((بين نارين))
مصعب:كعدت كتله يمه شبيج عصبيه هسه اني شفتهمت انتي بس كولي شصاير واني انفذ
ام مصعب:اني اريدك تزوج
مصعب:شنووووووو يمه شبيج اخويه صارله ٢٠ يوم من مات وثانيا وهيه الاهم تره اني متزوج يمه اني مصعب مو معتز اني ابو فرح
ام مصعب:وشكلولك عني خرفيت مو اني ادري بيك مصعب وانته مراح تزوج هسه لا وره سنه اخوك
مصعب:يمه شجرالج شنو اتزوج يمه اني متزوج استغفرالله ياربي بكلبي ضليت افكر كلت معقوله امي عقله طار من حزنه ع عصام هاي شدتحجي
ام مصعب:شبيك صفنت شدتكول امي تخبلت
مصعب:لايمه حشاج شنو هلحجي
ام مصعب:زين مسالت ع البنية
مصعب:هههههه الله يعدي هليوم ع خير
ام مصعب:شكلت
مصعب:مكلت شي جاي اسالج منيه
ام مصعب:سهى
مصعب:منو سهى
ام مصعب: يا سهى مرت عصام
مصعب:نتفضت والدم صعد براسي هاي امي شجرالهه يمه انتي كتيهه مرت عصام واني اذا اموت ماافكر بيه نفس اخويه بيه مرته يعشكه حبه وحبته شلون تردين اتزوجهه شلون نفسي تتقبل يمه شبيج شدتحجين
ام مصعب:وابن اخوك
مصعب:احطه بعيني اداري واكبره لو اعرف اصرف عليه دم كلبي هذه ابن الغالي
ام مصعب:سهى صغيره لك مصعب وحلوه واحنه منكدر نكله لتزوجين وظلي ع ذكرى ابنه ولا نكدر ناخذ ابنه ونحرمه ولا نكدر نخلي ابنه يعيش ويه زوج اب
مصعب:من امي حجت هيج نضربت ع راسي يعني شنو يجي يوم واحد ياخذ سهى واحد غريب ياخذ عرض اخوية حسيت ضغطي علك
بس شلون شكول ل اخويه باجر عكبة اموت واذا شفته وعتب عليه شلون زين اني نفسي شلون تتقبل المسه وهيه مالت عصام نايمه بحضنه شلون وارجع واكول اذا غريب اخذهه يمكن اسويه كاتل ومكتول
بعد موتت عصام اني التهيت عن التفكير بسهى كمت ماانظر اله الا وهيه زوجة اخويه افكاري وحبي اله ماكو نمحت جن حزني ع اخويه اقوه من حبي اله او يمكن مااريد اخونه كافي يكفي هو راح ومشاف شي من حياته وياهه
ام مصعب:شبيك يمه صفنت
مصعب:مااعرف يمه
ام مصعب:اني جاي اكلك هيج اول متجيب نفتح الموضوع ويه اهلهه بس اني من هسه كتلك حته شويه شويه تتقبل الموضوع
مصعب:يمه وين اضم وجهي من عصام
ام مصعب:ولك انته دتصون عرضه انته شمدريك اذا تزوجة غريب راح يراعي الله بيه ع الاقل انته داريهه وتراعيه وتحب ابنه لان منك وبيك
مصعب:يمه سدي الموضوع
ام مصعب:يعني شنو
مصعب:يعني ماادري بس مااريد اسمع شي
ومرت الايام وامي تذب حجايه كلما تشوفني كفرتني
اني كمت ماافكر بسهى ابد احس بس افكر عصام حيعرف وعشت بين هلنارين لحد مااجه يوم الاربعين طلعنه وشفت هشام وابو وامه وياهم وحده لابسه اسود من فوك ليجوة راسا نزلت راسي رحت سلمت ع اخوته وابوهه وامه اجرتلهم كيه ورحنه سهى مسمعت الهه حته النفس هيه والماكو سوه و وصلنه للنجف وااااااه يادار السلام شبيك من اعزاز نمشي بلمقبره وباوع ع صور الشباب ودموعي تجري احاول اسيطر ع نفسي مااكدر كل شاب اباوع صورته اشوف بي عصام
