الخبز الاسود

البارت الثاني عشر

الخبز الاسود
البارت الثاني عشر
علي البدر
...
...
رجعت لعزلتي مرة ثانية واعتزلت عن العالم بأكمله ..
خطبتي من حامد صارت مسالة وقت لا اكثر...
العطلهم عن الخطبة هو موت ابن عم ابو حامد اللي اجته سكتة قلبية وتأجلت الخطبة...
ماجنت اكدر اسوي شي ولا اكدر احجي خلاص  كل اللي بنيناه اني وعمر انتهى ...
فتحت تلفوني وقررت انهي كلشي وي عمر ودزيتله رساله..
عمر مو كل شي نريده يصير ...انساني وعيش حياتك ...
واني راح اتزوج حامد مجبورة...
اذا مو اليوم باجر واذا مو باجر عكبة....
طفيت التلفون ورحت اخلي دهن او مرهم لان جسمي كله يأذيني ماكدر ولا اتحمل بعد...
جنت خايفه يتأذه عمر بسببي واني ماتحمل اشوفه مقهور لو مضروب لو متعارك ويه ايمن بسببي....
مرت اربع ليالي ماصاعده للسطح ولاشايفه عمر وجنت مشتاقتله حيل بس قررت ادوس عله حبي ومشاعري علمود مايتأذه..
جنت مطفية جهازي واتجنب الطلعة حته ماشوفة ولا التقي بيه...
كلما ابتعد عنه اشتاگ اله وكلما انساه اتذكره ...
صارت حياتي بهاي الفترة عبارة عن انكسار وخيبة والم وامل...
فكرت ارجع واحاجيه ...بس شنو الفايدة
وشنو اللذه من لحظات ادري بيها معدومة ...
جنت متضايقه حيل اربع ايام ماكو تواصل وي عمر ...اربع ايام ماكو خبر عن عمر ...
گلت وي نفسي خل اطلع لبره من الباب بلكت اشوفه واهلي بيومها جانوا مموجودين...
ايمن يم اصدقاءه يتأخر وامي وابوي طالعين للماركت
ونادية بغرفتها..
فقررت اطلع واشوف عمر بلكت واكف بالباب ....

المهم اشوفه حتى لو من بعيد  اطمن عليه 
فطلعت امشي على كيف  چان البيت هدوء تااام
لان ما كو احد موجود الكل بره الا نادية متوقعتها بغرفتها
...
 جنت اسمع صوت ضحك خفيف ومو واضح جاي من بره البيت...

 فلمن سمعت صوت الضحك 

گلت افضل شيء ارجع خاف يطلع واحد عرف بالباب او من جوارينا ويشوفني.....
 وراها گلت شعليه بيهم  خلي اطلع حتى لو عرف اني شمسويه ....

و بالفعل طلعت فتحت الباب على كيف وصار صوت الضحك واضح...
والشخص اللي جاي يضحك صوته فزز كلبي ...
اي هذا صوت عمر اني اعرفه بسرعه فتحت الباب
وانصدمت من الموقف اللي شفته
...
. 
 ايه نعم انصدمت
شفت اختي ناديه واگفه ويه عمر و يضحكون ويسولفون
...
...

  انصدمت من الموقف بحيث ما گدرت اعبر عن اي شيء ولا اگدر احجي اي شيء
...
 گلت معقوله  عمر يسويها 
معقوله انتظرني علما احجيله ويعوفني...
مستحيل مستحيل هذا اللي جاي يصير 
معقوله عمر جان ينتظر هذي الفرصه على مود يصادق اختي ناديه
...
 معقوله ناديه چانت تخرب بيناتنا على موت هي اللي تاخذ عمر مني
. 
..
معقولة اني غبية لهالدرجة وماحسيت اكو شي بيناتهم من قبل
 ....
...
اللي جاي يصير اكيد مو حقيقي  انصدمت بحيث ردت اوگع  بالباب ...
...
دخلت اركض الغرفتي  وبجيت وملشت شعري ولطمت عله وجهي...
وراها قررت ادزله رساله
 فتحت التلفون
 بدون سلام وبدون تحية
كتبت له انت واحد چذاب انت واحد مخادع ..
...
كل الحب اللي بيناتنا چذب بچذب ما چنت اتوقع هيج تسوي
.  ...
...

