاء...
