مصعب:سويت السهى اشش يعني لتحجين ضل يكول الو الووو لج كح... ردي اني كال هيج لو اشتعل النار بيه هاي عليمن ديكول هيج اباوع سهى كامت ترجف سده كتله سهى هذه منو
سهى:والله والله مصعب مااعرفه
مصعب:لعد ليش داك ع رقمج لج انتي تردين تخبليني ضربة راشدي هلكد ماقوي احس ايدي نملت خدرت
سهى:ضربني راشدي نسطرت ظلت بس دموعي تجري اخذ التلفون ونزل ظليت ابجي لحد مشبعت بجي ونزلت وراه شفت سناء هم خطيه بته ماكو هاي لو اني جان تخبلت رحت ادور ع مصعب لكيته بلمطبخ كاعد وخال ايده ع راسه كعدت ع ركبي بلكاع حته اصير بمستواه كتله مصعب مااعرف شديصير بس هلشخص مااعرفه والله مااعرفه لو اعرفه شلون اجي انطيك التلفون خو اني ارد يعني اورط روحي
مصعب:السالفه اكبر من هيج ثانيا شنو قصده حضرتيهن شقصده شحضرتي
سهى:يا مصعب وحق امير المؤمنين اني مااعرفه شحضر
مصعب:بسيطه باعي هسه هذه الحقير يرجع يدك اريدج تجرجري بلحجي فتهمتي
سهى:يعني شلون اجرجره شسوي
مصعب:من يحجي ظلي كولي اي وها وخلي يحجي العنده
سهى:ماشي
مصعب:تعالي فوك ننتظر يخابر جاي اصعد صاح معتز مصعب وين صاعد تعال عمامي يردون يرحون تره ضاجو كالو نبقه ع التلفون كتله هسه جاي نزلت والتلفون بيدي جان يدك نفس الرقم انطيته رفض ونزلت سلمت ع عمامي وكالو شيصير دك علينه لو بنص الليل نجي تشكرت منهم وراحو
طبيت ركض فوك وصحت ع سهى صعدت وراي كتله كعدي
سهى:مصعب بس كلي انته مصدكني لو لا
مصعب:كعدي وانتي ساكته تره اعصابي فلتت لا اروح ارتكب جريمه ضلينه ساكتين وننتظر دك سهى فزت كتله اششش ردي ولترتبكين
سهى:اااالو
المتصل:الو هلا بلحب هلا ليش متردين لو خلفتي الوعد
سهى:ياوعد
المتصل:لالا افه عليج عاد اني خدمتج خدمة العمر اذا جان رجلج مكرن شسويله
سهى:كمت ارجف شفت مصعب كام وكف وياشري كملي بس شنو عيونه صارن و وجه من العصبيه راد يغمه عليه لان اعرف هسه شمراح احجي ميصدك
كتله انته شلون تجيب طاري زوجي هيج
المتصل:ههههههه زوجي الله يرحم لج مو انتي خابرتي تتوسلين وكتلي سويلي هلخدمة وشتريد اني حاضره اني مطلبت منج تجين واتونس بس ردت فلوس اذا متجيبين لفلوس والله اجي بابكم اشهركم
سهى:اني منين اعرفك كمت ابجي
المتصل:سناء بتج يمي تجيبين الفلوس ترجعلج متجيبين الفلوس ابيعه احسن بيعه وتكبر تشتغل بااحلى ملهى هههههه شو هيه تخبل
سهى:ظليت صافنه جره مني مصعب ونزل عليه فشار وعد وصف حجي مسامعته بحياتي واني لازمتني الرجفه وكعدت بلكاع هو سد الخط وفتح الباب ورج البيت رج بصوته وهو يصيح سناااااء ونزل عليه نزلت وراه لكيته لازمه من شعرهه ويضربه راشديات وهيه جوه ايده تبجي وهو يكله احجي لج شمسويه احجي
سناء:مصعب اكتلني وريحني موتني والله مااريد اعيش
مصعب:احجيييييييي شمسويه الولد الي خابر ع تلفون سهى كال سناء واتفاق وفلوس وبنتي عنده احجي حته اتصرف
