سنا:مصعب اعيش خدامة الك ول اهلك ابوس رجلك بس رجعني والله بدونك ماعيش
مصعب:هه متعيشين بدوني لج حياتي جانت وياج جحيم لا كلمة حلوه لا هدوم نظيفه ومكويه لا اكله بيه خير مزوجج بس حته كل شويه جيب فلوس وجيب فلوس
سناء:لخاطر فرح مصعب والله اصيرلك خدامة حته صوتي متسمعه والي تامر بي اني اسوي بس رجعني
مصعب:(اهله ميدرون السبب الحقيقي اني ليش طلكته ومااكدر احجي اكتفيت بطلاقه واخذت بنتي) سناء كومي
سنا:خاله احجي كلمه وياه
ام مصعب:اني ماادخل هو الي حيعيش وياج مو اني اني مره جبيره شكد اريد اعيش بعد
ابو سناء:مصعب خلي خاطر لجيتنه وفكر بنتك واحنه يابه نبوس راسك وراس الحجية ونعتذر منكم والغلط الصار بعد ميتكرر وممرجيه منك تردنه
مصعب:لاعمي ماردكم هاهيه
ابو سناء:اي ياعمي الله يحفظك الهم ويخليك خيمه فوك راسهن
مصعب:بس كلمة وهاي كدامكم مرتي سهى اذا سناء داستله ع طرف متلوم اله روحة وسهى ام البيت من بعد امي
ابو سناء:هاي شغله تخصكم احنه مندخل هن نسوانك وانته تمشيهن
مصعب:هاهيه عمي
سهى؛واكفه وره الباب اسمع ودموعي تنزل من وحدهن يعني شنو يرجع سناء والله احركك يامصعب ترجع هاي وتصير ضرتي بسيطه يا مصعب بسيطه
مصعب:راحو جابو الشيخ وعقدت ع سناء وراحو اهله كالوله ابقي احنه نجيب ملابسج دخلت جوة بالي يم سهى هاي شلون مشكله ياربي سهى ممقرصه وياي بشي واني كلش مرتاح وياهه بس شلون مصعب يرتاح اذا اتعلعل ميصير دورته بلبيت ماكو كلت لعد هاي بلغرفه صعدت فتحت الباب لكيته كاعده ع الجربايه والدموع عشره عشره والعيون حمر دم شبت نار بيه مااريده تبجي رحت يمه سهى حبيبتي
سهى:لتكول حبيبتي انته اصلا متحبني شلون هيج تسوي مصعب شلون
مصعب:نحرجت وداعتج نحرجت شسوي مشفتي موقفي بينهم صرت مثل بلاع الموس ياروحي انتي لتصيرين انتي والوكت عليه
سهى؛مصعب انتي مااكدر اتحمل
مصعب:يعني تحبيني سهى
سهى:مو شغله احبك بس اني مااقبل الي يخصني تشاركني وحدة بي كرامتي متسمحلي ليش اني شمقصره وياك حته ترجع سناء وشنو سناء حته ترجعه وتخلي راسه براسي
مصعب:اول شغله انتي الي بلكلب ومحد ياخذ مكانج وثاني شي مااروح يمه ولا اطخه ولا اوصل لغرفته هيه مو كالت جيت خدامه خليه خدامة بس انتي لتضوجين مااكدر ع زعلج والله لج انتي النفس
سهى:ههههه
مصعب:فدوه اروح لهلضحكة سهى متجيبين بوسه
تصبيره لليل
سهى:لا روح السناء مو هستوك عقدت عليه
مصعب:لج يا سناء الجربة اني عندي هلكمر ورح لسناء اله اذا تخبلت
سهى:ههههههه
مصعب:تعالي وياي لزمت ايديه ونزلت شفت سناء كاعده كتله سمعي سناء انتي كلتي ارجع خدامه ويجرالج سهى متتقربيله ولا تقارنين نفسج بيه اخاف عبالج رجعتج يعني تصيريلي زوجة ابد خلي هلحجي بالج اول شي غرفتج مااطبله وثاني شي حجايه ويايه ماعندج تعيشين هنا لخاطر بنتج وبس
سهى:مصعب يحجي وهيه لو بيده تحركني خلص حجي مصعب وكلي حبيبي تعالي فوك رايدج
كتله صار عمري حسيته صفن اول مره هيج اكله اني بس ردت ابين لسناء ان احنه هاي عيشتنه يحبني واحبة صعدت فوك وراه اول مطبيت جرني وسد الباب قفله خله راسه بركبتي كلي اني عمرج ولج والله انتي الي عمري وحياتي وكل شي بهلدنيه سهى شلون مداشبع منج دفعته وضحكت كتله تره بعدني زعلانه لعبالك تقشمرني بكلمتين كلي ها متردين كلام خوش لعد حقشمرج بلفعل ويغمزلي واني اضحك شكد يعجبني من اشوفه كل مره يتقربلي بلهفه عبالك اول مرة يحسسني اني فدشي جبير عنده احس بي صدك ممل مني نايمة بحضنه كتله نمت
مصعب:اممممم
سهى:مصعب اكو ملازم لازم استنسخهن محتاجتهن كلش
مصعب:صار حبيبي انطيني اياهن واني استنسخهن
سهى:شكرا مصعب
مصعب:لتكليلي شكرا اضوج احس روحي مو زوجج واحد غريب
سهى:لعد دكوم يازوجي
