روايه حكايات بنات قصه اربع بنات باربع قصص دراميه اجتماعيه رومانسيه

واحد وثلاثين

الحلقه الواحد والثلاثون
من تكوني
مازن:اصلي انا كنت هنا اليومين اللي فاتو وبصراحه كانو احلي يومين يعني انتي دلوقتي مش حفيدته واحدك لا بقي ليكي شريك
سماح بغيظ وفرحه في نفس الوقت بان مازن يتقرب لها اكثر:صح ياجدو يعني مازن هيشاركني فيك ياحبيبي
الجد:ههههه ربنا يسعدكو ياوﻻد مازن طيب وانتي ياسماح تستهلي كل خير يابنتي
مر الوقت الجميل من ضحك وهزار ومغزله وحب واخيرا ذهبو الي غرفة سماح لينامو سويا
سماح:مازن اوعي تكون فتشت في حاجتي
مازن:انا افتش انتي تفتكري برضو اني اعمل كده
سماح:اه علي فكره انت تعمل كده عادي جدا
مازن:بضحكه اه انا عملت كده هههه وشفت كل حاجه
سماح:بشهقه نعم ياخويا
مازن وهو يقرب لها:وفتحت دوﻻبك كمان واخدت هدومك في حضني
سماح:طب ابعد شويه كده
مازن:ليه مش بحكيلك عملت ايه سماح:ههههه لاخلاص عرفت مصدقاء
فقترب مازن لها اكثر لكي يقبلها وفجأة موبيله رن فبتعد قليله ليرد علي نبيله
نبيله:الحقني يامازن ابوك جه وناوي علي الشر يابني
مازن:انا جي ياماما مسافه السكه الصبح تلاقيني عندك
اغلق الهاتف ونظر لسماح ثم قال
مازن:انتي نحس يابت زي ما البنات اللي بيقرو الرويا بيقولو عليكي ههههه
سماح:ﻻ طبعا انا مش نحس انت اللي نيتك مش صافيه اتلم وطمني في ايه
مازن:البسي هنسافر ونرجع يوم امتحانك التاني
سماح:حاضر ربنا يستر
ركبو السياره وانطلقو بها وفي الطريق سماح سرحانه وتنظر من النافذه
مازن:بتفكري في ايه
سماح:تعرف يامازن كان حلو عمري البس فستان ابيض ويبقي في ورد في كل مكان وعريسي يبقي جنبي وصحابي البنات معايا ياااه بجد
مازن: طب والعريس كنتي بتتخيلي برضو
سماح: مكنش ليا مواصفات معينه بس كان نفسي انه يحبني
مازن: طب ولو في عريس بيحبك بس مفيش افراح
سماح:هبقي مبسوطه وفرحانه زي دلوقتي بالظبط فضحك لها ومسك يدها وقبلها
مازن:خلصي امتحانك وليكي عندي هعملك احلي فرح
سماح بفرح:بجد يامازن
مازن:هتشوفي
مضي الوقت ونامت سماح ليصلو الي فيلا مازن
يدخل مازن ويتصل بخالد لياتي
مازن:فين بابا
نبيله:اهه من ساعه ما جه علي نار براحه يابني
مازن بستهزاء:خايفه عليه
نبيله:خايفه عليك وبس
دخل مازن لوالده
مازن:اهلا اهلا ياباشا
الوالد:اهلا باللي ما بيمشيش كلام ابوه
مازن: هه اهلا بيك
الوالد: ممكن اعرف يا استاذ ايه اللي انت عملته ده
مازن بكل برود:عملت ايه
الوالد بعصبيه :ولد اتلم ازاي تجوز اختك وانا معرفش انت اتجننت
مازن:بزعيق انا عقلت عملت اللي كان لازم يتعمل يا باشا جوزت اختي للي يستاهلها مش دمرتها زي ما انا كنت عايز زي مادمرتني بالظبط كنت عايز تدمر اختي لكن لا مش هسمحلك تاني ابدا احنا مش دميه هتمشيها علي مزجك
الوالد: اختك لازم تطلق وتجوز توفيق
دخل خالد الغرفه وقال
خالد:انا اسف ياباشا مش هسيب ام وﻻدي اه صحيح انت متعرفش احنا متجوزين من بدري ومراتي حامل هتبقي جد قريب (وطبعا دي كدبه مازن وخالد متفقين عليها علشان يهدو جبروته)
الوالد:انت بتقول ايه ياحيوان انت
مازن:اخرس متقولش علي جوز اختي حيوان
الولد وهو بدء التوتر يبان عليه ويفك رابطه عنقه: مازن ايه اللي بتقوله ده انا ابوك تقولي اخرس انت ﻻزم تموت ملكش عيش
مازن:فتح جاكته وهو مرحب بالطلقه وجميعهم واقفين بزهول وخوف ورعب قال هه موتني انت لسه هتموتني انت موتني فعلا شوف موتني كام مره اول مره لما حكمت عليا اني مدخلش الجامعه اللي نفسي فيها وقولت حاضر تاني مره لما جبت عريس لمي غني علشان تبعد عني (حب الجامعه) تالت مره لما جوزتني سميره اكتر واحده بكرها في الدنيا عمرك شوفت واحد يشوف مراته وهو بتخونه ويفرح ايوه يابابا فرحت فرحت اوي اخيرا هخلص من التدبيسه وبعيد عني هه طبعا انت اول مره تعرف الموضوع ده لا بقي انا اللي حبيت مقولكش علشان احرق قلبك عليها
الاب بتوتر وانا ايه يحرق دمي
