مصعب:نزلت ع الدرج واني اسمع صريخ سناء تصيح واني مشدوه مااعرف شسوي هاي ليش هيج تصرخ طلعت لكيته باب البيت تلطم لج شكو احجي
سناء؛مصعب الحكلي مصعب فرح ماكو بنتي راحت
مصعب:وين ماكو طفله شطلعه بره
سناء؛ظلت تبجي طلعته شافت بنات الجيران وكفت يمهن وصيتهن عليه كتبلهم عينكم عليه اروح اطفي الطباخ واجي رحت ع الطباخ وغسلتلي ماعون اجيت البنات يكولن اجه واحد كله تعالي اشتريلج وراحت وياه
مصعب:نضربت ع راسي شنو راحت وياه طفله عمره ٣سنين شتفهم وين تروح
ركضت بلشارع كمت افتر بلفروع واني مثل الداخل بغيبوبة فتت اول فرع الثاني ماكو فرح بنتي ماكو محل قريب رحت سالته يابه اكو احد جاب طفله اشتراله قبل شويه كال لا
وين اروح يربي وين انطي وجهي راحت لبنيه شسوي كلت ماكو غير ارجع للبيت بلكي يرجعه ل اخذهه
رجعت ظليت اروح واجي تذكرت كامرات جيرانه ركضت عليهم دكيت الباب طلعلي ابنهم كتله علي فدوه واحد ماخذه واريد اشوف كلي اي تفضل دخلت كعد ع الشاشه ورجع الشريط مال كامرة طلعت فرح دتلعب ويه بنات صحيح مثل مكالت سناء بعدين شفت اجه ولد شاب حجه وياه وشاله وراح اني راسا كمت هذه الولد مااعرفه هاهيخ بنتي راحت منين اجيبه طلعت رحت للبيت شسوي لج سناء انتي مابيج خير بكلشي يعني طفله شلون طلعيه بلشارع وجماله بنيه الدمعه بطرف عيني هاهيه ايست بنيه وحلوه اخذوهه هذوله يكبروهه ويشغلوهه بااشياء مو زينه او يمكن يتاجرون بااعضاءه الافلام الي مرت ع بالي ماكو هيج هنوب زادت من حالتي منقصت
طب معتز يحجي شنو السالفه مصعب
كتله مااعرف
معتز:هسه شنسوي لازم نروح للمركز نقدم بلاغ كوم مصعب
مصعب:اي يله خل نروح رحنه وقدمنه بلاغ وكالو احنه بس نوصل لشي نطيكم خبر
معتز:لا هواية قبضنه امشي خويه همه شيعرفون يتصلون بينه
رجعنه للبيت تلكتني سهى
سهى:ها عمري بشر
مصعب:شبشر متكليلي شبشر راحت البنيه هاهيه عوضنه ع الله وكمت ابجي
سهى:حضنته لا كول ياالله ان شاء الله نلكاهه
مصعب:شنلكاهه سهى وين الكاهه
سهى:خلي عينك بعين الله ومتخيب
مصعب:ونعم باالله يارب ردهه سالمه طفله هاي مااريد اتخيل شيصير بيه انداريت لكيت امي تبجي كتله يمه لتبجين مو زين عليج القهر هنادي جيبي شي ل امي خل تشرب لتروح تتخربط علينه
اشوف سناء تروح وتجي وضعه معاجبني كتله سناء شبيج اذا اكو شي احجي
سناء:اكثر من هذه شكو بنتي راحت مصعب بنتي راحت وظلت تبجي بس اني ممرتاح احس اكو وراهه مصيبة تبجي وترجف واني اعصابي انتهت لليل وكلشي ماكو والافكار السوده تفتر فوك راسي كلشي مو زين فكرت بي كاعدين كلنه وكل واحد ضاربله صفنه وعصام يلعب كام يجر بدشداشه امه ويكله ااح ااح عود فرح متحمل خليت ايدي ع وجهي وبجيت كلنه بجينه هو متعلم يلعبون سوه فتقدهه يعني
ام مصعب:هسه حتظلون هيج كاعدين ومنعرف البت وين
مصعب:هسه حيجون عمامي اني مكتلهم كلت بلكي نلكاهه بس هاي شوفت عينج صارت دنيه ليل وماكو
ام مصعب:وعمامك شنو استخبارات
مصعب:يمه مو وكت عداوات لعد ترديني وحدي اني ومعتز فر بذاناتنه
ام مصعب:لا صدكت خل يجون عمامك يفرون وياكم ع الواهس روح اطلع دور بلشارع لتكعد هيج كبالي لكم هاي بت تعرفون شنو يعني بت اني حيكتلني القهر ولكم منين اجيب الحيل ااااااخ يمه راحت البت راحت يمممممه سوده عليه شمسويه هسه
