الحلقه السادسه والعشرون
من تكوني
قصه سماح ومازن
طبعا احنا هنرجع بزمن لاخر مره البنات كانو متجمعين في منزل سماح
نبتدي بقي
الجد:هتمشي وتسبيني يابنتي خلاص
سماح بدموع :امري لله ياجدو نصيبي كده
الجد: ابقي طمنيني عليكي في رعايه الله
سماح:هتوحشني اوي ياحبيبي
تستقل سياره ومعاها والدها ووالدتها ووالد العريس ليوصلو سماح في احدي قري الصعيد
ام سماح: ماتزعليش مني يابنتي مازن شاب كويس وهتدعلينا اننا سبب جوازكو
سماح:مافيش فايده الكلام ياماما الي حصل حصل خلاص وحش حلو اهه نصيبي بس انا نفسي اكمل دراستي حرام عليكو مستقبلي
في فيلا شاكر بيه والد مازن
كانت في غرفتها تسمع الاغاني ولم تسمع منادات والدتها لها
ام مازن نبيله:حرام عليكي يابنتي شيلي الزفت ده من ودانك بقي تعالي ساعدينا مرات اخوكي واهلها جاين في الطريق
سلوي: يوه ياماما مافي خدامين ياست الكل اتعب نفسي ليه انا
نبيله:يارب صبرني علي ما بلتني قومي فزي ساعديني بقولك مرات اخوكي جايه
سلوي: اه ياما نفسي اشوفها شكلها ايه دي اللي هتاخد ابيه مازن ربنا يكون في عونها
نبيله :بس عيب يابت متقوليش علي اخوكي كده
سلوي:ياماما بابا غلطان حرام عليكو ابيه والله ده صعبان عليا الاول تغصبو عليه يتجوز سميره علشان خاطر بابا ومصالحه واهي من يوم ما ماتت وهو حزين علشان حاول يتعلق بيها وفي الاخر اكتشفنا انها مريضه ودلوقتي بتجوزه واحده لاشفها ولا شفته حرام بجد
نبيله بقله حيله :ما انتي عارفه ابوكي اهم حاجه مصلحته وابوها كمان دنا سمعت عنه العجب
سلوي:هما جاين امتي
نبيله:كمان ساعه
سلوي:هو بابا عارف ان مازن سافر امريكا
نبيله:لا مقلتش لما يجي هيعرف ربنا يستر
ومرت الساعه واتت سماح وعائلتها ورحبو بهما دخلت السماح الفيلا الذي تشبه قصور الافلام وهي تحدث نفسها ايه البيت الكبير ده ربنا يستر شكلي هاخد ايام بيضه هنا
رحبت بها سلوي واخذتها لتتعرف علي الفيلا والخدم
سلوي:انا فرحانه اوي انك طلعتي عسوله كده علشان نبقي اخوات بقي ونهيص سوي اوعي تكوني مبتحبيش الرقص والهيصه واللعب وتبقي نكديه زي المرحومه يوه انا اسفه
سماح:لا ابدا بس انا يعني من ساعه ماجيت ماشفتش حد غير انتي ومامتك
سلوي: اه انتي قصدك علي ابيه مازن
فخجلت سماح:لا يعني انا كنت بسال عمتا انتي عارفه انا معرفش حد هنا
سلوي:ابيه مازن سافر امريكا شغل ومعرفش يعتزر اصله كابتن طيار هو انتي ما شفتيهوش قبل كده طبعا
فحركت راسها بالنفي
سلوي: بحنين انا عمري ماشفت اهل كده تلقيهم غصبين عليكي
سماح:كل واحد بياخد نصيبه
في مكان اخر يجلس الاباء
والد سماح:امال فين العريس
والد مازن:ههههه يمكن حابب يجي بعد ما احنا نمشي علشان يعرف يشوف عروسته بعد ازنك اشوف نبيله واجي
والد سماح:اتفضل
ذهب الاب الي نبيله :ابنك فين
نبيله: مازن سافر امريكا
والد مازن:ومقلش ليه عجبك كده يحرجني مع الناس وميسلمش عليهم ينفع كده
نبيله:غصب عنه بيقول شغل ضروري انتو هتسافرو امتي
والد مازن:كمان 3ساعات هناخد طياره خصوصي مش عايزين ناخر علشان نجهز اورقنا
نبيله:مش هتقعد معانا يومين كمان
والد مازن:اقعد فين وبتاع ايه انا ورايه شغل ومش فاضي ثم انا بعمل كل حاجه دي لمين مش عشانكو يله جهزو الاكل الناس جاعت
وبالفعل بعد اكلو وتسامرو ومضي الوقت ذهبو الاباء ومعهم ام سماح الذي تركت بنتها الوحيده وقلبها يتمزق من قرار والدها ولكن لاحول لهم ولا قوه
أنت تقرأ
روايه حكايات بنات قصه اربع بنات باربع قصص دراميه اجتماعيه رومانسيه
Ficción Generalقصه مكونه من اربع قصص بنات بحياتهم المختلفه اتمني تعجبكو
