جنة فؤادي

الجزء 23

#جنة_فؤادي
الجزء 23
#zainab_alnajar
صوتوا للبارت please ☺

اريد ارتاح لـو لـيلة

ياهو اليخسر احجايه
ويگلي شبيك وحجيله ؟

ياهو اليشتهي عيوني
وافرع ضيمي وبجيله

بهت بيه ضوه سنين الشباب
العمر يركض بكل حيله... !!

نزار
*******
لك شنووو انت .. الله لاينطيك .. لك اني گلتلها روحيله عبالي ادامي .. طلعت مرجعها .. شلون وشوكت ضحكت عليك .. لك مو على ايدي هاي الخانتك ركضت وراها والشريفة الصاينة نفسها سويت كل هذا بيها من خابرني اخوها عاتبني وحجالي الصار تمنين الگع تنشگ وتبلعني
شبيييك ساكت احجي .. لك حارث انت مو نفسك صاحبي
من اليوم ما اعرفك ولا تعرفني
حارث صافن كأن مو بهاي الدنيا .. اجه نزار يطلع ودخلت امه ودينا يصيحن ويغلطن
_ وانت منو وجاي تحاسبة هو رجال حر .. دينا تقربت يمه .. دير بالك تحجي عليه بعد ترى تندم .. امه حجت .. گلتله الشريفة التحجي عليها مضبطة امورها حتى ذهبها مطلعته من البيت
اجتي سجى .. يمه كافي تتهميها .. ذهبها يمي واني طلبته منها البسة حفله بيت عمي وگلتلها وجابته يمي ،، سجى الذهب مو يمها بس كذبت حتى تنقذ زبيدة من تهمه هي سببها من گلتلها طلعي ذهبج لان تعرف بأمها ناويه على شر من يوم رجعت دينا ،،
كل هذا الحجي گدام حارث بس هو بعده ساكت
طلع نزار وطلعت سجى وراه.. خوية الله يخليك حير بي اخوية مو صاحي عبالك مسحور
نزار _ مابي شي هذا سكوته يعرف بنفسه غلط
_ لا والله اخوية بي شي
_ خلي يصير زين والله كريم هسه وين اودي .. وهنا بعد ما اجي وهو هم بعد ما اخابره خلي بلكي يحس على روحه
هذا الحجي هم بالگراج واگفين .. سمعوا هوسه بالشارع واندگت الباب قوي
فتحها نزار طلعت الشرطة وامر القاء القبض عليهن وعلى حارث الي راح كرار بمكانه حاول يطلع امه وخواته ودينا بكفاله بس ظابط المركز كله هسه صار المغرب باجر لازم وبأمر قاضي وباتن ليلتهن بالسجن...
******
زبيدة
*** اكذب على نفسي اذا اگول ارتاحيت من حسان گلي اخذوهن الشرطة
اكيد راح تأثر دخلتهن السجن حتى ليلة وحدة عليهم خصوصاً مها وضحى .. الضاهر جانن جايات يشوفن اخوهن وماتصورن راح اسويها صدك واشتكي الله اعلم ازواجهن شنو يسوون ..
احمد گال نگعدهم عشائرياً وما اسكت .. وما اريدج تستحين من شيء انتي ماغلطانة بشئ وراح نثبت هذا الشيء ..
المشكلة كل شيء صار بسرعة وحدة وره الثانية
من اصفت .. اگول الحمدلله اني احسن من غير بنات عندي اهل يوگفون بضهري ويطلعون حگي بس غيري ينظلمن من الناس ومن الأهل وهواية انقتلن ظلم بسبب كيد الناس
طلعوني من المستشفى ببيت حسان الي جان بيتي واشتراه هو .، بس بصراحة كلش محرجة برغم مرته تفاجأة من موقفها وياية هالمرة تركض ركض وتستقبل الخطار .. سوت غده تغدوا عمي والولد كلهم جايين وعمتي وياهم وره الغده انتظروا حسام طلع وصاحوها لمرت حسام حاجاها ابوية
_ بنيتي .. تگدرين تساعدينا وتأخذين تلفونها
_ اي عمي .. من عيوني .. الظلم ضلمات وما اقبل بي اني
_ بارك الله بيج يابه
طلعت من البيت راحت لبيت حسام
_ شلونج خيه
_ هلث عيني .. هاي شنو كومة خطار عندج اوي
_ شسوي غير جتي على گلبي الخاتونه ،، رادت توهمها وتخليها تأمن ،،
اگولج هي صدگ خاينته ويه طارق
_ شمدريج ؟
_ ها .. غير حسام گال ..حجت بارتباك
_ والله عيني هي تنكر شمدرينه
_ ااي لا تخافين عليها هاي تطلع منها وتتزوج نوب ام الزلم ،، اسوي جاي واجيج
_ اي والله انهزمت من الهوسة يمج
راحت تسوي الجاي ومرت حسان افترت شوية شافت تلفونها على الشحن .. اخذته بسرعه شالت البطارية لان بي رمز ماعرفت تفتحه وضمته بجزدانها ورجعت گعدت بمكانها
بعد شوية رجعت للبيت ونطتهم التلفون .. ضلوا يحاولون يفتحوا .. اخذته اجه ابالي مواليد جهالهم حاولت بيها اول مره ما انفتح رجعت عكستهن انفتح
نطيته لحسان وضلوا هو واحمد يگلبون بي
طلعت رسائل هواية هي وام حارث .. وهي تعرف بكل التفاصيل اول بأول .. غلط وشتائم علية كأنما وحده عدها ثار وياها
بس الي سبب صدمة هو رسائلها ويه طارق على الفايبر هي كاتبه الاسم بنية بس الرقم حافظته
يعني هي منطيته رقمي .. والامر من هذا هو كل هذا مقابل فلوس !!!
وكل هذا مايريدني .. بس يريد يدمر حياتي لان رفضته !!
اخذوا الي يريدوا من التلفون صوروها .. وگالوله لابن حسان روح العب هناك وخلي التلفون بأي مكان بالبيت
گالوا حسابها بعدين .. اول واحد طارق