سهى:من اجاني الوجع مال ولاده متت ويزيد شويه شويه امي كالت نروح للمستشفى حته اي شي يصير احنه هناك لان اني هاي اول بطن وصدك ب٣بلليل زاد الالم بابا كال خابرو ع مصعب واني داتاذه واكلهم لا لحد يخابره وابجي
هاشم:اكلج انتي حيري بروحج ومعليج لتروحين تجيبين علينه شنسوي خل نكله ونروح للمستشفى غير واحد من عيالج ويانه
سهى:لحكوني يمه راح اموت شنو هلوجع
لبستني امي وصعدتني بلسياره ولمحت سبع البرمبة اجه مصعب وطلع ورانه بلسياره واني بنص الطريق بعد متحملت اصيح وارجع ليوره وهاشم يغلط عليه وابويه يحجي يكله هيه بيده
هشام:والله نفضحنه لج سكتي نشهرنه شبيج سهى
مريم:متوخر وتسكت كون تحبل وتجيب حته تحس
هشام:هيج صارت يمه خلف الله عليج
مريم:انته تحجي الاخرس هيه بيا حال وانته تسكته
سهى:وصلنه وستلمتني السستر دخلوني جوه والكه السستر ولا يمهه كالت نامي نمت واني انتظر وهيه ولا عبالك بشر ديتوجع طلع هو لازم اوصل لفد مرحله يله تدخل وخبصتهم بعصام واصيح الحكي عصام وين عفتني وكل ميزيد الوجع اعيط عصاااام والسستر تكلي منو عصام كتله زوووووجيييي
الان وره ساعه مدري ساعتين راد يغمه عليه من الالم جبت ارتاحيت وحسيت جسمي كله ثلج ورخه واسمع طفل يبجي دموعي نزلت طلعوني وجتي وحده نظفتني و ودتني لغرفه نوموني ع جربايه نمت وره مكعدت لكيت اهلي فوك راسي ومصعب شايل عصام لان سميته عصام دكيت رجل اله عصام وصدك انطوني عصام اول مشلته دموعي جرن واحجي وياه اكله بابا وين بابا اتمنى يشوفك وختنكت بعد مكدرت احجي حضنته وبجيت اخذته امي باوعت ع مصعب عينه مدمعه
مصعب:حمدالله ع السلامه ام عصام
سهى:ضحكت من كال ام عصام الله يسلمج مصعب
مصعب:(فدوه لهلضحكه شلونه مصعب بحلكج غير يريد الروح)امي خبصتني تلفونات هيه وهنادي
سهى:همه مكالو شوكت يطلعوني
مصعب:هسه فد ساعه ونطلعج بس اجراءات نخلصه وطلعين
سهى:عصام شكد يشبه ابو
مصعب:اي حبيبي كلش يشبه
الله عوضج بي سهى
سهى:اي والله الف الحمدالله
مصعب:سوينه الاجراءات وطلعنه رحنه للبيت لكينه معتز جايب طلي ذبحو اول منزلت سهى وعصام وامي وهنادي بيت سهى جانو امي شكد فرحت من شافت عصام الصغيرحاضنته وتشم بي
سهى:مرت الايام صار عصام كل حياتي نساني حزني بس منسيت عصام ابد مصعب تعلق بعصام كلش يوميه العصر يجي يشوفه ويبوس بي وفرح اول مطب تسال عليه وفرحانه بي حياتنه صارت احلى مصعب شفت الجانب الايجابي من شخصيته ان هو حنين كلش بس مو مال افكر بي كزوج ابد كبر حبيبي عصام وبدت السنه الدراسيه الجديده وقررت اقدم وهشام خطية كله يركض وياي الان رجعت لدوامي اول يوم تكابات تذكرت عصام يوديني ويجيبني والمكان الي اوكف انتظره بي صعبة يربي كلش صعبه تعرفت ع بنيه اسمه هدى حبابة
سهى:هدى اني راح اطلع لان عصام حبيبي ينتظرني ميتغده
هدى:سهى الى متى حياتج تظل هيج ولج بعدج صغيره
سهى:ليش شبيه حياتي
هدى:لازم عندج رجال يسندج ميصير عندي ولد وتحيشين بوحدج محد دايم ل احد
سهى:محد يحس بيه لا والله يله باي
هدى:باي
سهى:طلعت من الدوام ممنتبه سياره بصفي حيا ضربت بريك شعرايه جان طخني نفتح الباب ونزل منه رجال ضخامه واناقه عطره يفوح وصل ليمي كله خوما تاذيتي رفعت راسي
كتله لا الحمدالله عدت ع خير كال اني اسف بس انتي طلعتي كدامي
اقدملج نفسي استاذ مهيمن
سهى:اهلا وسهلا اني سهى طالبه سنه اولى طب اسنان
مهيمن:اهلا وسهلا تنتظرين احد تحبين اوصلج
سهى:لا شكرا عندي خط
مهيمن:لعد اني اترخص