بس تبجي كلشي متحجي ركعته بلكاع حيل كتله بسيطه رحت جبت التلفون دزيت مسج كتبتله اني اريد اتفاهم وياك علمود بنتي وشكد تريد فلوس حاضر بس نتخابر ونتفاهم وظليت كاعد بلهول انتظر امي يمي مبقت امام منخته وهنادي تبجي تكول كلبي ماكلني عليهه سهى خدهه مصبوغ والعيون حمر كمت عليه جريته لحضني كتله يانظر عيني كون انكسرت ايدي قبل لا امده عليج ياروحي بس اعصابي جانت تالفه اسف والله اسف سهى حبيبي
سهى:ظل يعتذر واني فاصله مو وياه اندب حضي ليش اني هيج وارجع واكول الحمدالله من جاب طاري سناء وبراني اله جان الله واعلم شسوه مصعب خو مايظل هيج وياي ع طول لابد يفقد اعصابه والله يمكن بوكته يذبحني ع القبلة
مصعب:حياتي ليش متردين
سهى:هاهيه مصار شي
مصعب:لزمت ايده وبسته دك التلفون كلنه كمزنه رديت كتله الفلوس شكد متريد توصلك بس بشرط تفهمني كلشي بينك وبين سناء
المتصل:اول شي اريد ١٢مليون قليل مو هههه
وثاني شي ضب مرتك هيه ندكت بيه وكلتلي تعال اريدك بشغله نذب تهمه ع ضرته ع اساس عندي علاقه بيه واخابرك اكلك خل تبتعد عني وان هيه لازكة بيه اني اصلا مااعرفه لمرتك الثانيه بس سناء دكت بيه الناقصه ومجابتلي فلوس كالت ماعندي اذا تريد بدل هذه اطلع وياك وانطيك *******
مصعب:وين اخليلك الفلوس
المتصل:اريده فد ساعه بلساحة الفارغه تعرفه
مصعب:اي اعرفه
المتصل:من استلم الفلوس ارجعلكم البنيه
مصعب:سديته ورحت جبت سجينه ورجعت ع سناء امي وكفت كبالي وظلت تحلفني واني مداشوف كدامي ظليت اعييييط وخري يمه وخررررري اليوم اذبحة هلكلبه ولج انتي شلون هيج تسوين اجه معتز اخذ السجينه كلي اخذه واصعد فوك ابسطه بسطه زينه واني اخابر اهله يجون ونسولفلهم كلشي وهمه خل يكتلوهه خلص انته لتوصخ ايدك وصدك سحلته من شعره الدرج كله سحل للغرفه بسطته بسطه لحد مشفته وكعت كلت ماتت جيت اشوف النبض اكو نبض بس يمكن اغمى عليه عفته ونزلت ع معتز كتله هسه تخابر عمامي شعدهم فلوس خل يجيبوهن وانته روح للقاصه شوف شكد بيه يله خل نلم الفلوس
معتز:اهدء شويه قبل لتكلي خابرتهم وكالو هسه جايين
مصعب:جوي عمامي وسولفلهم معتز اني من كسره وجهي مااكدر احجي
عمامي كالو نذبحةوكل شويه واحد يكلي انته شلون مخليت طلقه براسه اول مره ظليت ساكت كتلهم عوفكم منه هسه خل ترجع بنتي واني اعلمه لمينه الفلوس ورحت ع الموعد الساحة جبيره خليته وخابرته كتله هنا خليت الفلوس كال ذبهن وروح كتله وبنتي كال ارجع شلي بيه تره اني مو عصابه بس مااريد احد يضحك عليه لتخاف كلشي مابيه وكلشي مسويتله وترجعلك سالمه كتله ماشي حذب الجنطه يم التيل وروح
ذبيت الجنطه ورجعت للبيت حته موكفت اباوع ياخذوهه لو لا
سالت معتز وين كالو طلع وراك عبالنه وياك كتلهم لا مو وياي ظليت كاعد والتلفون بيدي عمي ظل يحجي انته شلون تعوف الفلوس وتجي بله اخذه واحد ثاني منين نجيب بعد لك هذه كل العدنه
مصعب:عمي لتخاف تره همه كلشي شافو شافوني وين خليته وشوكت خليته قابل همه ثولان
ظليت انتظر ساعه ساعتين ماكو صارت مغرب وكلشي ماكو وره شويه سمعت صوت بلكراج طلعت لكيت معتز شايل فرح ويضحك اني من الفرحة دموعي نزلن نزله ركضت بحضني حضنته وظليت اشم بيه وابجي وطلعت امي تهلهل وهنادي تبجي وجرته مني تحضن وتبوس وفرح تحضن بينه معتز شمر الجنطه وكال وهاي فلوسكم صفنت هاي شلون جبتهن