مازن:هههههه لهو انت متعرفش اني عارف انك كنت بتحبها ولا ايه وجوزتها ليا علشان تقربها منك لانها رخيصه زيك انت مافيش احقر منك متستهلش كلمه بابا دي اصلا عارف انا بقي اللي خلتها تنتحر شفت ازاي لا وانت مكتفتش بكده حكمت علي سماح بجوازي علشان مصلحتك برضو من غير ما اشوفها اصلا وكانك انت الاامر الناهي لاكن بقي اللي متعرفهوش سماح دي الحاجه الوحيده اللي انت عملتها صح في حياتك ليا لاني لقيت نفسي معاها ودلوقتي عايز تموتني برصاصه اضرب اضر مستنيك
نبيله بدموع:لا يابني لا يابني كفايه ظلم
والد مازن وقع علي الارض من صدمته وفضيحته امام عائلته جري عليه الجميع
نبيله؛ حد يتصل بالدكتور
خالد:اتصلت بيه وجي
بعد قليل اتي الدكتور واخبرهم بانه لا يستطيع المشي لانه اصيب بشلل نصفي ولازمه كرسي متحرك
كانت سماح تقف بجوار مازن لتاخد بيده في شدته فقلبها تمزق عليه وعلي ما مر به اما سلوي فكانت مع خالد بجوار والدها اما نبيله كانت تلم اشيائها لتخرج من الفيلا لانها اصرت علي الطلاق بعد سماع الحقائق من ابنها في غضبه وانها لا تريد العيش مع ذلك الشخص دنئ الاخلاق
مازن:رايحه فين ياماما
نبيله:همشي يامازن ماليش مكان مع ابوك مش هيجمعنا بيت واحد تاني
مازن:ده بيتك هو اللي يطلع بره ده حقنا دفعنا تمنه زل واهانه
نبيله:مافيش فايده منه الكلام يابني
تليفون سماح يرن لتخبرها والدتها بانهم اتو علي نفس الطائره الذي اتي عليها والد مازن وانهم سوف ياتون ليسلمو عليها وقد اخبرتهم بما حدث وبعد ساعه اتو اهل سماح
سلوي:ياجماعه بابا مصمم انه يمشي عايز يسافر تاني
مازن:ومين هيخدمو ولا متجوز هناك
سلوي: معرفش بيقول هناك دكاتره احسن ورعايه احسن وكمان علشان
مازن:علشان ايه كملي
سلوي:علشان شغله
سماح: طب وهيسافر ازاي انت موافق يامازن
مازن:انا مش هممني اصلا براحته
والد سماح: خلاص ناخده معانا حتي علشان المصالح متقفش
سماح:مش هتقعد معايا يوم حتي
والد سماح:الشغل يابنتي
سماح في نفسها:زيك زيه نفس العجينه ميهمهوش حد
فضحك مازن كانه يسمع ما بداخل سماح وطبطب عليها كانه يقول لها انا جنبك تبادلو النظرات وبعد ساعه من حديث ممل لا يريد اي من سماح ومازن سماعه قررو ان يغادرو
سلم الجميع عليهم الا مازن ونبيله
مازن ترك الجميع وجلس في خلوته جائه خالد
خالد:مازن هتعمل ايه
مازن: الفرح بعد سماح متخلص امتحانتها هنعمل الفرحين سوي خالد:طب وسلوي هتروح معايا
مازن:لا كده مهمتك خلصت استحمل بقي اسبوعين ياصاحبي
خالد:تمام انا هروح اسلم عليهم وانت روح لطنط حالتها زفت من اللي سمعته
مازن:علشان انت غبي قولتلك اتلكك من خوفك علي سلوي من ابويا وابعدهم
خالد:ياعم اعملك ايه هي صممت تدخل خافت عليك منه يله اهه نصيبها كده
مازن:طب امشي ياخالد هروحلها انا
مر الوقت وسماح ومازن ونبيله في الحديقه اما سلوي في غرفتها تريد ان ترتاح قليلا بعد ان هم والدها ذهب من علي قلبها وعلمت ان اغلي شئ في حياته مصلحته فقط
مازن: نبيله بقي فكيها متزعليش
نبيله:مش مصدقه يابني انا كنت مستحمله ضربه ليا واهنته علشان خاطركو في الاخر يحب واحده من دور عياله ويجوزها لابنه علشان غرد في دماغه استغفر الله العظيم فين دينه واخلاقه الفلوس تعمل كده منه لله حسبي الله ونعم الوكيل فيه هسيبكو انا ياوﻻد تصبحو علي خير ربنا يهنيكو ويسعدكو
وتركتهم بمفردهم
مازن: وحشتيني تعرفي انا فرحان اوي النهارده حاسس اني رميت جبل
سماح: وانا كنت هموت
مازن:بعد الشر عنك ليه
سماح:لما بباك رفع المسدس عليك كنت هعيش ازاي انا تعرف انا كنت هرمي نفسي قدامك بس استغربت انك مخفتش وبقيت تتكلم زي الاسد
مازن:هههههه اسد يلا في ايه
سماح:انا بحبك اوي يامازن متبعدش عني
مازن:وانا بموت فيكي ياموحه ماتيجي ننام شويه انا تعبان اوي
سماح:هههههه تفتكر
مازن:هههههه بتمني والله لحسن انتي محظوظه
سماح:طب يله بينا
ذهبو في غرفتهم واول ما اقتربو من السرير تليفون سماح رن
مازن:هههههه شفتي محظوظه
سماح:ايو الو ايه لا مش ممكن ازاي ده لاااا
مازن :بخضه في ايه
سماح : بصريخ الحقني يامازن

يتبع ياحلوين