((بين نارين))
عصام:من رحنه اني ومصعب للصيدلية واجه معتز جايب ادويه من المذخر خلاهن وكال خلصت فلوسي استلمو اني رايح ضحكنه عليه بس يريد يفلت
بقينه اني ومصعب اجوه واحد شكله مهتلف راد شي احنه نعرفه يستعمل للتسقيط يعني المراه الي تريد تسقط تستعمله راده كتله اذا مو راجيته من دكتوره ماانطي ظل يصيح ويهدد كتله لو مدري منو تصير ماانطي هلدوه يعني ماانطي شوهذه طلع سجينه ضربني بجتفي وركض مصعب نخبص ودم ميوكف واني احس بس نار من جتفي دتطلع
خابر هشام الي هو اعز صديق عدنه هو ومهند نحسبهم اخوتنه متربين سوه واجوي خطيه يركضون ودوني وكالو يحتاج خياط خيطو بنج موضعي وخلولي مغذي وطلعت اول موصلت لباب بيتنه رفت راسي وشفته سهى حبيبتي نور عيوني بنتي الي اني كدام عيني جانت تكبر من اول يوم شفته كلت هاي مالتي وفعلا هيه مالتي شفته عبالك ردت الروح بيه بكلبي كلت هاهيه مااريد شي من الدنيه بعد
طبيت وتلكتني امي وهنادي واني بس اريد اخلص منهن والزم مبايلي
صعدت لغرفتي والكه سهى حاركة التلفون
بس خابرت ودك كلت الو واسمع الشهكة
سهى:من شفته اجه ظليت ادك ميريد ردت بس اسمع صوته حته تردلي روحي ظليت الوب
الان اتصل بس كال الو اريد اسكت مااكدر
عصام:استعلو اهله لعصام وعشيرته واحد واحد لج ليش تبجين ولج اني مااموت اذا مااخذج
سهى:من بين الدموع اسم الله عليك حبيبي كم مره كتلك لتجيب طاري الموت
عصام:متقصد اريد اشوف لهفتج عليه
سهى:ضحكت لوتدري عصام شكد احبك من سمعت مدري شصار بيه مااعرف احساس راد يموتني وجع ع قهر ع خوف
عصام:حبيبتي كافي مسحي دموعج مصار شي لتبجين تمردين قلبي
سهى:احبك عصام
عصام:بويه كلما تكوليلي احبك عبالك اول مرة اسمعه لج انتي شمسوية بحالي شوكت تطلعين من السادس مو نشل حالي اريدج مرتي
سهى:مظل شي قلبي كله كم شهر وتجي الامتحانات مبقه شي
عصام:يله حبيبي روحي نامي باجر وراج دوام
سهى:اووووه عصام انته ليش هيج
عصام:هو شنو سهى غير عندج دوام شلون يعني نظل للصبح روحي نامي يله
سهى:اوووووف يله باي
عصام:فدوه للتزعل باي ياروح عصام
سديته ورحت نمت وكلت شكد مكروه ولو اني مااشبع منه حقه يطرد بيه لان اذا اظل احجي وياه يمكن للصبح ومامل
مرت الاشهر واحنه ع وضعنه اني وعصام حبنه ماكو منه يحبني بخوف ابد ميتقربلي ولا يحجي ويايه حجايه موخوش يكلي انتي بنتي وحبيبتي ورقه بيضه مااريدهه تتوصخ
واني عندي هو بلدنيه
مصعب:صباح الخير يمه
ام مصعب:صباح العافية حبيبي شنو وين مرتك
مصعب:وين يعني نايمه متعرفيه ميخالف يمه هاي ام بنتك مرتك هاي
هنادي:صباح الخير
مصعب:صباح النور بنيتي شنو شدي حيلج تره هاي العطله دراسه مو نوم وراج امتحانات هاي بكلوريا
هنادي:لتخاف ع اختك مضبطه اموري
مصعب:ادري بيج حترفعين راسي
هنادي:يمه اني فد اشويه حروح لسهى نقره سوه
مصعب:كالت سهى لو مدري شصار بيه ياربي لشوكت ابقى هيج اني كمت
ام مصعب:وين رايح يمه
مصعب:شويه بلحديقه اشم هوى
طلعت وكفت عيني ع الشباك هسه عدهه عطله تقره قبل الامتحانات هيه وهنادي اوف يسهى مرايد شي بس اباوع بعيونج