معتز:ههههههه لك هذه غشيم عرفته لا عصابجي ولا شي اول مره يدخل بهيج سالفه اول متفقتو صاحبي شرطي سولفتله كلي من يتفقون ع المكان كلي ومعليك عاد انطيته خبر بلاتفاق ومن طلعت انته خابرته وكلي تعال رحت وشفتك من خليت الفلوس ورحت جان واحد وراك ماشي اول مرحت اجه ديشيل الفلوس ولزمناه من اول راشديين دلانه البيت ههههههه اخذنه فرح واخذو الولد هو وابن عمه واخو واني هاي جبتهن وجيت
مصعب:عفيه عليك والله اني جنت دايخ
معتز:ادري بيك جنت مسطور فمدوختك
يابه ع هاي سالفتي متنطوني فد مليون حلالي
مصعب:غير عشه ع حسابي لتتامل
معتز:هم نعم الله ههههههه عبالي حمسح ايدي بلحايط
مصعب:لا نطلع نتعشه بره احنه دنحجي جوي اهل سناء كعدو خرطنالهم الاول والتالي اني احجي ومعتز يشعل وعمامي يحجون اخر شي ابوهه خطية متحمل تخربط اخوانه حارو بي واحد منهم كلي يابه عداك العيب انته ابن اصول بس بتنه وينه جيبه النه خل نربيه صعدت فتحت باب الغرفه لكيته بلزاويه كاعده وعبالك بيه رجفه مادري منظرهه يخوف كتله كومي روحي ويه اهلج مردت جريته من ايدهه وشمرته صارت جوه رجل اخوهه مبقه راشديات مسبه جلاليق بسطه كدامنه وكال مصعب طلكهه اني هم كتله انتي طالق طالق طالق سحله وكلي ربطه وعبايه خله ع راسه بس عبايه واخذه وراحو طبيت جوه كلت لهنادي صعدي شكو شي مال سناء لمي خل اودي ل اهلهه كالت صار صعدت وره شويه نزلت ومنزله الغراض كمت اصعد علاكة علاكة ورحت لبيتهم شفت ابوهه جايبي ضاربته جلطه خفيفه وموزين عليه بعد الصدمات والقهر انطيت غراضه ورجعت فكرت بسهى والله خطية شكد قسيت وياهه رجعت كتلهم بدلو خل نطلع متعشه بره ساعه كلهم خلصو
وطلعنه بقت امي بلبيت كالت اتفرج شويه تلفزيون وانام وصيت اهل سهى عليه لان وحده بلبيت وطلعنه مبقيت شي بنفس الجهال ع شنو يااشرون اشتريلهم
سهى:من بعد مرجعت فرح مصعب رجع مثل قبل يضحك وكل شويه بايسني بس اني بقت غصه بكلبي ضربه الي من يضربني احس روحي مو بشر شكد اكرهه روحي واحس بذله وخصوصا اذا مالي ذنب بشي
جنت صافنه اجه كلي تعالي وياي كتله وين كال هنا يم هذه المحل اشر ع صايغ ذهب رحت وياه طبينه كال اختاري ستحيت كتله اني عندي ذهب مصعب ميحتاج كال لا عاجبني اشتريلج اختار كلاده نازكه كلش تخبل وبيه قلب وبنصه حرفM ضحكت كتله عود الهديه الي حرفك شيسوي بلنص
مصعب:ههههههههه انتي كلج مالتي
سهى:اسكت يمعود ليسمعنه احد
مصعب:شنو قابل شكايل
سهى:ههههه اخذهه وطلعنه شفنه الجهال ديلعبون ومعتز وهنادي تكول جهال وياهم رحنالهم معتز كال هلا بلعشاق خلصتو
مصعب:لك لتدخل جاي ادلل مرتي محد عنده يمي فدشي
معتز:والله يمك عشه اطلع الطلعه من خشمكم اذا مترضيني بلعشه
مصعب:دمشي امشي عمي حعشيك باارقه مكان
وديتهم لمطعم راقي وهادئ الحلو بلجهال معلميهم هنادي وسهى من نكعد ع الاكل لازم هادئين مبهذلونه تعشينه وضحكنه ورجعنه للبيت
