((بين نارين))
سهى:بدينه نحضر للعرس وهم انتظر القبول واشوف شطلعلي الي خدمني السنه الي تخرجت بيه جانت المعدلات موعالية كلش فلقبول جان زين
ونخبصت يوميه نطلع للسوك اجهز وعصام يجهز الغرفه وكال نروح للفندق بيوم العرس اني اضوج بس هو عاجبة اهله حبابين بس سناء تضوج مني كلش مادري ليش من اروح بس تبسمر وتذب حجي اني اتجنبه
ومصعب بس يخزر بيه مدري شبي اليوم معزومه يمهم امه كايله لعصام جيب خطيبتك خل تتعشه يمنه وجنت داحضر روحي لبست بنطرون جينز وفوكاه قميص قصير كلش وفوكاه يلك اسقيات طويل يغطي الورك لان اني صاحبة ورك وعصام ميقبل البس قصير خليت مكياج خفيف واجاني عصام ورحت همه مقابيلنه
اول مطبيت شفتهم بلهول معتز وسناء وهنادي ومصعب وامهم سلمت ردو السلام مصعب مرد وبس يخوزر بيه مدري شبي شكد اكرهه كبر حته كبر
عصام كعد وصاحني
عصام:مرتي حبيبتي تعالي كعدي بصفي
سهى:خجلت مشيت عبرت سناء جان بصوت ناصي تكول شنو هلواكة مدرت بال رحت كعدت بصفه راسا كمش ايدي
عصام:اكلج حبيبي منصعد نشوف الغرفه
سهى:ادري شتريد تختلي بيه لا مااصعد
عصام:لج حته عقد محكمة عقدنه مو بكيفج بس بوسة شرايد قابل
سهى:ضحكت ونزلت راسي ويه رفعته شفت مصعب يباوع عليه وجه احمر ويخوز بكلبي كلت هذه شحيخلصه وياه كاتله واحدمن اهله وماادري
عصام:وين صفنتي ياروح عصام
سهى:وياك حبيبي
عصام:سهى والله لخليج اسعد وحدة بلدنية طلباتج اوامر والي يدوسلج ع طرف اعتبري ادفنه والله لخاطر عيونج
سهى:هههههههههه الله ليحرمني منك ردت اخلص من مصعب كتله حبيبي شوفني الغرفه هو راسا كام
عصام:كومي يله
لزم ايدي وكال هسه نجي تشوف الغرفه صعدت فوك وطبيت فتح الاضويه شفته تخبل حديثه اني مرحت وياه من جابهه لان ذوقنه واحد وجنت ملتهيه بغير تجهيزات
عصام:سديت الباب ورحت من وره حضنته واشتعل جسمي نار لج صدك نهايه الاسبوع عرسنه مااصدك سهى
سهى:خليت ايدي ع ركبته منا ومنا تعلكت بيه وكتله ليش مصدك ياروح سهى
عصام؛تعلكت بركبتي بعد متحملت راسا بسته من شفايفه وبعنف اذب حركتي بلشفايف لان ماعندي غير حل
سهى:دفعته عصام حبيبي اذيتني
عصام:شيجيب نهاية الاسبوع لج شهر مااطلع من الغرفه
سهى:هههههههه
عصام:اروح فدوه لهلضحكة
اريدج يوميه تلبسيلي شكل وتفترين كدامي
واريد اللبس كله مغري ومن ذني الي هن والماكو سوه
سهى:هههههههههههههههه شكد طالعه عينك
عصام:ضلي ضحكي وشعليني شعل سهى سؤال
سهى:كول حبيبي
عصام:تعرفين تركصين
سهى:اصلا اني ام الركص
عصام:اخ الله لا الله عليج
سهى:اي والله اعرف
عصام:تركصيلي وبهيج جسم غير اخرب واموت
سهى:والله اركصلك وشيعجبك اصير
عصام:لالا امشي نطلع بعد مااتحمل
سهى:هههههههههه
عصام:اشتعلو اهلج
خلصنه عشه وعمتي حجت ع امور العرس وتفقنه ع كلشي ورجعت بهلاسبوع طلع قبولي طب اسنان
و اجه يوم الحنه كعدت الصبح هوووسه وراسي يوجعني تعبت كلش لان الوقت ضيق احجي ع عصام بكلبي اكول اكو واحد هيج مستعجل وهم جتي هنادي
وركض ركض رحنه للصالون ورتبتني تسريحة ومكياج لبست بدله جويتي هنادي تكلي كمتي تضوين وعندي فستان احمر بلبيت كلت ابدل كتله يله هنادي خابري ع احد يجينه
عصام:واجه يوم الحنه واني امشي واتمركص وكل شويه مصعب عايط عليه واني مداير بال فرحان كلش جماعتي هم مقصرو نخبصو ويانه وصارت هوسه بهوسه
خابرتني هنادي كالت خلصنه تعالو مكدرت اروح مخبوص وبعدني ممخلص طلعت شفت مصعب
كتله مصعب جيب البنات من الصالون شفته صفن
مصعب:هسه اروح
طلعت واني محترك حرك حركت السياره طلعت من الفرع وكفت خليت راسي ع الستيرن احس بعد مااكدر لهنا حدي اول مره احس شي نزل ع خدي دمعه معقوله نزلت دموعي علمود سهى لا ممعقوله رجال شطولي شعرضي هيج ممرتاح يربي ممرتاح اريد اصرخ اريد افرغ الي بكلبي شغلت السياره ومشيت
وصلت للصالون دكيت ع هنادي كتله طلعو
هنادي:يله سهى اجه مصعب
سهى:اهوووووو ليش مصعب
هنادي:حبيبتي انجبي وامشي
سهى:عروس وتكليلي انجبي لعد من اعتك شتسوين
هنادي:هههههههه دطلعي طلعي
طلعنه وصعدنه اثنينه ليوره اباوع بلمرايه مصعب ابد مشال عينه مو مثل من لزمنه خط ابد بس باوعت عيونه حمر بكلبي كلت هذه شبي مريض نفسي اخاف
وصلنه ونزلنه عافتني هنادي وراحت لبيتهم وبدت الهوسه واني راسي صار طبل اريد بس تفض والاغاني والركص بنات عمي وبنات خوالي وخالاتي لعبن لعب تمنيت عندي اخت وياي بهاي اللحضه اليوم عصام ميجي لان هناك يحنو واني هنا يحنوني
شو كاعدين كالو العريس يريد يطب اني كلت مو كال مااجي امي كالت شلون ميشوفج وانتي طالعه بهلجمال عرفت هية دازه عليه
دخل عصام
عصام:ع اساس مااروح كلت حنة بنات خل ياخذون راحتهم بس طلعت امه دزت واحد عليه وشاورتني كلتلي اذا متجي تشوف سهى عمرك خساره ضحكت كتله عمه اني ناقص ضحكت
دخلت وششوف ياربي شنو هاي ملاك والله ملاك
كعدت بصفه راسا شاورته بويه باجر شيخلصج مني
شفته صارت حمرة دم