وصلنه لكبر اخويه نزلنه وعبالك اول يوم متوفي امي وهنادي وخالتي وعماتي ينعن ويبجن واني ابجي ع نعيهن وباوعت ع سهى نامت ع الكبر وبس جسمه يختض حاس بيه شكد متاذيه ضلت شكد وره وين كوه جروهه شفته لا ايد ولا رجل صعدو بلسياره صاحوني كتلهم روحو عندي حجاية ويه اخوية
رحت كعت يم الكبر واحجي بكلبي ودموعي تجري
كتله خويه تعال شوف حالي ليش عصام ليش رحت كسرتني يااخوية عصام نار بيه مااعرف شحجي وشكول خوية خجلان منك احس سمعت كلام امي وماادري وين اودي وجهي منك بس وعد ياخوي وعد مني مرتك امانه عندي مسحت بيدي ع الكبر كتله عصام ياحيف هلكبر ضم هلشباب بس كلمن ويومة قريتله الفاتحة وبست كبره وشلعت روحي وصعت بلسياره احس ارتاحيت شويه الكل ساكت الحزن مغيم علينه واني متجي راسي ع السياره غفيت
سهى:طلعت ورحت للنجف واني كلما الطريق يقرب كلما نار كلبي تزيد شلون حشوف كبره مااعرف يعني شلون حشوفه جوه التراب ياترى حتحمل و وصلنه نزلت ورجلي متعيني احس بيه برد ع رجفه مااعرف فدشي جان ميخليني امشي وصلت ذبيت روحي ع الكبر واشم بي واتذكر ضحكته وحجاياته ولهفته وكلشي مر كدام عيني واني مجلبه بلكبر وره وين مر وقت واني مشلت راسي نايمه ع الكبر وحاضنته كالو يله خل نروح كوة جروني جر واني بكلبي اكله عصام هاي انته شاهد شلون بعدوني عنك لو بيدي اعيش هنا ياحبيب كلبي ياعشق الطفولة ياحب العمر
رحت صعدت مصعب كال ابقه شويه شفته مكسور كلش مو ذاك مصعب وهيبته رايحة ظهره محني عيونه جواهه اسود عبالك شايب صاير
راح كعد وره شويه اجه ومشينه زرنه ورجعنه لبغداد تغدو اني لكمة مااكلت من وصلت حسيت جسمي يرجف امي شافتني ظلت تبجي وتلطم تكلي ولج حتموتين ابويه يكلي ليش تاذينه شلون مماكله من الصبح وبس بجي وهم رجع حصي طبك كوة يطلع بس اني ممهتمه حته لبطني مهتميتله حملي عليه٣اشهر واني مرحت للدكتوره ولا فحصت وكلشي مشفت
مصعب:من رجعنه من الاربعين غسلت ونمت واجاني عصام ل اول مره بلحلم شفته يبتسم لابس بنطرون وبدي رصاصي ويخبل ذاك الطول والجسم والبشره انطاني محبس وحمامة لبسني المحبس والحمامه بحضني وكلي امانتي ديربالك عليه كتله عصام ليش عفتني خوية همي جبير والحمل ثكل عليه ياخوية هو بس يبتسم وراح راسا فزيت كلبي معصور بس فرحت بشوفته
نزلت صحت هنادي
هنادي:ها خوية
مصعب:شفت عصام بلحلم راسا شفته دمعت
هنادي:مصعب شلون مصعب مداصدك احس اني بحلم وراح اكعد وحبيبي عصام حيطب ويشاقيني ويضوني مثل قبل
مصعب:حبيبتي اقريله فاتحة واني اريد اجيب شي نوزع بثوابة
شفت معتز الي الضحكة متفاركة شلون صاير حته ميحجي
مصعب:معتز خوية شبيك هذه حد يومية احنه لازم نشد حيلنه ميصير واني بلليل عندي موضوع وياكم
