سهى:فتحت الباب واشوف سناء بثوب نوم ومعلكة بركبته وهو ملابس فانيله طالع من الحمام بس بلبرموده نصدمت ظليت صافنه ركضت سناء لبست روبه كتله شكد حقير وبغرفتي
مصعب:تعالي لج هذه منو الحقير جريته من ربطته ونزلت عليه ضرب كتله بكل عين وقحة تحجين لج انتي مو ادمية دللتج وشكد جرحتيني بحجيج وتصرفاتج تالي تخوفيني
سهى:من سمعت تخونيني نصدمت كتله اني ماخنتك والكلك شي عليه جذاب
مصعب:رحت جبت تلفونه وشمرته عليه كتله فتحي
سهى:فتحت الجهاز كلبت بي مابي شي كتله مابي شي شبيك مصعب
مصعب:رحت جبت تلفوني طلعت المحادثات وشمرته عليه كتله اقري تقرة وهيه مصدومه شكله مبين مو مال وحدة مسويه مصيبه لان الي تسوي تبين مثل سناء منكرت راسا ظلت تتسول وتتاسف سهى راسا نكرت بس اني ملكيت شي ياكدلي براءته
كعدت بلكاع ونتجيت ع الباب كتلهن ليش تخونني ليش طعنوني بظهري معقوله اني مو رجال معرفت اضبجن سهى تبجي و سناء مدنكة كتلهن اله هسه طلقة براس كل وحدة واكتل روحي وياجن
سهى:قسما باالله اني ماعندي علم بكل هذه ومااعرف منين جاب رقمي الولد تريد تصدك صدك متريد تصدك هاي مشكلتك بس اكلك شغله وحدة مالي عيشه وياك من بعد هليوم
مصعب:كلبي كام يوجعني هاي سهى حبيبتي حب السنين شلون امد ايدي عليه شلون اشك بيه كمت حضنته كتله سهى عمري اسف والله اسف بس شفتي بعينج الرسايل واني من البداية مصدكت بس حتخبل كليلي شلون وصل رقمج اله شلون فهميني
سهى:مااعرف والله مااعرف مصعب
مصعب:ها حبيبي
سهى:طلكني
مصعب:شنووو والله لو تموتين طلاك مااطلك فتحت الباب ونزلت تركض ظليت اباوع ع سناء كتله شايفة انتي الثانيه هاي الحركة اذا سويتيه بهاي ملابسج اخذج سحل ل اهلج وكلهم شسويتي وخليهم يكتلوج خلاص فااحترمي نفسج وعيشي هنا لبنتج وبس شكم سنه اني كبالج شو مسويتي هيج جنت اجديهه منج جدوه عفته وطلعت واني عقلي مخربط مااعرف شسوي ادعي كون بس الله يدليني الطريق الصحيح حاير
سهى:رجعت لبيت اهلي وكبل صعدت لغرفتي شبعت بجي اني ليش هيج حضي رجعت فكرت بحجي مصعب من جمعنه وكال تخونوني يعني سناء خانته وطلكه الان بابا صاحني
نزلت وظل يسال شكو وشصاير
كتله بابا تعال اريد احجي وياك وحدنه
حسين:سدي الباب وكعدي فهميني شكو
سهى:حجيتله كلشي
حسين:هاي احد مورطج بابا تذكري تلفونج بس بيدج محد لعب بي محد ياخذه
سهى:اي بابا بس بيدي لحظه لحظه لا سناء جانت تاخذخ تخابر امه
حسين:هنا مربط الفرس
سهى:بس شلون نتهمه هيج تهمه بابا
حسين:مااعرف بنتي انتظري خل نشوف موقف مصعب شنو
سهى:تذكرت منضرهم بلغرفه مالتي لعبت نفسي منه
مصعب:رجعت بلليل للبيت صعدت للغرفة كئيبة مابيه اي روح اشتاقيتله كلش
شمرت روحي ع مخدته وشم بيه مااريد اصدك سهى تخون مستحيل ونمت حته بهدوم الشغل لا بدلت ولا سبحت كعدت الصبح نزلت لكيت هنادي
هنادي:صباح الخير خويه
مصعب:هلا
هنادي:مصعب اريد احجي وياك بموضوع
مصعب:كولي
هنادي:اني متربيه ويه سهى هاي الشغله الي بالك مستحيل سهى مسويته