مصعب:يمه رحمه لوالديج لتحجين هلحجي تره ممتحمل ندكت الباب طلعت شفت عمامي و ولد عمي دخلتهم بلاستقبال
وحجيتلهم الصار كل واحد يحجي شكل كتلهم هسه شنسوي خل نتحرك مو بس حجي كال ابن عمي اول شي صورة الولد خل نجيبه من الكامرةمال جيرانكم عندي ولد بجيش المهدي كلشي يعرفون زواغير وهم يسعون بهلسوالف كتله كون نروح للناس هسه ونسحبلنه فد لقطه واضحة كال اي نروح يله امشي شمنتظر
طلعت للهول كتلهم حضرو نفسكم عمامي بايتين
اني هسه اجي صحت معتز
معتز:ها خويه
مصعب:ابقه هنا احنه نروح نجيب صوره ونجي ميحتاج كلنه نروح
معتز:اي اني ابقه هنا ويه عمامي واذا صار شي خابر
مصعب:شيصير هما الناس هياتهم كبالنه
رحنه وظلينه نقدم ونرجع نريد نلكف اوضح لقطه تبين وجه كوه يله لقطه شويه مبين
رجعنه للبيت خابر ابن عمي صاحبة وذاك كله انتو وين كاعدين انطا عنوانه ابن عمي كله انتظرني شيصير انطيك خبر ظلينه لنص الليل كاعدين وكلشي ماكو كتلهم خل نفرشلكم نامو هسه وباجر الصباح رباح طلعت صحت ع هنادي
هنادي:ها خوية
مصعب:فرشي للزلم هو ماكو احد غريب عمامج و ولدهم
هنادي:ابجي واحجي يعني شنو مصعب راحت البنيه سوده بوجهي لج فرح عمت عينه العمتج شمسويه هسه
مصعب:هنادي ابوس ايدج لتزيدين همي روحي من كدامي
صعدت فوك فتحت الباب لكيت سهى خاله عصام نايم بحضنه وتشم بي وتبجي
مصعب:جيبي خل اخلي بفراشه شلته واشم بي نزلت دموعي جانو اثنين عندي راحت نور عيوني بقه بس عصام روحي خليته بجربايته ورحت كعدت بصف سهى حضنتني وخلت راسه ع صدري وتواسيني
سهى:حبيبي ان شاء الله نلكاهه بجاه كلمن عنده جاه يم رب العالمين نلكه هلطفله
مصعب:اخ سهى احس جاي ادور ع ابره بكومه قش
ماعندي اي خيط اي شي يدليني ماكو
سهى:كول ياالله حبيبي
مصعب:بست راسه وبتسمت ونعم باالله نامي وباجر نشوف شيصير نامت سهى واني مكدرت انام خلصت باكيتين جكاير اجوي بالي الناس الي كتلو عصام اخوية كلت معقوله همه زين شيردون منه بعد شو اخويه وكتلو شيردون مني بعد همه ماكو غيرهم اني مالي عدوات اصلا اهواي صحبتن وعلاقات ماعندي الي اعرفهم جم واحد معدودين
ظليت فكره توديني وفكرة تجيبني لحد ماغفيت واني ماادري بروحي كعدت الصبح ع صوت سهى
سهى:مصعب كوم عيني عمامك كعدو يردوك
مصعب:اي هسه كمت
سهى:احضرلك الريوك بين متغسل
مصعب:ماشي غسلت ونزلت ع عمامي صبحت عليهم وكعدنه عمي كال هسه شنو تاليته شلون
كتله والله عمي مااعرف
ابن عمي كال همه لو خاطفين جان خابرو طلبو فديه بس شو ماكو سنطه كتله هو اني هذه الي راح يخبلني سنطة واني ضايع مااعرف منين ابدي ومنين اروح كتلهم خل نتريك ونطلع ندور
صبينه الريوك تريكنه وخلصنه عمي حجه كال زين وين ندور
فكرنه نطبع صورته ونخلي رقمي ونكول مخطوفه بلكي يجيب نتيجه طلعت اني يم امي شفت سناء واكفه الوجه اصفر كتله شبيج سناء
سناء:مصعب اريد اكلك شي
مصعب:كولي شكوو
سناء:اا نن ييي
مصعب:شبيج تره مال خلكج عمامي كاعدين مو مال اعوفهم عيب
سناء:لا هيج ماكو شي بس كلبي ماكلني ع فرح
مصعب:الله كريم خل نشوف لوين نوصل
سهى:صعدت داجيب خاولي جديد اخلي يم المغسله علمود عمام مصعب عيب خاولي واحد قديم شفت تلفوني ديضوي رحت عليه لكيته رقم غريب نزلت صعت ع مصعب اجه كتله هذه رقم غريب شفته بتلفوني
مصعب:شو جيبي شلته بس ضليت ساكت اريد اشوف شيحجي
سمعت واحد كال ها حضرتيهن لو لا .....
يتبع...