معتز:ان شاء الله خوية
مصعب:مااعرف اكو فدشي بداخلي حس بلسكون حسيت اخوية حط بيدي مرته وابنه وراح واني لازم احارب علمود هلامانه
طلعت جبت جرك وزنود الست وبقلاوة انطيتهم لهنادي وكتله خليهن بلماعين النايلون وخل معتز يوزعهن وكلت خل اصعد اشوف سناء هم خطيه هاملهه كلش
سهى:جنت كاعده بلهول اتفرج ع التلفزيون عيوني ع التلفزيون بس بالي لا يم عصام وشلون جان تكون حياتي ويه ابنه وصلت مرحله افكر وابتسم اصنع النه حياة بمخيلتي سمعت الباب ندكت اخوية معن طلع وره شويه طب سمعت امي تكله منو بس هو مرد كمت رحت للمطبخ شفته شايل ماعون كتله معن شنو هذه كال وصوته مخنوك ثواب لعصام اني كعدت ع الكرسي وظليت ابجي وامي تبجي وياي تكلي يمه ميصير كلما يثوبوله هيج تسوين
كتله يمه خل اروح اقره قران من موت عصام اهواي كمت اقره قران واصلي وختمت وهديتله اياه بس مشفته بلحلم بعد من المستشفى بعد مشفته
مصعب:عمام وره كتله عصام مسكتو ظلو ينبشون الان عرفو الناس الي دخلو علينه للمجمع ابنهم مطلوب ثار ومتصوب وعاند عصام اله يسويله اسعافات اوليه الي طالبيهم بثار كتلو
واجه عمي يحاجيني نسويه كعده عشاير
مصعب:عمي اذا هو اخوية راح كعدتيش الله يجازيهم حوبته متتعداهم لان كتلو نفس بغير حق
العم:شنو بويه تريد دم ابنه يروح هيج
مصعب:عند الله ماكو شي هيج يروح
عمي سكت اني مااحب ذني سوالف العشاير ناس ولا تدخل عقلي فصليه ودم وثارات العالم وين وصل وناس هنا بعده تحجي بلعشاير
راح عمي وبدت الايام تمشي وصار ٦ اشهر ع موتت عصام الي عرفته سهى متطلع من البيت حته دكتوره متقبل تروح هنادي يومية تروحلهه ومن تجي اشوفه مرات العيون مورمة وحمر اعرفهن باجيات واساله لهنادي شلونه سهى تكلي زينه
اروح ل ابوهه اسال دائما واكله مرت اخوية شتحتاج اني حاضر بس مشفته اخر مره بلاربعين بعد حته ملمحته شفت امي تريد تكوم رحت ساعدته كعدته ع الكرسي المتحرك هيه من ضربته الجلطه مصحت وصار عدهه شلل نصفي كعدته كالت اريد اروح اشوف سهى
مصعب:يمه مو اولت البارحة يمهم شعندج رايحة
ام مصعب:بعيون مدمعه اشم بيه ريحة عصام وديني مصعب ارتاح من اشوفه روحه جانت بيه
مصعب:كتله يمه لعد شلون تردين ازوجة
ام مصعب:لعد تريد انحرم منه ومن حفيدي وتصير للغريب لا والله سهى متصير اله الك يمصعب او لو اني لو انته
مصعب:اخذته دكيت الباب طلعلي مهند سلمت عليه ودخلنه
كال خل انطي خبر للوالد
سهى:فاتت ايام ومرت ليالي واني مثل مااني حزني مخف وحالتي النفسية صفر من مات عصام جان عليه شهر ونص حامل تقريبا هسه عليه ٧اشهر بطني كبرت وثكلت واني مرحت طبيبه امي تلح عليه واني مااقبل متدري اني مااكدر اروح وعصام مو ويايه شلون اروح وليش داروح جنت كاعده بغرفتي صعدت امي كالت ماما تعالي عمتج وحماج جوي يريدون يشوفوج من كالت حماة كلت معتز لان دائما يجي عليه يسال مصعب مشفته من يوم الاربعين وهو هم يضوج مني مدري شبي وام مصعب صارت روحي بيه من اشوفه تحضني وتشمني واني ابجي وهيه تبجي عبالك هستوه عصام مات