صعدت فوك عصام نام بلسياره راسا خليته بجربايه ورحت لسهى دتنزع حجابه حضنته وهيه واكفه كدام المرايه كتله سهى اني اسف
سهى:مصعب عفيه خل ننسه الراح
مصعب:اي انسيج والله اعيشج اميره وشطلبين يجيج درته جاي ابوسه شو هاي دفعتني وراحت للحمام تتقيء رحت وراهه دفعتني وسدت الباب خجلت يمكن كتله شبيج عمري امشي اوديج للمستشفى
سهى:اول موصلنه للبيت حسيت نفسي تلعب ودايخة كلت يجوز خربطت بلاكل من تقرب مني مصعب بعد متحملت ركضت للحمام خطيه هو نخبص ودك رجل امشي نروح للمستشفى وصدك وداني طبيت للدكتوره الخفر كلتلي انتي صارلج شكد متزوجة اخاف حامل باجر سوي تحليل حمل ضليت صافنه طلعت كتله لمصعب ظل يضحك ويكلي مبروك كتلهدخل نفتهم حللتلي من يمك كالت يجوز يجوووووووز مكالت حامل ثاني يوم وداني حللت صدك طلعت حامل مصعب جاب الطريق كله شنسمي وشتردين وشمشتهيه زين ششتريله واهوووو اني بس عصام ومنغص عليه وسالب راحتي هنوب حيصيرون اثنين ويضحك كتله هذه عصام سالب راحتك وهيج لو عصام ماكو شتسوي كال اووووو باب الغرفه متعتبي ضحكت
رجعنه بشرنه امه خطية فرحت وكالت بعد لتشتغلين مسح وتنظيف بس غسل ماعين خلي التنظيف ع هنادي
مرت الايام وعرفت بلسونر بيه ولد مصعب فرح اكثر وكالت اسمي تيم كتله براحتك حياتي صارت حلوه هادئه صح نتعارك اني ومصعب بس عركتنه ١٠دقايق وهو يصالحني تعلمت عليه وكمت ماافاركة واذا رحت ل اهلي كل شويه اخابره اكله تعال شتاقيتلك هو يتخبل
مصعب:وصلت سهى لشهر التاسع وصايره تخبل هيه وبطنه واني طاب طالع ابوس بيه وهيه روحه بخشمع وممتحمله شي واني مااعوفه بحاله وكل مااجي اشم بيه تكلي تره هامله نفسي الحمل متعبني واني اضيع بعطره كل يوم احبه اكثر وتعلق بيه اكثر لحد مال بلليل كبت العيطه وتيم يريد يشرف ونركض للمستشفى وهيه مجلبه بيه سبحان الله الي تمنيته صار اني وياهه بلمستشفى ومسنوده عليه ومجلبه بيه وحامل باابني وتريد تجيب دمعت عيني وظليت احمدالله وشكره طببوهه وطلعت السستر كالت وينه عيني ابو تيم ضحكت رحت كتله بشري كالت الحلاوه انطيته عشره الاف كالت جابت زوجتك ولد يخبل فد شويه ناخذه للغرفه ظليت احمدالله وشكره
سهى:اليوم حفلت التخرج مالتي اني لابسه بدله وفرح مثلي عبالك ام وبته وعصام وتيم ومصعب لابسين قوط فدوه يخبلون خالتي قبل لنطلع ظلت تصلي ع النبي وتقره المعوذات حضرنه حفلت التخرج مالتي جنت طايره من الفرح بعائلتي اكثر من نجاحي صح سلاح المراه الشهاده بس مصعب مو اي رجال مدللي وشكول حاضر يحترم راي ومقدرني الف الحمدالله
مصعب:اميرتي تخرجت واني اشوفه شلون فرحانه الدنيه مواسعتني ارتاحيت هاي عائلتي اخر شي سمعته عن سناء شبه متخبله تحجي شيش بيش وعبالك راجعه طفله وامه داريهه
هنادي طلبه هشام وحسيت اكو حب بيناتهم بس محجيت لان ماطول هشام يعني ابن حلال واعرفه ميضحك ع اختي واجانه من الباب نخطبو وهنادي اشوف الفرحة بعينه هاي كافيتني معتز ميقبل يتزوج باقي بس يكمز وهاي نهاية قصتنه اني وسهى
وبلنهاية اكول عسى ان تكرهو شيئا وهو خيرا لكم
دمتم في امان الله .......
