روايه حكايات بنات قصه اربع بنات باربع قصص دراميه اجتماعيه رومانسيه

العاشره

الحلقه العاشره

يدخل عليهم والد سلمى

حسين:ها ياولاد اخباركو ايه
فخرجت سلمى مسرعه إلى غرفتها فضحك والدها ووجه حديثه لأحمد ان شاء اللة خير
أحمد:أن شاء الله يا عمي بس ممكن اطلب من حضرتك طلب
حسين:اتفضل طبعا
أحمد:ممكن نخرج انا وسلمى علشان نتعرف على بعض أكثر وأن شاء اللة هجيب والدي بكره يتقدم لحضرتك رسمي وبعد قرايه الفاتحه نخرج بعد إذن حضرتك طبعا
حسين:يا حبيبي احنا خلاص اتفقنا هات والدك نقري الفاتحه وانا موافق أنكم تخرجو طبعا انا هلاقي عريس أحسن منك فين
أحمد:وانا ان شاء اللة يا عمي أكون قد ثقة حضرتك فيا
اتفق أحمد وذهب ليخبر أهله

في منزل سماح

سماح:جدو بابا اتصل و بيقول هيجي بكره وهيكتب كتابي يا جدو يرضيك
الجد:بحزن ابوكي وأمك هيموتوني ياسماح من زعلي عليكي
سماح: جدو انا عايز ه اشوف صحابي ممكن
الجد:روحي يا حبيبتي
وبالفعل أجريت اتصال بصديقاتها ليتقابلو في نادي وبعد اتفاقهم

في النادي كانو جالسين ولم تتحدث إحداهن
منه:اتكلموا مش عوايدكم نبقى خرس كده
سماح:بابا وماما عايزيني اتجوز واحد ماعرفهوش وكمان كان متجوز قبل كده ومن الصعيد وانتو عارفين يعني ايه صعيد لا طريقه تشبهني ولا لبس ولا كلام ولا هيخليني اشوفكو تاني اصلا وكمان ماعرفهوش ولا هو يعرفني بعد ما اتجوز هروحله هناك بايعني بالرخيص كانو علموني ليه بقى
سلمى: على الأقل ياسماح انتي أمان مافيش حاجه مخوفاكي انا بقى جالي عريس محترم ومتدين وأخلاق وكل حاجه بس انا خايفه عايز ه احكيله بس خايفه يفضحني وخايفه اسكت يفضح أهلي ويظلمني وبعدين خايفه من العمليه
عبير:عمليه ايه
منه:سلمى حامل وهتعمل العمليه بعد خطوبتها بكام يوم
عبير وسامح:حامل يالهوي وبعدين ايه العمل
منه:منا بقلكو هنعمل العمليه
سماح:وافرضي حصلها حاجه سلمى ضعيفه متقدرش
سلمى:قدري ونصيبي
عبير:وانتي يامنه هتعملي ايه
منه:لا انا هتلكك بدراستي وهشتغل وهرفض الجواز خالص بعد الحيوان ما مرضيش يصلح غلطته عقبال لما يروح لصاحبه يارب
سماح:وحياتنا كلنا اتقلبت في يوم وليله بعد ماكنا أحسن شله في الجامعه حياتنا ضاعت يمكن الوحيده اللي حياتها معدلوه شويه عبير
عبير: تفتكري انا ممكن افرح وانا شيفاكو كده ولاحسه بأي حاجه ده الواد امبارح بيقولي بحبك قولتله بس يا بابا
فضحك الجميع
منه:الواد ده امه دعيه عليه في ليله القدر
سلمى:عندك حق يله انا هسبكو يا بنات ابقو تعالو يوم قراية الفاتحه عايزاكو جانبي
سماح:استنى هنروح سوى كلنا أحسن وانا هستناكو يوم كتب الكتاب ما مينفعش حتى صحابي ميبقوش جنبي
فذهبوا البنات كل واحده منهم لعالمها

في بيت أحمد
الوالد:خلاص يا بني بكره نروح
أحمد:ايه رأيك يا والدي اجيب الدهب بالمره
الوالد:ياريت يا حبيبي بس انت هتعرف مقاسها ازاي لازم تروح معاك
أحمد: انا هروح لعم جرجس بتاع الدهب هما اكيد بيجبو منه وعارف مقاسها هسأله
الوالد:ربنا معاك بس انت مستعجل كده ليه
أحمد:خير البر عاجله وانا جاهز الشقه وكله هستني ليه
الأم:ربنا يسعدكو يا حبيبي
أحمد:يله ألبسي يا أمي وخلي ناديه أختي تلبس هجبلكو هدوم جديده علشان بكره أما أنت يا بابا منقيلك حته بدله هتعجبك
الأم:يا حبيبي ربنا يخليك لينا بت يا ناديه ألبسي