مصعب:ادري هنادي بس اكو دليل
هنادي:لو مو دليل لو عشره هم سهى متسويه
سناء:اي عيني هنادي ليش متسويه والرسايل الي بلجهاز شنو جذب
هنادي:انتي معليج كل واحد يشوف الناس بعين طبعه
مصعب:صمي حلكج و ولي منا سناء
هنادي:روح رجع سهى
مصعب:اذا متنحل السالفة ماارجعه
هنادي:لتعقد الامور مصعب رجعه
مصعب:لتدخلين كافي
عفته وطلعت باوعت ساعه ١١ الصبح كلت خل اروحلهم ارجعه اني ماعيش بدونه رحت دكيت الباب طلعلي ابوهه رحب بيه ودخلني
واني انتظرهه تجي مشتاقله كعد ابوهه وحجه
حسين:بوية مصعب شنو هذه الحجي الي سمعته
مصعب:عرفت حاجية ل ابوهه تاكدت هيه بريئه لان الي مسويه مصيبة تخاف وسهى دتحجي وتنكر
كتله عمي الولد دزلي رسايل وشوفني مكالمات برقم سهى
حسين:زين تلفون سهى بي رمز قفل شي
مصعب:لا
حسين:زين تضمضم بي وتتختل شفته
مصعب:لا عمي اني اعرف سهى متسويه انته عود دتقنعني اني اعرف بس الي مخبلني منين جاب الرقم واني جاي احجي فاتت سهى
سهى:سلام عليكم
مصعب:عليكم السلام
حسين:كعدي بنتي ويه رجلج وتفاهمو اني اعوفكم وحدكم
مصعب:اول مطلع عمي وسد الباب رحت حضنته واشم بيه يابه شكد مشتاقلج
سهى:دفعته كتله انته شنو بكيفك تجيبني تشمرني يم اهلي وتروح لذيج مرتك تلعب لعب وياه وع فراشي وتضربني وتتهمني بلخيانه وهسه بكل بساطة تحضن وتبوس ولا كن شي صار
مصعب:اول شي قسما بذات الله اني مصار شي بيني وبين سناء هيه شمرت روحه عليه واني منطيته مجال بيش احلفلج حته تصدكين وداعتج وداعت عصام وفرح وداعت امي ملمسته اصلا لعبانه نفسي منه مااتقبله
سهى:بجيت حضني حيل ومسح دموعي وظل يتغزل ولو تدرين شصاير بيه وانتي ماكو الغرفه تخنكني اريدج يمي مااكدر بدونج والله
سهى:بس اني ماارجع
مصعب:شتردين اني حاضر بس كولي شنو الي يريحج اسوي
سهى:طلكني
مصعب:اله هاي الشغله لحد مااموت انتي تبقين ع ذمتي ميخلصج مني اله الموت
سهى:من جاب طاري الموت كلبي نقبض حضنته حيل كتله مصعب اريد ارتاح شوكت ارتاح ليش اني هيج حضي ظل يمسح ع شعري ويكلي والله انسيج كل هذه والله اعيشج اميره بس انطيني مجال اعرف منو وره هاي السالفه
سهى:خفت اكله ع سناء ليروح يسوي شي واطلع غلطانة
مصعب:يله عمري خل نرجع لبيتنه
سهى:مو اليوم خل تنحل هلسالفه وارجع
مصعب:انسي هلسالفة سهى وخلينه نرجع حبيبتي يله كولي ياالله
سهى:شلون انسى
مصعب:ضحكت كتله اني انسيج وغمزتله
سهى:ضربته ع جتفه كتله خو انته متشبع
مصعب:ششبع صار شكم يوم محروم حرام عليج والله تعالي شو
سهى:يا عزه مصعب شتريد تره احنه يم اهلي
مصعب:تعالي اكلج سالفه تفيدج شبيج
سهى:ها شنو
مصعب:جريته وبسته
سهى:شكد متستحي دوخر
مصعب:هههههه اروحلج فدوه شنو هاي شفايفج متكليلي
سهى:دكافي مصعب دااخجل احنه يم اهلي يمعود
مصعب:هسه شنو متجين
سهى:مااعرف
مصعب:تحضري بلليل امر عليج اخذج
سهى:اوك
مصعب:اشعلو عشيرتي يعني اليوم بحضني
