((بين نارين))
سهى:كعدنه الصبح اني وعصام نزلنه لكينه اهله كاعدين بلمطبخ بس خالتي ضايجة
عصام:صباح الخير
سهى:صباح الخير
الكل صباح النور
ام مصعب:تعال شوف اخوك شجاي يحجي من الصبح
مصعب:يمه الله واكبر غير اريد استقر
ام مصعب:ليش هسه احنه هسه مسربتيك
مصعب:يمه شنو هلحجي بس اني قررت وخلاص
ام مصعب:وتعوف امك ليش اني شكم واحد عندي هو انتو هل تلاثه
عصام:شكو فهمونه
مصعب:يابه اني قررت راح ااجر بيت وطلع
عصام:ليش مصعب شو البيت مكفينه وجبير وتعرف امك متناماذا مو كلنه ندخل للبيت
مصعب:هيج احسن اني ممرتاح(اااااه ياخوية لو تعرف الي بكلبي يمكن بذاك اليوم لو تكتلني حلال مااكلك لا)
عصام:شو صفنت مصعب
مصعب:لاخوية وياك بس رجاءا لحد يدخل
عصام:براحتك سهى حبيبتي شنو منتريك نداريت لكيته دتخلي الصينيه شبسره هههههه حضرتي الريوك
سهى:ههههههه من جنت تسولف
يله تعال تريك
مصعب:بداخلي بركان فدشي مينوصف ادركت ان سهى من نزوه ولا حب عابر لا سهى فدشي مينوصف عندي من بعدهه ماتت بعيوني النسوان مااكدر ابقه مكابله مااكد حرام وجاي اتعذب كلش الي ديصير فوق طاقتي من يومه بعد محد اعترض ع طلعتي لان شافوني مصر لكيت بيت تقريبا نهايه الفرع مال اهلي طبعا مااكدر ااجر بعيد مااكدر اخلي سناء وحدهه وهم امي لازم امر عليه اشوفه اجرت ورتبته وكعدنه تعبت كلش لان اركض ركض بس اريد اطلع من البيت بلكي مثل ميكولون البعيد عن العين بعيد عن الكلب ومن بعد اسبوع مر ع كعدتي بهلبيت سناء هيه هيه بس فرحانه صحيح كلش معذبتني امشي وكله يمعود شنو هاي شيلي حطي ليش مطابخة شنو هلماعين الوصخة هذه طبعي تعلمت ع امي وهنادي يفرن البيت فر وسهى مثلهن من جتي الا سناء
فديوم اجه عصام كال يله خل نتوكل نروح للمجمع كتله يله رحنه المجمع بي اطباء ومختبر ومضمد المختبر لازمه عصام واحنه دنشتغل فاتت علينه جوكة زلم شايلين واحد مضروب احنه نخبصنه لزمه المضمد وعصام ديفتهمون شبي واحد من الي وياه كله بروح ابوك داوي
عصام:حجي شداوي يرادله مستشفى كله بس اسعافات اوليه سويله
ويه هلحجي دخلت جوكة ثانيه واحد بيهم عاط بينه كلهم اذا عالجتو ثارنه يصير وياكم صفنت وعصام صفن وكلنه نصدمنه شنو هيج ارواح الناس صارت المضمد شفته باك هوى ونسحب بس عصام كله راح اسوي الي اكدر عليه واشر ع الي هدد كله وانته شتريد تسوي سوي
الهدد:كله خوش انته اظاهر منيتك تقربت وطلعو بقو بس اهل الولد المصوب عصام صاح المضمد وسعفو وكلولهم ودللمستشفى
رجعنه عادي مثل كل يوم دوام وبيت ومشاكل سناء تضرب فرح واني روحي تشتعل من اشوف خدهه احمر واحجي ميفيد ادمرت من طلعت ايجار مو شغله فلوس لا ابد قصدي راحتي النفسيه ولو هو اني بكل الحالات متعذب بده دوام الجامعه الي عرفته سهى حامل وهنادي هم بدت اداوم والحياة ماشيه عند الكل اله اني
سهى:كعدت احسب الشهرية شفته متاخره ٣ايام كلت ياربي هيج واطلع حامل كتله عصام قبل لتروح للمجمع اروح ل اهلي فدوه العمره كلي صار مفديوم ضوجني بشي متفاهمين كلش اعرفله ويعرفلي من العيون
وداني اول مراح فهمت امي كالت نروح نحلل فد شويه واني ظليت الوب اجه بابا كبل رحت كعدت يمه وحضنته مهند كال تزوجتي بعد بابا كبري ونفس كل مره بابا يسكته احس حياتي مثاليه داومت بلجامعه بس اخلص دوام اخابر عصام يجي عليه يرجعني يله يروح للمجمع حياة الكليه صح حلوه بس اني مجنت اريد بس عصام ارجع ركض للبيت اخلص شغلي وارتب روحي حته اذا ميصير بينه شي المهم مرتبه وانتظره هاي جانت احلى شي بحياتي
