((بين نارين))
سهى:حياتي ويه عصام تخبل مفديوم ختلفنه ع شي مرتاحين طبعا عمتي من وره نك سناء قسمت الشغل مع العلم اني الي شفته سناء متشتغل بس مااعرف ليش تضوج مني جنت كاعده الصبح كلعاده الدوام بعده مبادي غسلت ونزلت الولد يفتحون المجمع الظهر لليل يعني الصبح همه بلبيت
سهى:صباح الخير
ام مصعب:صباح النور حبيبه تعالي تريكي
سهى:لاخاله انتظر عصام يكعد
سناء:شوف العياره
سهى:ظليت ساكته شردهه سمعت مصعب من وره صاح سنااااء
هيه عبالك مو وياهه صاح وفشله كدامنه ابد يمكن هاي ماعدهه احساس كالت ها كله تعالي للغرفه
راحت
مصعب:سناء شنو هلحجي الماصخ بيج خير صيري مثله
سناء:ليش يمه عشتو اصير مثله تريدني اصير لوكيه
مصعب:اي صيري لوكية اذا سهى لوكيه صيري لوكية شوفيه متتريك اله ويه عصام مرتبه ونظيفة وتحترم رجله ودلله انتي شبيج اكلج كومي سهري وياي تكلي اسهر وحدك اكلج كومي سبحي ولبسي الدشداشه الجبته تكليلي البارحة سبحت شوكت تحسين لخاطرالله
سناء:اني هذه طبعي مصعب مااحب انزل نفسي ل احد
مصعب:ليش انتي اذا تهتمين بيه وبنفسج علمودي يعني دتنزلين نفسج هاي منو معلمج هلسوالف
سناء:محد معلمني هاي طبيعتي هسه انته شتريد من الاخير
مصعب:باوعت ع الغرفه كاتله الوصخ كتله نظفي الغرفة
سناء:ان شاء الله
مصعب:ضجت كلش هاي ليش متحس صدك جذب سبيه يعني متعرف الرجال شيحب
جاي انزل وسمعت عصام صاحني
عصام:مصعب فدوه تعال رايدك بشغله
مصعب:شفته بلغرفه يعني يريدني اطب للغرفه كلبي مدري شصارله احس البيت كله ديسمع دكاته ليش هلعذاب يربي كتله جيت
ياالله
عصام:فوت خوية فوت
مصعب:طبيت للغرفه وكفختني ريحة تخبل ريحة نظافة وباوع الغرفة نظيفه تلمع وسهى واكفه يم عصام
كتله ها عصام خيرك
عصام:خويه هاي سهى محبسه وكع ودخل جوه الكنتور بس شويه ويايه نزيحة حته نطلعه
مصعب:صار يله جره
جرينه الكنتور سمعته كالت اوكف عصام خل انظف وراه كله نظيف يمعوده مصارلنه زمان قبل لنشد الغرفه نظفته كله كالت ميخالف ركضت جابت وصله بلماسحة ومسحت وره الكنتور وراحت رجعنه الكنتور
كتله رايد شي خويه بعد
عصام:لا خويه مقصرت عاشت ايدك
مصعب:نزلت واني فاير هاي سناء تالي وياهه طبعا مدتساعدني انسه ابد
طلعت او بلاحرى انهزمت وراهه رحت للمجمع بلليل واني وراجع بلسياره شفت محلات مفتحة وكفت يم محل نساءيات نزلت كلت اجيب شي لسناء شتريت ثوب نوم عجبني كلش وعطر وعلبة مكياج كلت هسه تفرح تحب هلسوالف
ورجعت للبيت عصام كام يركض للبيت من تزوج لليوم دخلت وصعدت ليفوك شفت باب غرفه عصام مفتوح والضوه هافت كلش بيه ومشغلين شموع وريحة تخبل درت وجهي ورحت لغرفتي فتحت الباب شفت سناء كاعده تكرز حب ع الجربايه خاله صينيه بس لازم تزرع داير مداير الصينية
كعدت كتله ها شنو محسيتي من جيت تحجي وتباوع التلفزيون وتكرز
سناء:لا حسيت بس هاي الحلقه بلمسلسل اليوم تخبل
مصعب:دطفي وهاج شوفي شجبتلج مديت اله الجيس
جرته من ايدي وخلته وراهه وكالت
مشكور بدون حته متباوعلي كتله شنو السالفه شو مشكور كومي سبحي ولبسي كالت هسه خل تخلص المسلسل
سهى:اليوم ردت اسوي مفاجاه لعصام تذكرت من كلي تعرفين تركصين واني بلجهاز شتريت دشداشه مصري ام الليرات نظفت الغرفه وشغلت اضويه التيبلم وشغلت شموع ام العطر الريحه تجنن خليت التلفزيون ع اغنيه بليوتيوب طلعته ع التلفزيون ونصيته بحيث بس الي بلغرفه يسمع لان غرفه مصعب بصفنه عيب يسمع ورحت للحمام عفت باب الغرفه مفتوحة سمعت واحد صعد وكف كلبي عبالي عصام وبعدني ممتحضره مديت راسي شفت مصعب توه فات لغرفته كلت حمدالله مو عصام طلعت وفتت للغرفه بدلت ومكيجت خفيف وشسورت شعري وكعدت اكلب بلتلفون شوية وفات عصام تفاجاه كال لج هاي شنو
سهى:كمت وشديت الوصله وجريته جنت فارشه دوشك بلكاع مرتبه كعده كعدته
وشغلت الاغنيه وبديت اركص وهو صافن بديت اركص وره شويه حسيت عصام وجه تغير كام لزمني
عصام:لج اني موتي ع ايدج هاي شمسويه اليوم ومنطاني مجال عبالك محرم وعشت ليله تخبل كل ليله ويه عصام احس بيه احلى من قبله نكلب ع الجربايه خليت ايدي ع صدره كتله حبيبي
عصام:نظر عيني كولي
سهى:مرتاح
عصام:كولي طاير كولي فرحان كولي متونس لج انتي احلى شي بحياتي مابيج نقص كامله مكمله الله يقدرني وسعدج عمري غمزلي جان يكول كثري هيج مفاجاة
سهى:ههههههههههه صار
عصام:اشتعلو لج ضحكتج تجيب التايه ليروح يسمع مصعب عيب
سهى:اي صدك
مصعب:ظليت انتظر واريد اشوف تاليته شنو كاعده واني ولاجن موجود كتله شنو هاي المسلسل متخلص متكومين يله حبيبتي مشتاقلج
سناء:شبيك مصعب بس لحضه كامت راحت للحمام
واني انتظر هسه تطلع هسه تطلع ساعه كمت اغفي طلعت باوعت لابسه الثوب الجبته كتله تعالي
سناء:بس خل انشف شعري
مصعب:اوووووف لج هلامور كون قبل لا اجي تتحضريلي مو تخليني ملطوع ساعتين حته راح الوقت
سناء:اي جيت جيت
مصعب:جتي لزمت ايدهه سناء شكله عادي كتله شنو ممشتاقه
سناء:شمشتاقه مو البارحة نفس هلمنوال
مصعب:هيه كالت هيج واني لعبت نفسيركعت ايده كتله انعل ابوج لا ابو الجابج عليه طلعت
فتت من غرفه عصام واسمع ضحكة سهى ظليت اردد استغفرالله ربي استغفرالله
طلعت كعدت بلباب بتوالي الليل نص ساعه وطبيت لكيت سناءنايمه ابد لا احساس لا مشاعر هو اني هذه حضي فكرت بسهى شسوي ياربي شسوي بعدين كلت هو حل واحد ميصير اثنين
يتبع.....
