Hearts Series 1: Crippled Hearts

06

Tuwang-tuwa si Tristeen nang dalhin nila ni James ang bata sa amusement park isang araw. May checkup kasi si Camille sa OB nito at syempre sasamahan ng kuya niya. Pagkatapos ay dadalawin na rin ng sister-in-law niya ang mga magulang nito sa cemetery. Day off din ni Marie na yaya ng pamangkin niya. And her parents were both busy.

"Teen! Huwag kang tumakbo!" napabuga nalang ng hininga si Maia sa kakulitan ng pamangkin.

Maagap naman itong nahabol ni James. Sinundan niya ang dalawa.

"I want icecream, Toto!" tinuro ni Tristeen ang vendor.

Karga na ito ngayon ni James para hindi na maglikot. Madami pa namang tao dahil weekend. Mabaliw pa ang kapatid niya 'pag nawala nila ang pinakamamahal nitong prinsesa.

"Alright!" James kissed Tristeen's cheek at nagtungo na sila roon para makabili.

"Gusto mo rin?" James asked her.

Tumango lang siya.

Nag-ikot sila sa buong park and tried the rides. Enjoy na enjoy talaga si Tristeen at nakikita niyang ganoon din si James. Masaya naman siyang kasama ang dalawa. They also took some pictures together.

"Picture ko po kayo ni Toto, Tata." ani Tristeen na basta nalang hinablot ang cellphone niya.

"Teen-" pigil pa sana niya pero naramdaman niyang pinulupot na ni James ang braso nito sa baywang niya.

"Smile." ani James at nakangiti nang humarap sa camera.

Narinig niya ang pag-click no'n pero nanatili lang ang mga mata niya kay James.

Muling binuhat ni James ang pamangkin nila and they resumed walking around. While she checked their shot. Hindi nga siya nakatingin sa camera kung 'di kay James. Background nila ang ferris wheel. Nakagat nalang ni Maia ang pang-ibabang labi habang tinitingnan ang kuha nila. May tumatama ding sikat ng araw sa mga mukha nila. Napangiti siya sa kuha ng pamangkin.

"Maia?"

Mula sa screen ng kaniyang cellphone ay nag-angat siya ng tingin kay James na tinawag siya. Medyo napalayo na siya sa dalawa. Nilagay niya sa loob ng kaniyang bag ang phone at mabilis nang lumapit sa mga ito na hinintay pa siya.

Ganoon nalang ang panlalaki ng mga mata niya nang maramdamang hinawakan ni James ang kamay niya habang naglalakad sila. Bumaling siya sa lalaki pero busy lang ito sa pakikipagkuwentuhan kay Tristeen na karga nito sa isang braso.

Bumaba ang tingin niya sa kamay nilang magkahawak. She gulped ngunit parang wala lang naman 'yon kay James. Baka hinawakan lang siya nito para hindi sila magkahiwalay sa dami ng tao sa lugar.

Nakatulog na si Tristeen sa balikat ni James nang makauwi sila sa bahay. Naroon na rin ang kuya at sister-in-law niya, sinusundo ang kanilang anak.

"Thank you, Maia, James." ngumiti sa kanila si Camille.

Binigay naman ni James si Tristeen sa Daddy nito na agad humigpit ang yakap sa leeg ng kapatid niya nang maamoy siguro ito ng bata.

"Wala 'yon, Camille." she smiled. "Kamusta nga pala ang result ng ultrasound?" she excitedly asked.

Ang kapatid niya ang sumagot na may masayang ngiti sa mga labi. "It's a boy." anito.

Bahagyang nanlaki ang mga mata niya. "Wow!" she congratulated the two.

Ganoon din si James sa tabi niya.

Nagpaalam na rin ang mga ito sa kanila at parents nila pagkatapos.

Kinabukasan ay nagsabay pa rin sila ni James patungo sa ospital. Nakasabay nila sa breakfast ang mga magulang niya bago sila pumasok sa trabaho.

"How's the Philippines so far, hijo?" nakangiting baling ng Mommy niya kay James habang kumakain sila sa hapag.