الخبز الاسود

البارت السابع

الخبز الاسود
علي البدر
البارت السابع
.....
...

  ضليت افكر بي والافكار كامت وحده وره الثانيه تجيني...
...
انوب اكول شكو بيها اصعد نص سَـآعــهْْ احجي وياه وانزل...
وبعدين اكول لٱ.... شلون اصعد...
خاف اهلي يشوفوني واروح بيها
...

  بعدين ...
كلت الصباح رباح
...
م̷ـــِْن اداوم اكول لصديقتي جميله العوبة واشوف شتكول...
شتنصحني ابقى وياه لو ابتعد...

نمت وكعدت مثل كل يوم نفس الروتين...
بدلت ملابسي ورحت للمدرسه
...
وصلت للمدرسه وكبل رحت وحجيت لجميله..صديقتي
...
وكالتلي عُاَدّي... اذا يريدج ويحبج
شكو بيها اصعدي ... وسولفي وياه ..
وبعدين شنو سني وشيعي ...
كلنه واحد اهم شي هوه وانتي ...
العالم شنو دخلها بيكم...

اتطمنت لكلام صديقتي وكتلها...
اول مرة تطلع منج سالفه بيها حظ يالعوبة ...

ضحكت وكالتلي
...
بس لاتخلين احد يحس بيج وخلي اهلج ينامون وتتاكدين منهم يلا تصعدين ....
...
فكرت بكلامها وبعد رفض وقبول داخل راسي  اخذت قراري....
وكلت ايي وشنو يعني قابل اني اول وحده تحب وتنحب...
قررت ان التقي بيه كل يوم وشيصير خل يصير لان حبيته من كل كلبي...
رجعت للبيت ونفس الروتين والشغل ...
تنضيف وغسل وترتيب وجنت اشتغل وامي
...وراي عدلي هذا ...
وهذا سوي هيج ..
وهذا حطيه هنا ...وشيلي ذاك مناك
...
امي جانت نظيفه حيل تحب النظافه...
وماتقبل اي شي تشوفه كدامها وسخ ...
واختي نادية تعلمت من امي النظافه وترتيب
البيت
وانه هالشي يشجعني دوم اغسلل وارتب....

فـصرت كل يوم اصعد فوك ...
بحجة غسل وتنضيف واحجي ويه عمر  نص سَـآعــهْْ تقريبا.. وانزل....

...
...

اطورت علاقتنا وصرت بدونه اني لاشي وهو  هماتين صار يموت عليه...

جنت كاعده بغرفتي ب١ بليل واشتاقيت اشوفه كلش ...
قررت اسبح واغسل ملابسي حته اصعد اشوفه ....
وصدك سبحت وصعدت ولكيته منتظرني .....

اول ماشافني كال...
شنو هالجمال ...والله مابالغ لو كتلج طالعه جنج الكمر....
كتله لا عيني مو لهالدرجه ...
صعدت عالطابوكات حته اصير قريبه منه...
وصرت مقابيل  وجهه باوع بعيوني وحط ايده عله خدي...
حسيت بحرارة ايده نزلت بكل جسمي وحسيت نفسي غفيت ...
فززني صوته وكال...
ولج دموع بيتكم يحترك ...
باوعت للبيت شفت النار تصعد منه نزلت اركض واصرخ ...
كعدوا اهلي ...
ركضنه شفنه النار تطلع من غرفة نادية ....
ضلت امي تصرخ بعالي صوتها
...
...
شفنه النار بغرفة نادية مشتعله وهي خايفه وتصرخ وجانت ذيج الليله الوحيدة الماناموا بيها ماما وبابا يمها...

جانت شاعله شمعه وناسيتها...
التموا الجوارين وطار عقلي من شفت عمر وي الناس يطفي بالنار ....
نسيت كل النار اللي اشتعلت ونسيت اهلي وامي وابوي ...
وتمنيت النار تبقه مشتعله ...
طفوا النار وكلهم دخلوا لغرفة نادية بس عمر اجه وحضني من وره وكالي ...
النار اللي تريد تاخذ حبيبتي مني ....اطفيها بروحي....
رفع شعري وباسني بركبتي وطلع ....
طلعت العالم كلها وطفت النار ودخلت وباوعت لنادية صايرة تخرع مكفشه والدخان كالب شكلها.....
امي بقت ترتب بالغرفه هي وابوي وانه اخذت نادية ورحت اغسللها....
....
...
بالحمام جاي اغسل بشعر نادية وابجي عليها من كل كلبي...
باوعتلي بحقد وكره واول مره اشوفها هيج وكالتلي.....