تغديت يم اهلي وامي كالت يله خل نروح نحلل وصدك رحنه واخذو مني دمي وكالو ربع ساعه كعدت انتظر ومر ع بالي من اول مره عصام كلي احبج مرت عليه كل لحضاتي السعيده ومصحيت اله سمعت يصيحون بسمي رحت
كلي مبروك حامل دموع الفرع نزلت من عيني وظليت ابتسم وتخيل شكل عصام اذا عرف طلعنه مريت ع كم محل شتريت شغلات كلت اليوم اسويله مفاجاه من رجعت مطبيت ل اهلي كبل ل عيالي كلت لعمتي وهنادي ظلت تكمز وفرحانه وام مصعب بجت كتلهم لتكلوله اسويه مفاجاه
وحضرت كيكه جنت جايبه جاهزه صغيره وعصاير كرزات رتبتهن ورحت سبحت طبيت للغرفه وسديت الباب شغلت الشموع ولبست فستان مقسم ع الجسم وبي جاكه وحده صفح طويله الرجل كله طالعه واسقيات لونه جويتي من لبسته واني بيضه كلش حلو طلع شسورت شعري وخليت مكياج خفيف باوعت كلت حرامات طالعه جني ذني الكاوليات جان يفوت عصام صفن بوجهي كال بويه شكد مشتاق واجه حضني يشم بركبتي كتله حبيبي
عصام:كولي ياروح عصام
سهى:اريد منك فلوس
عصام:تدللين هذه الكنتور وشكد تردين اخذي بس شسوين بيهن
سهى:اشتري هدوم
عصام:ولج كنتورج مليان
سهى:موالي
عصام:لعد المن
سهى:جريت ايده وخليته ع بطني صفن وراه كال شتقصدين
اقصد حتصير اب
شو هذه عينه دمعت شالني وفرني وحسيت ضلوعي حطك من حضنته ظل يبوس بيه حته شعري باسه كلي سهى مااصدك ولج والله ممصدك ظل يصيح ياعالم حصير اب ومن سهى بعد شريد من الدنيه
ومرت الايام نفسي بدت تلعب الصبح
واجة اليوم الاسود جنت راجعه من الدوام ويه عصام وصلنه كلي طبي هسه اجي هستوني طبيت الكراج وصلت لباب المطبخ ورمي قوي صار اخترعت وكلبي نقبض
مصعب:كاعد روحي طافره مدري شبيه مخنوك وسناء تحومي فوك راسي واني مطايق روحي
سناء:مصعب
مصعب:ها
سناء:بت خالتي كعدته الجمعه
مصعب:وشتردين
سناء:فلوس
مصعب:ماشي
حروح ل امي واشوف عصام حته نطلع للمجمع
كمت وصلت للكراج سمعت رمي قريب كلش وعيطه ركضت اباوع هذه بيت اهلي ركضت وشفت اصعب شي يمكن يصير كدام اخ يشوف اخو الاصغر منه بلكاع مدد وكله دم من فوك ليجوه اباوع امي واكعه بيد معتز الي يبجي وبس يعيط عصام وهنادي الواكفه ملخه روحه وهناك باب البيت وحده كاعده وصافنه مخطوف لونه صحت بكل صوت عصاااااااااااااااام ركضت ع اخويه حبيبي لكيت صدره متروس طلق تهسترت مااعرف شسوي ثواني وسمعت عيطه عيطه سهى وهيه تصرخ لا عصام كوم كوم عصام شمرت روحه عليه والناس التمت واني فاقد مااعرف شلون وشوكت وصلت للمستشفى اجاني الطبيب كلي وقع وقعت واني مااعرف ع شنو
هشام:مصعب البقية بحياتك
مصعب:ها شدتكول
هشام:مصعب كالو يطلعون الطلق من صدره ويسلمونه الجثة
مصعب:رجليه رخت شصار يربي شصار معقوله لالا هسه اخابر ع عصام هو حيرد اكيد لا مستحيل
وراه مااعرف شكد جرني هشام لكيت كيه واكفه وفوكاه تابوت صرخت عصاااااااام ولك خوية كسرت ظهري لك سندي وين عفتني ورحت جرني جر هشام صعدت ورحنه لبيتنه ولكيت ناصبين جادر والعالم ملمومه عمامي وخوالي واولادهم واني مابيه روح روحي راحت ويه اخويه يسلمون عليه ويعزوني واني بس اهز براسي طبيت ردت اشوف امي طبيت واشوفه لابسه اسود خدوده ملخه الوجة احمر الصوت مبحوح وبس تصيح نداريت شفت هنادي نفس الشي وبصفه سهى لاطمات وباجيات وسمعت صوت كالو حينزلون التابوت ركضت كتلهم اني اشيله شلناه طببناه للبيت وتكومن عليه سهى وامي وهنادي كل وحده حجيه تيزاب دينزل ع جروحي امي تكله ولك يمه ابنك تيتم قبل ليجي ولك مو انته كلت داحسب يوم يوم شوكت اشيله ولك يممممممممممه وتملخ بروحة