.. 
معقولة تعوفني  وتصادق  اختي
..
  .
الله لا يغفر لك  ياعمر ويراويك حركة كلب باعز ناسك
سديت التليفون وكسرته وكسرت الخط و كسرت كل الامال اللي كنت بانيتها وي عمر....
....
...
شويه سمعت الباب انفتحت باوعت من فتحة الباب مال غرفتي
...
شفت نادية دخلت تضحك ومبتسمه وتركص
عرفت انه اكو شيء قديم بيناتهم بس ما جنت اتوقع ان الخسه والنذاله توصل لها الدرجه ...
...
حسيت انه لازم اشوف عمر ولازم اخلي عيني بعينه
...
ولازم اگول له انت چذاب انت ما تصلح انك تكون حبيبي الي
...قررت ان اكون قوية واكون شجاعه واواجه عمر وانتقم...
...
... و انا بغرفتي سمعت صوت ابوي دخل
وگال شو اليوم ماكو
هاي وينكم...
طلعت سلمت عليه
هلا بابا حياك الله شلونك
اشو ماكو ماما
مو سويه طلعت انت وياها للماركت
...
.. ايه حبيبتي دموع  اني جيت وتعرفين ماماتج ماتخلي محل ماتمرله
اني اجيت قبلها
سويلي فد شي اكله لان جوعان...
....
....
رحت للمطبخ علمو اسوي اكل لأبويه....
جان تجي وراي اختي  ناديه
وگالت الي
ايه يا دموع تتوقعين اعوفج تتوقعين انسى اللي سويته بيه  مستحيل انسى
...
كل اللي سويتيه
ولاتكولين مالي ذنب
بسببج ابوي ظل مايشوف احد بهالبيت بس انتي حبيبته والمدلله وبس
راح تشوفين ايام سوده
الافضل الج اتزوجي حامد وعوفي الحب والتمعشك
وعوفي عمر السني لان ما يفيدج ماراح تتزوجينه ما دام انه موجوده فهمتي....
وادري بيج شفتيني اسولف اليوم وي عمر ....
تدرين شنو گال لي ...
...
گال لي اختج هي اللي لازگه بيه
فيا دموع عيب تتلزكين بالمارايدج شنو حته كرامتج بعتيها...
هسه شفتي شلون باعج بمجرد ضحكه مني .....
قبل لا تروح گالت لي
اسمعي يا دموع
ما تتخلصين مني ومن شري الا لما تتزوجين حامد...
...
ذيج الساعه يمكن  اعطف عليج
..
...
كلشي بحياتي اسود ومظلم بسببج انتي
حرمتينه من ابونه بدلعج  بغيرتج وحيلتج
..
...
انتي وحده حيالة وجذابة
بسبب كل سوالفج  ابوي تغير علينه
ما يشوف بالدنية بس انتي
. 
..
وين راحت دموع ليش ما اجت دموع ليش ما كلت دموع ليش ما مشت دموع ليش ما أجت دموع
...
..
ليش ما اشترت دموع...
واحنا ضالين حسره علينا كل شيء المهم بس دموع ترضى...
...جانت نادية تحجي عله كيف بس عيونها تجدح نار والكلمة تطلع منها مجمرة وكلها حقد
گالت اسمعي يا دموع ما تخلصين مني الا بالزواج ....
وطلعت من المطبخ وراحت لغرفتها...
...
...
بقيت صافنة ما اعرف شحچي ابدا ولا اگدر افكر
بعدين گلت بيني وبين نفسي
شوكت غيرت طبع ابوي اني
....
شوكت خليت معزتي اعلى من معزة  اخواني ...
اكيد ناديه تحچي بحقد
...
بس يلله اني اعرف ناديه واعرف سوالفها من زمان ...
و هي ما تحب تشوفني قريبه من ابوي
وحاقده عليه من يوم اللي صارت وتصورت...
...
...
بديت اجهز بالاكل لابويه ..
ونزلت دمعتي بطرف عيني
...
ااااخ ااااخ  .. منك يا عمر
ليش هيج
تبيعني بارخص ثمن وانا حبيتك من كل گلبي
...
يعني ما لگيت الا ناديه تحبها غيري
...
ليش شنو اللي سويته لك اني....
بشنو قصرت
شنو ذنبي تجرحني
ما راح اسامحك يا عمر...
و راح اكرهك اشد كره
مسحت دموعي وجبت الماعون وصبيت اكل لابوي ورحت....
....
...
بده گلبي يقسه عله عمر
وبديت من صدگ اكرها

من غير ما اسمع منه
ومن غير ما لاگيه
ومن غير ما اسمع اي حرف من عنده ولا اسمع تبرير للي سواه
...
 
ما يحتاج تبرير ولا عذر
يكفي اني شفته بعيني يضحك ويسولف ويه اختي
...
وهم نادية اجت وحجتلي واكدتلي ...
...
ماحتاج اسمع منه
..
..
قررت انتقم واحرك گلب عمر واوافق بحامد ...
وچان هذا القرار قاسي عليه بس المهم يحترك گلب عمر...