وثاني يوم خطوبه سلمى وأحمد
يدق باب سلمى
الأم:افتحي الباب ياسلمي دول اكيد صحابك
سلمى:حاضر يا ماما
ففتحت الباب
كان واقفا أمامها وهو ينظر للأسفل
سلمى:اتفضل يا استاذ احمد
أحمد :لا هو عمي موجود
سلمى:بابا خرج بيجيب طلبات ماما بس هي اللي هنا
أحمد:طب اتفضلي الحجات دي شوفيهم علشان لو حاجه معجبتكيش اغيرها
سلمى بفرح وكأنها نسيت ماذا بها وهو ما يحاول أحمد الوصول إليه أن يسعدها :ايه ده كله ليا انا
أحمد:اكيد أمال ليا انا
سلمى:طب ادخل
الأم:بترغي مع مين ده كله
سلمى:ده أحمد يا ماما جيبلي حجات
الأم:بصوت منخفض ياما جاب الميكانيكي لأمه تعاله يا حبيبي مانتش غريب اتفضل دخليه ياسلمي
أحمد:شكرا يا أمي شوفي حاجتك ياسلمي
الأم: ورينا يا بنتي
سلمى تخرج اشيائها فستان خطوبه محترم بحجاب وعلبه الذهب
سلمى:ايه ده كله ليا انا
الأم: انت جبت الشبكه احنا مش كنا متفقين قراية فاتحه
أحمد: خير البر عاجله وكده أحسن يا أمي ولا رائ حضرتك ايه
الأم: ربنا يهنيكو يا حبيبي بس ده كتير جمال الصراحه طب انا هروح الأكل على النار واسيبكو شويه وفي بالها ده الميكانيكي طلع بيفهم وجدع والله شكلى هغير رأيي فيك
سلمى:بفرح انا مش عارفه اقول ايه
أحمد: قولي مبروك عليك يا احمد احلى سلمى
فخجلت ونظرت إلى الأسفل
أحمد:مش هتقوليلي رأيك ايه
سلمى:ربنا يخليك بجد حجات تحفه الفستان حلو اوى بس ده عايز فرح مش خطوبه في بيت انا كان عندي طقم حلو كنت هلبسه
أحمد: أمم لا الطقم خليه لخروجه بكره والفستان للنهارده تصدقي عندك حق الفستان ما ينفعش للبيت طب وايه العمل
سلمى: ولا يهمك مدام تعبت نفسك وجبته علشاني هلبسه وصحابي جاين هيبقو بيساعدوني وكده
أحمد:لا صحابك يجيولك على الكوافير بقى
سلمى:كوافير ليه ما هنا أحسن
أحمد:انتي شكلك هتتعبيني انتي تسمعي وتنفذي وبس
سلمى:بابتسامه خجل حاضر
أحمد:طب شوفي بقى ذوقي في دهبك حلو ولا لا لو مش عجبك أي حاجه قوليلي معلش الشبكه قوليله عليكي كان نفسي اجبلك حاجه أحسن من كده
سلمى: اااانا بجد من كتر فرحتي مش عارفه اتكلم ونفسي الفرحه دي تدوم
أحمد:وانا أهم حاجه فرحتك عندي
سلمى:أحمد طب انا بجد عايزاك في موضوع مهم لازم تعرفه قبل المصاريف دي كلها
أحمد:انتي مش عايزاني ولا ايه
سلمى:لا طبعا انت أي واحده تتمناك بس ااانا كنت يعني
أحمد:انا كفايه كلامك ده واي حاجه تانيه مدام مع بعض هتعدي متشليش هم النهارده ليلتك فكري فيها وبس يله بقى علشان الكوافير مع اني شايفك مش محتاجه اصلا
سلمى:هو انت شايفني اساسا يا بني انت طول قاعدتنا باصص على الأرض
أحمد: باصصلك بقلبي مش بعيني يله سلام بقى شيلي حاجتك وجهزي نفسك علشان متتاخريش ولو احتاجتي إي حاجه اتصلي بيا

يتبع