وسهى تعيط والصوت رايح تكله حبيبي وين عفتني عصام اخذني منو الي من بعدك ليش هيج تسوي بيه عصااااااااااااااااام
وخرت امي وام سهى شالته شيل متقبل ابد كوة جروهه واخذناه وطلعنه للنجف غسلوله وجفنوه واجو يدفنو اني هنا مظل عندي دمع كمت اشيل تراب وخلي فوك راسي شلون حدفع اخوية شلوووون ولكم شلون ودفناه ورجعنه ومرت ٣ايام الفاتحة سهى تخربطت نوموهه مستشفى كالو انهيار عصبي امي واكفه شو وكعت من طوله ركضنه بيه للمستشفى كالو ضربته جلطه واني صافن شسوي ياربي شسوي احس روحي مربط
سهى:صافنه وبس عيوني تتحرك دموع ماكو نشفن اريد احجي احس بلعومي يوجعني باوعت ع روحي لكيت نفسي بلمستشفى جتي امي فوك راسي تمح ع شعري وتكلي يمه رحمينه هذه قدر الله راسا ذكرت الي صار فزيت اريد انطق ماكو صوتي ميطلع مااكدر احجي بداخلي بس اكول عصام حبيبي وين مشتاقتله يربي بردان زين شلون بعد ماالزمه زين وين انام بعد احس روحي مصلخة اجر بهدومي والم بنفسي راسا لزمتني رجفه شفايفي ظلن يرجفن امي تخبلت عباله صار بيه شي صاحت ع الطبيب اجه حجه وياي اريد اجاوب صوتي ماكو اشرتله هو فتهم يعني مااكدر احجي كلي خل نسويلج فحوصات واشوف حالتج كال ل ام بس ع الاكثر من الصدمه والصياح الحنجرة تعبت اندار عليه كلي وحاله نفسيه هم بنتي ميصير هيج كلنه ع هلدرب كال هسه انطيج ابره مهدء ظليت اهز براسي بمعنى لا بس لزمني سسترات اثنين وظربني الابره بلوريد نمت واني نايمه شفت عصام يبتسلملي شتميت ريحته والله شتميته تقدم عليه وجان مبتسم كلي حبيبي خله ايده ع بطني ليش جاي تاذيني
سهى:مشتاقتلك عمري
مكال شي بعد بس ابتسم وصار مثل السراب كمت مااشوفه فزيت وشفته دنيه ليل وامي محضره غراضنه كالت هايمه كعدتي يله لان الدكتور كال بس تكعد سوو خروج وطلعو هزيت راسي يعني اي انداريت ع امي اشارت ع حنجرتي وظليت ااشر عرفت اقصد ع صوتي
مريم:يمه جاي دمرين روحج الدكتور كال هاي من اثر الصياح والبجي كافي يمه كافي حبيبتي ادعيله واقري قران
سهى؛رجعوني للبيت صعدت لغرفتي يارب شلون انسى وهنا كل ذكرياتي هنا كعدت وخابرني وهنا تغزل بيه بلتفلون وهنا وهنا بكل ركن عندي ذكرى وبيه عصام فتحت الشباك وصار كبالي بيتهم دمعي نزل ياربي شلون حتحمل هلقهر ياالله صبرني لزمت بطني وبجيت ابني من حيجي منو يفرح بي وابو ماكو من اريد اجيب معقوله مراح اشوف عصام وياي واشوف خوفه ولهفته ظليت ابجي وعيني ع بابهم شفت سياره غراض وكفت بلباب عرفت مصعب رجع يم اهله حيكعد لان خالتي حالته فدمره سديت الشباك رحت سبحت وتمددت وحدي بجرباية نفر بارده و وحشه نمت عبالك وحدة عايشة بس نفس لامشاعر ولا اي روح بيه
كعدت ونزلت يم اهلي اشوف امي التعبانه وابوية المكسور يباوعلي والدمعة بعينة بس يبتسملي رحت ركض لحضنه اريد امان
شويه ونجمعنه مثل قبل بس اني الي مو مثل قبل مرت ايام عليه اذا اكول سودة احس مجاي انطي حقهه من الضيم والقهر والحسرة الي شفتهن صوتي شويه كام يطلع بس ناصي كلش ومطبك
تركت هلسنه اصلا من البيت مااطلع واجة يوم الاربعين ولبست بوشي واسود من فوك ليجوة واني من قبل يوم دمعي منشف
مصعب:الفتره وره فاتحة عصام جانت صعبة كلش رجعت لبيت اهلي لان امي من وكعت بعد مااكدر اعوفه وتحس البيت فرغ عليه سهى الي راحت ل اهلهه معتز ميكعد بلبيت هو البيت احسة صار يخنكنه و وره ٢٠يوم تقريبا صاحتني امي
ام مصعب:مصعب عندي وياك موضوع ومابي اي نقاش اني مجاي اخذ رايك لا اني جاي اامرك
يتبع....
