الخبز الاسود

البارت الحادي عشر

الخبز الاسود
علي البدر
البارت الحادي عشر
...
...
كل الطرق انسدت كدامي...
كل الخطط اللي رسمناها ....انمسحت بسبب واقع طائفي مر
....
...
اول الصبح جنت ادعي من رب العالمين كون مانروح للزيارة رغم اني مشتاقة اروح وازور وابجي وادعي
صارت الساعه ب10الصبح وامي بدت تجهز بغراض الزيارة . 
بهالاثناء دخل ايمن وجان بالشارع واجه قميصه مشكوك ووجهه يصب عرك
اجه كبل عليه وضربني ضربه قوية بخاصرتي طحت يم امي وبعدين جرني من شعري وضرب راسي اربع مرات بالحايط
وكال ...
ولج جلبه من شوكت تواعدين هذا الجلب عمر ....
ولج انه يلاكيني يكلي احب اختك ومو بكيفك تزوجها لحامد
والله اليوم تتزوجين حامد
ولج منين عرف اريد ازوجج لحامد
 اكيد انت حچيتي له وملتقية بيه
صدكيني يا دموع واسمعيها كلمه من عندي
 لو يضل اخر رجل بالعالم هذا السني ما تتزوجينه و خلي يكون بعلمج كلمتي هنا هي اللي تمشي او مستحيل اكو شخص يگدر يأثر بهذا البيت مثل تاثيري اني فلذلك لا تعانديني وامشي بكلامي واسمعي الكلام اللي اگوله اني وبس يتنفذ ..
خله وطلع واجت نادية يمي وطلعت كل حقدها ..
والله راح تجيبين العار النه كله
انت مافكرتي  ماكلتي شنو نحجي شنو نكول لو سالتنه العالم..
عمي شجاينه نطي بتنه لناس دينهم غير دينه
بسوايتج اللي تريد تسوينها راح تخلينه علچ بحلوك العالم ...
تريد تخلين العالم كلها تسولف بينه
 مافكرتي باخوج بابوج فكري بينه  بعايلتج بسمعتج ...
تفو عليج وعله خلقتج ...وكامت مني ....
صحت بوجهها
نادية شنو دينهم غير دينة يابه كلنه اسلام ومسلمين بس المذاهب تختلف..
ردت عليه وكالتلي
اكلي تبن وانجبي ولاتحجين وتراددين
ابها الاثناء دخل ابوي وسمع العياط والصياح والبيت مگلوب كلاب جان ابوية بالسوك رايح يجيب غراض اله
...
...
سمع ايمن يصيح ونادية تصيح وامي تصيح ...
واني لاحول لي ولاقوه ....

اكل سكت بس ايمن كال لابوي شوف بنتك شوف شمسوي
تروح تگل لهذا السني اهلي جابريني ويريد يزوجوني
واليوم جاي يحاسبني هذا الجلب الجربوع ويگلي ليش تجبر اختك وانتم تدرون بيه اريد اخطبها..

...
  
مباشره اجه ابوية شافني  ابحي  مباشره گالي
احنه مو اتفقنه  ماتراددين اخوج ماتفقنا ماترفضين كلامه
مو كتلج كلمتي من كلمة اخوج ايمن  يعني انت كسرتي كلمتي

....
...
انلغت الزيارة وانلغت جية عمر واهله للخطبة وصار لازم اسوي شي يخليني ماخسر عمر وقررت اشرد وياه بليل واليصير خل يصير
...
...
بليل اول ماناموا اهلي صعدت لعمر واني شايله جنطتين جنطة صغيرة بيها فلوسي وذهبي والجنطة الثانية ملابسي وكل حاجاتي ...
....
...
شافني عمر وبقه صافن كال شنو هاي شجاي تسوين انتي مجنونه اشو لابسه وجاهزة ...
كبل كتله اشششش ولا كلمة اني خسرت كلشي وماريد اخسرك
هسه تتزوجني وتخليهم كدام الامر الواقع وتعبرني عله بيتكم وننهزم...

هو بقئ مثل المصدوم م̷ن كلامي
  
وكلي دموع انَــْتي شلون تحجين هيج حجي....

