((بين نارين))
مريم:سهى حبيبتي ماما حتتاخرين ع الدوام
سهى:اي يوم كعدت اووووووف شوكت يخلص هلدوام مو حتى لعبت نفسي من الدراسة
مريم:هسه تتخرجين ترحين كليه تكومين دورين الدوام دواره الكلية عالم غير شكل يله حبيبتي كومي تركي ليجي الخط
راحت امي واني كمت غسلت وبدلت لبست القميص والصدريه ظفرة شعري الي واصل لنهاية ظهري ويزعجني كلش بس امي شحدي اكول اكصة
باوعت ع نفسي بلمراية جريت نفس ونزلت تريكت لحد مسمعت الهورن مال ابو الخط طلعت
جاي اصعد بلخط صدريتي بيه جاكات واني بيضه وجسمي حلو حسب الي اسمعه من الي يشوفوني يظلون يتغزلون بيه اكثر شي اسمعه ع شعري وبياض جسمي
شفت جيرانه مصعب واكف صافن عليه ونتبهت باوع ع رجلي اني صعدت كعدت يم الشباك ومشه ابو الخط من يمه هاي مو اول مره انتبه ع مصعب دائما من اطلع وشوفه يصفن بوجهي وهو مزوج وعنده بنية يعني شيريد مني مادري واني من الله اشوف دم سنوني ومااشوفه مشه اليوم عادي مثل كل يوم رجعت للبيت شفت اخوتي وابوية كاعدين سلمت ذبيت جنطي وكعدت يم بابا حضنته هو باسني من راسي حجة اخويه هشام
هشام:يابه وتالي ميصير هيج ادللهه تره كبرت
حسين:اني كم مره كايلك اختك معليك بيه هو اني شعندي بس هيه
رد اخوية مهند
مهند:هو هذه انته ضاربنه عرض الحايط وعندك بس سهى اني اشوف الناس تتمنى الولد وانته عندك ٤ ولد ومكيف بس بسهى
حسين:مااعرف اني ليش هيج انتو متحنون ع اختكم الوحيدة اذا اموت شلون كلولي
سهى:بابا اسم الله عليك ليش هيج تكول اني اموت وراك
باس راسي وكلي لا بابا عمرج طويل اتمنى اشوفج عروس وافرح بيج
هشام:يابه مااريد اسمع منك هلكلام سهى بعيوني هاي اختي الوحيده بس اكلك الدلال الزايد يفسد
حسين:كافي سد الموضوع معليك انته
اخوتك الاثنين الي بس دياحة لانفع ولادفع وين
هشام:فوك هسه اصيحهم
صعد هشام ونزل وراه نزلو معن ومرتضى وكعدنه تغدينه
اني سهى وحيده اهلي عمري ١٨ عندي اربع اخوان هاشم الجبير ومهند وتوام معن ومرتضى
هاشم اخر سنه هندسه برمجيات ومهند سنه ثانيه علوم والتوام معن ومرتضى خامس اعدادي خلصنه غده صعدت لغرفتي فتحت الشباك باوعت ع بيت جيرانه بيت ام مصعب لان همه كبالنه وتقريبا اشوف كراجهم والحديقة من الشباك شفت بنت مصعب تلعب بلمي وطلعت امه ضربته ودخلته انقهرت لان صغيره مو مال ضرب امه مو حلو بس بته تجنن يمكن طالعه ع ابوهه لان مصعب حلو هو واخوته ضليت صافنه طلع مصعب راسا باوع ع الشباك سديته حيل بعصبيه ورحت كلت هذه شبي مصعب:اوف ياسهى شمسوية بحالي واني ليش هيج ضعيف اخ بس لو ممتزوج
تزوجت قبل ٣ سنوات اول سنه مصار عندي اطفال وراه صارت فرح الي هسه عمره سنتين فرح عمري بس ممرتاح من يوم الي شفت سهى اخذت قلبي ماادري اني شجاني جانت كبالي واعتبرهه مثل اختي الصغيره بس مره واااخ من هلمره فديوم جانت ماشيه ورادت تعثر واني واكف لحكت عليه لزمته بيدي مدري شصار بيه بيومه احسه وكعدت بكلبي صفت عليه ع كلشي بيه احس كهرباء سرت بجسمي بس هيه خنزرت جرت ايدهه حته شكرا مكالت عافتني وراحت وخلتني اسبوع اصفن ع ايدي اكول صدك هاي سهى شجاني ومن يومه ولحد هليوم حب سهى يكبر بكلبي حته سناء مرتي ماطيقهه واصلا هيه متنطاق مدري شلون كلت نعم وتزوجته فزيت ع صوت اخويه عصام
عصام:مصعب جاي احاجيك وين صافن
مصعب:ها شكلت
عصام:داكلك اليوم شنو مناوي تروح للمجمع
