روايه حكايات بنات قصه اربع بنات باربع قصص دراميه اجتماعيه رومانسيه

التاسعه

الحلقه التاسعه

أحمد يدخل في بيته بابا ماما فينكو
الأم:أيوه يا حبيبي أنا في المطبخ
أحمد:سيبي اللي في ايدك وتعالى يا ماما
الأم:خير يا بني مالك
أحمد:انا ناويت أكمل نص ديني
الأم:لولوي احلى خبر سمعته وياتري مين اللي نصيبها مالوش زي
أحمد:الدكتوره سلمى بنت عم حسين جرنا عارفاهم
الأم:أيوه يا حبيبي أحسن ناس بسس ااه
أحمد:ههههه الميكانيكي مش شغل لا عيب ولا حرام يا أمي ثم انا خريج تجاره يعني اشتغل محاسب في أحسن شركه ودارس كويس ومعايا كورسات يعني أحسن منها ومن اللي يتشددلها
الأم:انت أحسن من الكل يا بني هو انت في ذيك هتاخد أبوك وتروح امتى
أحمد :لا هروح واحدي الأول
الأم:ربنا يقدملك اللي فيه الخير يا حبيبي

وفي مكان آخر

حسين والد سلمى : في عريس متقدم لسلمي وجي انهارده
سلمى بخضه:ععععريس اذاي
الأب:زي الناس وانا مقدما موافق عليه
الأم:ده مين ده يا حسين
الأب: أحمد جارنا هنا على أول الشارع فاتح ورشه ميكانيكا وراجل وجدع
الأم:ميكانيكي وفرحان اوى دي بنتك دكتوره
الأب:وهي الميكانيكا عيب ولا حرام عيب تقولي كده ثم أهم حاجه رأى سلمى ايه رأيك يا بنتي
سلمى لم تتحدث وجرت على غرفتها مكسوره تبكي ولكن لم يلاحظ أحد
الأم:شوف البت قال يعني مكسوفه
الأب:اعملي كيكه وحلوياتك بقى عشان عريس بنتك هيجي بليل
الأم: وهي تحرك بفمها الميكانيكي
الأب:بحزم اه الميكانيكي
سلمى تحدث منه في الهاتف: الحقيني يامنه
منه: مالك يا حبيبتي
سلمى:جالي عريس
منه:ايه وبعدين
سلمى:الجماعه هنا شكلهم موفقين
منه: سلمى احنا لازم نعمل العمليه جاريهم اليومين دول وربنا يحلها هتصل بالبنات نجيلك
سلمى: لا بلاش النهارده خليها بكره انا حالتي زفت
منه:ماشي يا حبيبتي بس ألبسي كده وظبطي نفسك عشان ميبنش عليكي حاجه
سلمى: بتنهيده حاضر

نروح شويه لسماح بقى

سماح بحزن:شايف يا جدو بابا عايز يرميني ازاي دي مش معامله آب لبنته ابدا
الجد: متقوليش كده يا حبيبتي ربنا هيعدلها انا هكلمه انهارده واشوف آخرتها معاه
سماح:متزعلش نفسك يا جدو انت عارفه مهما عملنا مش هيغير رئيه بعد إذنك يا جدو انا هروح انام
الجد :روحي يا حبيبتي
وبعد أن ذهبت جرى اتصال بينه وبين والدها
والد سماح:خلاص يا عمي انا اتفقت مع أبو العريس هو صديقي وانا أعرفه كويس
الجد:حرام عليك بنتك هتتجوز واحد ماتعرفهوش ولا حبته
والد سماح: انا معنديش بنات تحب والكلام ده ثم ده شب مبسوط ومحترم وطيار بيروح بلاد العالم هتعوز ايه اكتر من كده شب محترم وجوازه كويسه وكمان في شغل ما بيني .بين والد مازن
الجد:انت يهمك سعاده بنتك كده ولا يهمك البيزنس بتاعك اعمل حسابك سماح مش بنتك وحدك دي بنتي انا وانا مستحيل اخلي حفيدتي تعيش تعيسه
الأب:وانا ابوها وخلاص قررت خد كلم بنتك معاك
الجد:مش عايز اكلم حد ولا ليا بنات سلام
ثم يحدث نفسه يا عيني عليكي ياسماح فعلا ده مش أب يا حبيبتي

جاء موعد أحمد مع سلمي وهو الآن يتقدم لخطبتها من أبيها ومع العلم أنهم جيران إلى حد ما أحمد لم يراها أبدأ فإنه يغض بصره طول الوقت
والد سلمى:نورت يا بني
أحمد:ده نور حضرتك يا عمي
والد سلمى:أمال بباك مجاش ليه معاك
أحمد: انا حبيت اكلم حضرتك واشوف رأي العروسه الأول وبعد كده اجيب والدي
والد سلمى: يا ام سلمى هاتي سلمى وتعالوا اقعدوا معانا
الأم:حاضر يا حسين
فدخلت عليه مسكه في يديها صونيه العصير لكي تقدمه له فنظر على الأرض ولم ينظر لها
حسين:ماتاخد الصنيه من عروستك يا بني
سلمى:في نفسها كان نفسي افرح بجد يارب أسترها معايا علشان خاطر أهلي الغلابه دول
حسين:مالك يا بنتي ماتقعدي وشوفي عريسك كويس يله يا ام سلمى خليهم يقعدوا سوى يتعرفوا على بعض البيت بيتك يا احمد
أحمد:اتفضل يا عمي وهو ينظر إلى الأرض ولم يرفع عينه
سلمى: بكسوف اتفضل حضرتك العصير
أحمد: أن شاء اللة هشربه بس كنت عايز اعرفك بنفسي الأول وكمان اعرف رأيك فيا
سلمى: ......لم تتحدث
أحمد:طب انا عن نفسى اسمي أحمد 31سنه خريج تجاره وعلشان مستناش اشتغل بشاهدتي اخد كورسات مع الشهاده وفتحت ورشه ميكانيكا ان شاء اللة ربنا يفتحها معايا واشتغل بدراستي
سلمى: أن سلمى
أحمد:اتشرفت بحضرتك واتمنى تقبليني زوج ليكي
سلمى: في نفسها كنت اتمنى اشوفك في ظروف تانيه وأقبل بكل فرحه وكرامه ثم وجهه كلامها إليه قائله الشرف ليا بس في حاجه من حق حضرتك انك تعرفها
أحمد: هنتكلم ياما بس مش دلوقتي ان شاء اللة خير
سلمى:تتفأل خير وترد أن شاء اللة

يتبع