اني مااقبل اكسر بختج علمود اصيرين اليه غصبا عليهم....

لٱ حبيبتي اريدج تصيرين اليه واهلج قابلين عليج وعليه

اني هنا ضليت ابجي انهاريت بلبجي وكتله لعد شون مايقبلون شسوي ....
والله انت شفت اخوية شبون قافل
...
وبعدين شلون تروح تكلة اريد اخطب اختك وتتعارك وياه
. 
...
دموع حبيبتي حسبالي يتفاهم كلت احجي وياه ...

شيتفاهم ياعموري ياحبيبي انت ماشفته ذيج المرة شلون هد عليك بمسدس وراد يكتلك
عموريتي حبيبي عوفه اترجاك لاتوصله
رد عليه و كالي
...
حبيبتي دموع عوفيها ع •اللّـہ̣̥ وهو يحلها
كتله ونعم بالله شوي هدئني وسكتت م̷ـــِْن البجي  وباسني يخدي وكالي نزلي الجنط ونص ساعه واصعديلي ...
والله نزلت الجنط وغسلت وبدلت وصعدت يمه
و ضلينه نسولف وماحسيت بلوقت شكد ولاحسيت باللحظات ولا الساعات شلون تمر
لحد ماكشف الصبح علينه

كأنما جنت غافية وفزيت
فجأه حسيت انو الوقت كله يم عمر مادري بيه
جسمي ظل يرجف ومابقت  قطرة دم بيه ...
خفت حيل وكتله
يمعود طلع الصبح واحنه كاعدين نسولف...
شسوي خاف احد يكعد ويجي لغرفتي ومايلكاني
شوية  حسيت اكو حركة و صار صوت جوه بلطرمه ...

وسمعت صوت ابويه يريد يروح للحمام
...
هنا اني متت م̷ـــِْن الخوف

وكتله روح عفيه

عمر امشي  لاتصير مشڱلھِ
كالي اوك وعبر ع اهله
وكتله دير بالك خاف احد يشوفك
...
...
واني ضليت اروح وارجع بالسطح وكلما اريد انزل اشوف واحد من اهلي ....
ظليت ارجف بمكاني ماعرف من برد لو خوف رغم احنه بالصيف

ضليت بلسطح متحنطة بمكاني شو لهناك جان ادير وجهي وشفت عمر  واكف وراي

كتله شنو السالفه انت مو رحت لهلك المن رجعت يحظي

كالي يمعوده اسكتي ضليت معلك لابيه اطفر ولابيه ارجعلج خفت عليج...
توقعتج مانازلة
وهياتج  بعدج مانزلتي...

اني هنا مدري اضحك مدري ابجي ع الموقف الي صرنه بي....

كتله لٱ يمعود ابويه كعد وبعد مايرجع ينام وصعب انزل
كالي ابقي هنا واني راح اروح شوي واخابرج اطمن عليج ....

كتله ماشي روح

وراها  كالي ابقئ يمج ماروح مستحيل اعوفج بوحدج
كتله لاااا روح ...روح .....

لايجي احد واصير مشڱلھِ

خطيه راح وضل يباوع عليه ..
وبعدين اني ضليت يارايحه وياراجعه اباوع م̷ـــِْن البيتونه جان اشوف امي  وبيبيتي ام امي ويانه بالبيت ساكنه بس جبيرة ومخرفة ومقعدة ..
شفت امي جاي تبدل لبيبي وتغسللها  ...
...
اني محتارة شسوي  صرت اكبر غبيه بهذا الموقف وماعرفت شنو اصرف
قريت يمكن الف سورة من القران ...
شفت امي دخلت بيبي لغرفتها
بهالاثناء  نزلت ركض لغرفتي وكبل مثل الرصاصة طبيت للغرفة مالتي وكلبي يلهث وصوتي مطبك وشبه مختفي
تمددت عله فراشي وحسيت بتلفوني يدك لان مخليته هزاز ...
لكيته عمر يتصل
كال ولج بالي يمج وين انتي ...
كتله اطمن حبيبي اني بآمان نزلت بأخر لحظة يحبيبي ..
...