نزلت طبيت وشفت مصعب هاي شصاير بي ضعفاااان كلش سلمت ورحت حضنت خاله ونفس كل مره الان بابا حجة
حسين:سهى كافي بابا حته خالتج موزين عليه كافي فدوه رحتلج يابابا مودمرتينه والله
ام مصعب:حجت كالت ابو هشام اني جايتك بشغله
مصعب:خرب اني لوني نخطف كلت بس لا تحجي بشغله الزواج لا يمه دخليج مو وكته
حسين:كولي ام مصعب اني اخيج وتامريني
ام مصعب:مايامر عليك ظالم بس اني جايه اريد اخطب سهى لمصعب
صار هدوووء والكل نصدم
حسين:شكلتي ام مصعب
ام مصعب:مثل مسمعت حجي بنتك صغيره وحامل باابنه واحنه منقبل نحرم ولد من امه ولا نكدر نخلي ابنه يربى عد غريب ولا نكسر بخت البنيه ونكول تضيع شبابه وره ماابني مات
سهى:احس روحي بردت كلش
كتله خاله انتي منو انطاج الحق تخططين حياتي
حسين:سهى عيب شنو هلاسلوب
سهى:سمعو كلكم اني يحرم عليه رجال من بعد عصام اصلا ماكو احد يمله عيني بعده وانتي اذا همج ع ابنكم الي بطني اني اهون عليه انطيكم اياه ولا اخلي واحد غير عصام يلمسني بحجة ابني سمعتو لو لا بعلو حسي عطت اني العصام واذا حاولتو وياي اكتل روحي وماعندي مانع مراح اخسر شي وصعدت
مصعب:اني صافن شفته من تحجي حته متباوع عليه ولا جني موجود وشفته كامت ترجف ماكو شي اكدر اكوله بس الله يسامحج يايمه شسويتي ظلت امي تحجي ويه ابو هشام كله ام مصعب انتي طرحتي الفكرة وخل ندانش فكرنه وهم بعد شهرين هيه تجيب ويصير خير
مصعب:من رخصتك عمي يله يمه خل نرجع رجعت للبيت
صعدت فوك شفت هدوء كلت يجوز فرح نايمه تقربت من الباب سمعت ضحكة سناء بس شلون ضحكة استغفرالله مسامعه هيج ضاحكة قبل ظليت واكف وره الباب واسمعه تكول حبيبي كلشي يهون لتخاف تعدي
اني هنا جمدت حبيبي شنو ظليت اسمع كلت خل لا اظلمهه سمعته تكول حروح لبيت بت خالتي متجي هناك تره مشتاقتلك والله اني هنا بداخلي بركان ظليت اردد استغفرالله استغفرالله نزلت للهول افكر عبالك واحد ضاربني ع راسي شنو سناء تخوني واني اكول هاي البنيه مااتقربله ايام ومن اجي احسه ولا جن صار فتره ممتقربله عادي عدهه ومرات احسه بارده بعدين راح بالي ع بنتي زين اني هسه اذا فضحته سمعتي شلون وبنتي شلون ربي شو هلاختبار ظليت بحدود الساعه وصعدت فتحت الباب من شفته ركضت عليه جانت متمدده كامت كالت شبيك مصعب كتله تلفونج وين صفريت كالت شسوي بي ركعت راسه بلميز نشك ودم ظل ينزل من كصته كتله ولا نفس تلفونج لا ادفنج هنا ومحد يدري بيج ظلت تبجي وتتوسل مما اكدلي ان كل الي سمعته مو شك انطتني اياه وفتحته وجان اشوف......
يتبع.....