سهى:انته اليوم ناوي تفضحني روح وكمت ادفعه بضهره وهو يضحك بس اني غصه بكلبي منو هيج تهمني واني بشنو مااذيته
بس الي عجبني بمصعب رجعني وهو مشاف اي شي يبرئني يعني لهدرجةواثق بيه كلش فرحت رجعني ومنتظر براءتي تطلع
مصعب:طلعت واني مرتاح رحت للمجمع وكل شويه اباوع للساعه شوكت يمشي الوقت وروحله خلصنه وسدينه المجمع احنه اخر شي مبقه ننتضر الاطباء يرحون وابو المختبر وسكرتير كلهم يطلعون نقفل ونرجع رجعت نزل معتز كتله هسه اجي اجيب سهى واجي
معتز:زين تسوي خوية سهى ماكو منه
مصعب:ادري ههه
رحت دكيت الباب لكيته متحضره كتله يله امشي ابوهه حجه كال ديربالك عليه مصعب كتله بعيوني عمي ورجعنه للبيت اول مشافتنه سناء حسيت وجه يريد يطك من العصبيه عافتنه وصعدت لغرفته كتله سهى شوفي شكو عشه حضريلي الصينيه وصعديه فوك اني اريد اسبح
سهى:ماشي بس اريد اكلك شي
مصعب:شنو كولي
سهى:بسته من خده وكتله شكرا
مصعب:لج انتظري نصعد فوك شتعلو اهلج وع شنو دتشكريني
سهى:لان واثق مني رجعتني بدون متشوف براءتي
مصعب:اشششش لتكولين هيج انتي بعيوني اشرف وانظف بنية يله تره خارط من الجوع
سهى:ابتسمت وكتله هسه احضر العشه بس صعد الجنط وياك
شفت شنو العشه العازلي لمصعب طلعت هنادي شافتني راسا حضنتني وبجت واني هم بجيت
هنادي:سهى والله متت عليج لج ليش هيج حضج
سهى:مااعرف هسه اني بيه عليه والله العظيم هنادي مو اني والله ممسوية شي
هنادي:لج ادري جاي تحلفيلي لو اشوف بعيني هم مااصدك والله انتي اختي شدتحجين
سهى:حبيبتي والله اني هم حاسبتج مثل اختي واعز
هنادي:شدسوين
سهى:احمي لعشى لمصعب
هنادي:دصعدي اني اكمله وجيبه
سهى:لا يمعوده هسه اني اصعده
هنادي:دصعدي كدامي يله بله حجي زايد هسه اني احضرلكم احلى صينية مال عرسان هههههه
سهى:يا طاح حضج هنادي
صعدت مصعب بعده يسبح بدلت اني جنت سابحة ومعدله روحي لبست سيت نوم جديد وجريت الروب لبسته فوكاه وكعدت اعدل بلغرفة
طب مصعب اجه يمي حضني من وره وخله راسه بركبتي يشم ويكلي جوعااااان
سهى؛هنادي كالت صعدي هسه اني اجيب الصينية
مصعب:لج جوعانج مو جوعان اكل
سهى:اي مبين منو كلي خارط جوع
مصعب:ههههههه
هنادي دكت الباب انطتني الصينية كعدت اتعشه تعالي عمري كبالي خل تنفتح نفسي
سهى:هههه يعني بس اكعد كبالك مااكل
مصعب:جوعانه قلبي تعالي اني اوكلج
سهى:لا اني اكل
تعشينه نزلت الصينية شفت سناء بلمطبخ مدري شطكطك
سناء:صدك اذا كالو حظ كحا.....
سهى:انتي صدك متستحين وهم الج عين تحجين رحت ع السنك لملمت الصينية وغسلته وهيه ظلت تحجي وتغلط مدرت بال عفته وصعدت تمددت يم مصعب راسا شال راسه كال هاي شنو
سهى:شكو
مصعب:نزعي الروب
سهى:ههههه ولا تفوتك فايته
مصعب:يله حبابه نزعي خل اطلع قهري بيج
سهى:هههههههههه
وعشنه احلى ليله اني ومصعب ساعه يعاملني بعنف ساعه بهدوء بس احس الهدوء مالته ديضغط ع روحة حته لياذيني
كعدنه الصبح قبل لننزل وسمعنه عيطته سناء جوة طفر مصعب كال هاي شكو ونزل ع السريع
يتبع......
