قعدتا مع لينه قلت ليها لينه انا اخوك الكبير .. ماعايزة تشوفي وشي تمام ! طيب شوفي وش رياض صحبك على الاقل ؟ .. قالت لي رياض ما دايره كلام معاك وعمررري ماحانسى ليك موقفك مع امي انت اناني و بتحب روحك .. عايز تخلي لينا البيت خليهو عادي ابونا مات و حنعتبر اخونا مات .. كلمتها حرقتني شدييد بس برضو مسكتا نفسي ومشيت قعدت جنبها حضنتها اول ما حضنتها بكت ❤ خليتها تبكي زي ماعايزة و انا من جواي مهمووم و ياريت لو بقدر ابكي زيك كده يا لينه وارتاح .. رفعتا راسها وقلت ليها يا هبله انا اخوك صدقتي يعني اني ح اسيبك كده واخلي البيت ! يا عويره الضفر ما بطلع من اللحم اي نتشاكل و نكورك ونقتل بعض جوا البيت بس في الاخر نحنا اخوان .. انا ماعندي اهم منكم ، اي كنت غلطان لمن كوركتا في امي بس اعصابي كانت تلفاانه للاخر والله .. لينه انتي صحبتي ! معقوله ما قادره تفهميني .. زعلت من موقف امك لأنو غلط و ماعارف ليه اتفشيت بالطريقه دي . عموما انا اسف ❤ من الليله ولي قدام ما ح يحصل غير كل خير .. تاني ما حنتشاكل ولا نزعل بعض ابدا و عندي ليك خبر ح يخليك تقومي من سريرك زي الحصان وجري على السوق .. قالت لي شنو ؟ قلت ليها ابتسمي اول كدي .. ضحكت وقالت لي ريااض قول ياخ .. قلت ليها بعد بكره ح نمشي كلنا كده نتقدم لي ياسمينه نطلب يدها و نحدد مواعيد العرس بعد ده .. قامت من سريرها ونست مرضها في ثواااني قالت لي رياض معقووله البسمعوا ده صااااح ؟ قلت ليها ايوااا و عشان انتي اقرب زول لي كلمتك اول زول .. شفتها الفرحه في عيونها كانت قدر شنو .. البنات ديل ابسط مخلوقات الله ❤ طلعت بره الغرفه تنادي في امي لقتها ما في طلعت الطابق فوق لقتها مع اخواتي بتونسوا وبشربوا في القهوه و بقطعوا فيني😒 نططت قدرتها و دخلت كلمتهم ، كنت عارف انهم كلهم ح يتبسطوا حتى امي حتنسى الموقف كلو و حتتبسط .. فعلا ما اتكلمت معاها لي موضوع ياسمينه و مشيت رقدتا بعد ساعات جات امي داخله وفي يدها عصير برتقال فريش ختتو وقعدت جنبي في السرير وانا متكيء .. قالت لي اعرف انو قرارك ده احسن قرار لحدي الان تاخدوا .. اي زول بياخد قسمتو و قسمتك مع ياسمينه وانا متأكده حتلقى معاها السعادة الإنت بتتمناها و انا راضيه عنك بعد ده .. طلعت و انا اكتفيت ببسمه ليها وبوسه على راسها كأني بثبت ليها كلامك صح يا امي 💔 طلعت و انا مامقتنع بكلامها و عارف من جواي انو قراري غلط غلط كبير .. احساس القيد الكنت حاسيهو من كل الاتجاهات زي الزول المربط بحبال وممنوع يفكها ! ده كان احساسي .. شلت تلفوني واتصلت لي زين كلمتو اني ح اتقدم لي ياسمينه .. استغرب من قراري الجا فجأة ده لكن ما سألني ليه ! و كيف ! قال لي انو ح يجي معاي و ح يجهز تفاصيل الشوكلاتات و الحاجات البشلوها دي .. جا اليوم الماشي اتقدم فيهو ولا احساس ولا فرحه ولا اي شعور كأني ماشي معزوم معاهم ! كأنوا الحاجه دي مافرحتي انا ! .. بعد جهزنا كلنا و ركبنا العربيه اخواتي الكبار مع زين و انا معاي امي و لينه .. وصلنا بيت ياسمينه و نزلنا استقبلنا ابوها و امها و دخلنا جوا كلنا قعدنا في الصالون سوا .. جات نازله و في يدينها صينية الشاي و كأني شفتا سندس الجات نازله ❤ كأنها هي الجايه علينا 😢 كأنها هي اللابسه فستان اسود بلمع .. ما ركزتا اذا ياسمينه اليوم داك كانت جميله او لا لأني كنت شايف ملامح سمراء❤ قدمت لينا الشاي وكانت بتتخجل قعدت مواجهاني وكانت بتعاين لي شديد .. كنت يادوب حالق ❤ مظبط اللحيه و الشعر البنطلون و القميص والبدله والكرفته .. عملت لي بيدها علامه ممتاز ابتسمت ليها و شلت الشاي شربتو .. اتونسنا كأسره كلنا كده ملمومين و بعدها امي اتكلمت مع امها انو نحنا بشرفنا نطلب يد بنتكم ياسمينه ❤ و هي اساسا بتنا قبل كده .. كانت الفرحه في عيون امي و امها و هي وكل الناس الا انا .. بعدها امها قالت ليهم خلونا نقوم نخلي العرسان شويه براهم ❤ قاموا كلهم و خلونا انا و هي برانا .. كانت بتتخجل و انا كأني مقيد ! ماقادر افتح موضوع ! ما قادر اتكلم ! بدت تسألني الشغل ماشي كيف و بعدها بديت اسألها من احوالها برضو علقت على اللبسه و قالت لي ماشاء الله انيق جدا .. المفترض ارد ليها و اقول ليها وانتي حلوه بس بصراحه ملامحها حلوه ولا لا ماعارف .. شايفها عاديه اساسا البشوف ملامح سندس😢 بعدها ح يشوف كل الملامح غريبه 💔 اتونسنا عادي جدا و انتهى اليوم ده على خير .. الشهرين المروا و انا بتكلم مع ياسمينه و هي بتجهز للعرس مروا و كأنهم سنيين .. ماعارف كيف اليوم بمر علي وانا مع زولة تانيه غير سندس ! بتكلم و بتونس مع بنت غيرها ! و هي كيف عامله من دوني ؟ كيف بتمر ايامها و ساجد مافي💔 الوجع الإستحملتوا براها من دوني .. خليتها و هي في امس الحوجه لي 💔 متأكد انها كرهتني لآخر حد متأكد إنها ما طايقه تشوفني حتى .. متأكد إنها متمنيه تموت الأيام دي ، مروا الشهرين بسرعه و الليله عقدي على ياسمينه .. لآخر لحظات و انا حاسي بإنو خطوتي دي غلط .. أنا كده جنيت على نفسي! أنا كيف اتسرعتا كدهو.. التردد كان ملازمني لحدي لحظات العقد و في لحظاات مرت سريع استلمت القسيمه ! بقيت راجل ياسمينه ؟ ماقادر اصدق اني عملت الحاجه دي .. ماعندي طريقه اتراجع فيها بعد ده انا عملت كده رضا لي اهلي كلهم .. فيا اتنازل عن حبي لي سندس من هسي يا اني ح اعييش متعذب عمري كلو مع مره انا ما دايرها .. انتهى العقد و العرس الكان منظم و مرتب و فخم من كل حاجه العرس البسط الناس كلها الا العريس😢 انتهينا ياسندس خلاص و انتي لسه ماعارفه اني اتزوجتا ..
مرت ايام بعد العرس و ياسمينه مستغربه رياض مالوا ! عارف و مقدر شعورها و تساؤلها من عدم قربي منها .. رجعنا من شهر العسل و هي متسائله بس مابتقول لي ، بيعدي يومنا فطور و مرات بنتغدا هي بتتلهي في شغلها و انا برضو مدروش ، ما كلمت زول ولا اشتكت حتى لي امها ! بس عارف انها متضايقه كيف و الحاجه الواجعاها انها ماقادره تتكلم معاي لأنها بت و بتحس بالخجل .. يوم السبت اتكلم معاي زين و قال لي عايزك في موضوع ضروري اتلاقينا في الكافي البنتقابل فيهو من زمان و قعدتا اسمع موضوعو .. قدر ما اتخيلتا كم موضوع في راسي ما كنت متخيل انو زين يقول لي و بكل بساطه عندو أنا داير سندس !!!
#يتبع
