روايه حكايات بنات قصه اربع بنات باربع قصص دراميه اجتماعيه رومانسيه

الفصل الاول

الحلقه الاولى

تبتدي قصتنا في جامعه طب
وسط مجموعه من البنات يضحكون وهي واقفه بينهم
سلمى ومنه وعبير وسماح
عبير:ها هتعملو ايه النهارده يا بنات
سلمى:انا خارجه مع ماما اجيب شويه هدوم
منه: انا هروح أذاكر
سماح:انا هقعد مع جدو خلاص الأسبوع اللي ماما وبابا كانو وخدينو اجازه خلص ورجعو شغلهم تاني
عبير: انا مش عارفه انتي مستحمله كده ازاي يا بنتي والله ده عذاب
سماح:متعرفوش يا بنات انا بستحمل الأيام اللي بيقعدوها ازاي وببقي نفسي أطير طيران كده على جدو بحبه اوى وهو الوحيد اللي بيفهمني
سلمى: ربنا يخليكو لبعض يا حبيبتي ابقى سلميلي عليه
سماح:من عنيا هروح انا بقى يا بنات يدوب اخد حاجتي وارحله ده زمانه مستني على نار
عبير سلمى ومنه:سلام يا حبيبتي

نتعرف بقى على ابطالنا:

سماح وهي فتاه في كليه طب بيطري فضلها سنه على التخرج بشرتها قمحاوي جميله تحب الهزار والمرح متوسطه الطول ترتدي عاده ملابس قصيره نوعا ما ولا ترتدي الحجاب  حياتها منفتحه ولكن بحدود تعيش مع جدها لظروف خاصه بوالديها لأنهم يعملان خارج البلاد أصحابها سلمى ومنه وعبير وجدها هو حياتها أبو والدتها وهي حفيدته الوحيده علاقتها مع والديها تحتوي علي بعض التوتر لبعدهم عنها
سلمى فتاه محجبه لا تحب الميكب بسيطه مرحه تحب الخروج كثيرا

منه جريئه شجاعه لا تحب أن أحد يسيطر عليها وحلمها الوحيد العياده
عبير فتاه عاديه جدا ولكن كثيره الطلبات وهذا ما سوف نعرفه

في بيت الجد المتواضع تفتح الباب لتجري على جدها وهو يفتح زراعيه لها بكل حب واشتياق
سماح جدو حبيبى وحشتنييييييي
الجد عامر الذي يبلغ من العمر 60ولكنه في صحه جيدا حنون وطيب
الجد: لا انا زعلان كده برضو أسبوع من غير جدو
سماح:ما انت عارف يا جدو بابا وماما بيحبسوني الأسبوع اللي بيقعدو بتلكيلك وحشتينا بس انت اللي في القلب يا جدو
الجد:اه يا بت كلي بعقلي حلاوه 
سماح:ازعلشي بقى يا جدو ولا اعيط
الجد:اه منك انتي خلاص مش زعلان تعالى ناكل بقى عشان انا مكلتش من أسبوع
سماح:اغير هدومي يا سيد الكل واجيلك
وفي جهه أخرى
عادل:البت سماح دي هتطلع من عيني ومش هسيبها إلا لما اخد منها اللي انا عايز ه
عصام:  اه وانا لو طلت منه دي صاروخ البت يا معلم
أحمد:اتقوا الله اللي بتقولو ده ما اللي عايز واحده يروح لأهلها ويتقدم رسمي ليه الأفكار القذره دي حرام عليكو
عصام: اسكت انت يا عم الشيخ هنجبلهم فلوس منين للجواز وطلباته حتى لو معانا مش هيوفقو دول دكاتره يعني نقي واحده منهم وانت ساكت والخطه جاهزه
أحمد:لا لا حد الله ما بيني وبينكم انا برئ منكم طب فكرو في اخواتكم البنات لو حصلهم كده
عصام:انا معنديش اخوات
عادل:وانا معنديش دم هههههه
أحمد:سلام انا كبيري اشرب معاكو سجار ه غير كده لا
عصام وعادل:معقد اوى
أحمد:عقد عقد سلام
يتبع