مصعب:لا يابه رايح
عصام:يله لعد لان معتز راح للمذخر تره دزيته من الصبح احسن كلت حته نصفي الادويه براحتنه
مصعب:يله امشي
مصعب عمري ٣٠سنه عندي اثنين اخوه معتز وعصام واخت وحده هنادي امي عايشه الله يحفظه بس والدي متوفي خريج تربيه عربي بس ابويه قبل ليتوفه سوه مشروع ويه عمي الي هو طبيب فتحو مجمع مال اطباء خاص بينه لازمي اني واخوتي والله مفضل علينه فاتحين هم صيدليتين اخوتي اختصاصهم واحد صيدله معتز بس بعد ممتخرج وعصام تحليلات صار سنه من تخرج حالتنه ممتازه والحمدالله بيتنه ملك وعايشين
سهى:كعدت شفته دنيه مغرب اوووو هم يله اقره
كعدت طشرت كتبي وبيديت اقره اني شاطره كلش جنت كله اعفاء بس هلسنه سادس يعني مصيري يتحدد بيه قريت وكملت نزلت جوه لكيت امي تسوي عشه وكفت وياهه شويه واجت ام مصعب بكلبي كلت اهوووو
ام مصعب:شلونج ام هشام شفت بابكم مفتوح وفتت
مريم:يا ام مصعب انتي اختي انتي ام البيت واحنه الغربه شنوهلحجي
ام مصعب:فدوه لعينج حبيبتي والله ختنكت من هاي الحية الي بلبيت كلت اجي يمج قبل لا ارتكب بيه جريمه (تقصد سناء مرت مصعب) الله يساعده مصعب شلون متحمل
سهى:بكلبي كلت ديله ع اساس هو شلونه هم يوغف ع الكلب كطيعه
ظلت شويه تكرك هيه خوش مره حبابه بس تحجي اهواي راحت منا اني لزمت راسي منا وامي تضحك
مرت كم ساعه امي كالت شنو شو ولا واحد من اخوتج بين كتله والله يمه ماادري كالت جيبي مبايلي ويه مداروح طب بابا جان يم صاحبة سلم وكعد امي كلتله ولدك وين كله هستوني طبيت شمدريني
مريم:سهى جيبي التلفون
سهى:هاج يمه
دكت ع هشام كالت الوو هشام انته وينك يمه تاخرتو شفت امي شهكت وضربت ع صدرهه وكالت صخام وعزه ....
كناله شكو كالت عصام متعاركين وياه بلصيدلية علمود دوه وضاربي بسجينه
اني سمعت عصام لو ساحت روحي متت بكلبي كلت اموت وراه والله اذا صار بي شي هذه حب الطفوله حبيب عمري اول واحد كمت ارجف اروح منا واجي منا امي انتبهت كالت بنتي شبيج
سهى:يمة خايفة
مريم:لالتخافين اخوتج مابيهم شي بس رايحين وياه للمستشفى مهند وهشام ومصعب مو تعرفيهم اصدقاء
حسين:وذولاك الغضب وين قصده ع معن ومرتضى
مريم:ذوله غسلت ايدي منهم خابرهم خل يجون دنيه ليل يذبونه بليه يله يرتاحون
خابرهم بابا واجوي واني الوب وادعي ربي حفظه اذا صار بي شي شسوي
مصعب:هشام مقصرت خوية اخذ مهند وروح كلك الدكتور مو مخطر بس يخلص المغذي نطلع
هشام:لا خويه وياكم نرجع سوه احتاجيت شي شلون
مصعب:والله كفو منك هاشم ونعم الصديق خل اطب اشوفه
طبيت شفته كاعد هيه الضربه بجتفه ها يابه شلون صرت
عصام:زين خل نطلع اختنك من المستشفى
مصعب:صار خل يخلص المغذي ونطلع
سهى:كابلت الشباك وكعدت انتظر ساعه ابجي ساعه ادعي الان شفت سيارتين وكفن بلباب كلبي كمز قبلي باوعت شفت حبيب عمري لافين ايده هو رفع راسه ع الشباك انتبهلي بس مشفت ملامحة لان دنيه ليل والاضويه مو كلش قويه من شفته يمشي ع رجليه ارتاحيت سديت البرده خفت اخوتي يشوفوني وطبيت
مصعب:انتبهت عصام رفع راسه ع شباك بيت هاشم ضليت صافن بعدين كلت هاي شبيه كمت اوهس ابتسمت لان سهى جتي ع بالي ودخلنه جوه امي سوت مناحة بس بعدين سكتت سناء عبالك وحدة لا منه ولا بينه ولا يمهه هنادي تبجي جريته بست راسه كتلهم يمعودات مابي شي ضحكو وهو فات وهشام ومهند تشكرناهم وراحو.....