مصعب:جريته وظليت اشاقيهه وهيه تضحك اخر شي كتله كومي كافي دلال خرطت من الجوع اريد اكل واطلع يله حبيبتي
سهى؛صار هسه ابدل وانزل اصب
نزلنه سوه وسناء عيونه تريد تطلع واني امشي ع كيف ودلع بروحي هيج بس حبيت اقهرهه مااعرف ليش هيج حسيت معقوله حبيت مصعب لو هذه احاس اي وحده تريد تصير عدهه ضره تشاركة بزوجة حته اذا كانت متحب زوجة مااعرف حرت بااحساسي
تغدينه وخلصنه مصعب بدل وطلع واني لملمت البيت نومت عصام وكعدت اسولف ويه هنادي احنه هسه عدنه عطله اسبوعين نص السنه ولا رحنه ولا جينه دراستنه صعبة حته واحنه عدنه عطله نقره لا طلعه لا ونسة هاي كاعدين نقره ونشتغل بلبيت مصعب يصبرني يكلي بس خلصي جامعه ونكضيهه طلعات و ونسهكاعدين اني وهنادي فاتت سناء كالت لهنادي اكلج هنادي شو الطابق الفوك بي ريحة مجاري تكتل من جنت بي مجان هيج
هنادي:وين اكو اصلا الريحة كلش طيبه هاي سهى بس ترشش عطور جو وتشغل شموع ام العطور بلعكس
سناء:يا خطية دتحير شسوي علمود مصعب بس اريد اكلج شي سهى تره مصعب بلبداية جان هيج وياي بعدين برد كام ميهتم اصلا اتحارش بي وميتقربلي عبالك حجارة
سهى:فورت اني كلت شلون اضوجه يربي اني بهيج مواقف اثول من يخلص الموقف تحضرني كل الجمل الي تبرد الكلب كتله معقوله مصعب هذه مصعب شو اني كل مره احس بي لهفة اكثر من قبله وكلش مرتاحة وياه وهو مااكلج الحبيبي والحياتي متوكع من حلكة
سناء؛كالت انتظري وهسه تشوفين
سهى:ضجت كلش كلت معقوله مصعب صاحب رغبة كلت لا اني لازم اخلي يتعلق بيه هسه اني كلشي مجاي اسويله قررت اليوم اسويله اجواء رومانسيه قبل ليجي حضرت الغرفه شموع وشي هادئ ولبست فستان موديله يجنن اني كل هدومي اخذهن مقسمه ع الجسم ابد مااحب الكلوش والعريض من جوه كله مخصر وشغلت اغنيه رومانسيه هادئه وكعدت انتظر شويه وسمعت صوته صعد ختلت وره الباب اول مفتح الباب من وره خليت ايدي ع عيونه كتله احزر اني منو
مصعب:هههههههههه صدك تحجين صراحة معرفتج
سهى:نداريت صرت مقابيله خليت ايدي ع ركبته تعلكت بي وبسته بركبته
مصعب:شتعلو اهلج
سهى:ههههههه
مصعب:اني مو كد هلدلال تره اتماده
سهى:وهو المطلوب
مصعب:دتعالي لعد
سهى:دوكف لتخرب اللحظه تعالي نركص شويه خلي ايدك ع خصري
مصعب:اخلي ليش لا
سهى:ههههه خليت راسي ع صدره وركصنه شويه وهجم مصعب خرب الهدوء وكلشي تمدد واني بصفه كتله خربت كل هلهدوء
مصعب:ههههه سهى اني كلش مرتاح وياج
سهى:صدك مصعب يعني متمل مني
مصعب:امل منج اكو واحد يمل روحة وحته اذا امل مني روحي ماامل منج اكلج سهى شنو مصار عندج حمل صار اهواي ع زواجنه شو كلشي ماكو
سهى:والله حبيبي ماادري
مصعب:كمزت شكلتي
سهى:اسم الله شبيك
مصعب:شكلتي عيديه
سهى:شبيك صدك جذب كتلك ماادري
مصعب:لاقبله
سهى:هاااااا ههههه تره هاي هيج عفويا طلعت
مرت بينه ايام احس سناء مو خاليه اكو شي ديدورباله بس مجنت مهتمتله مره طلبيت جهازي كالت سهى عفيه بس اخابر امي لان تعرفين ماعندي جهاز انطيته اياه اخذته وراحت للغرفه اني مركزت كلش وره شويه اجتي انطتني اياه
وعادي وصارت كل مره طلبه واني اكول خطية خلي تخابر امه
مره جنت كاعده بلهول طب مصعب عيونه براسه وصاح بعلو حسه سهى وين مبايلج كتله فوك تلفوني ليش وطفر سوه الدرج طفرتين صعدت وراه كلي سهى مهيمن بعد هم ضايقج كتله لا اصلا مشفته بعد والي عرفته نقل لغير جامعه
مصعب:اممم منا وجاي تلفونج يظل يمي محتاجة
سهى:مصعب شكو
مصعب:لمي هدومج مااريد اسوي شي واندم عليه
سهى:الم هدومي وين اروح
مصعب:ل اهلج
سهى:يعني شنو
مصعب:يعني بدون اي حجي زايد لمي هدومج وروحي ل اهلج جم يوم واجي عليج وصوتج مااريد اسمعه و وجهج مااريد اشوفه
سهى؛كمت ابجي والم بملابسي
وداني ل اهلي وراح ظلت امي تسالني وحلفتله ماادري هو كلي روحي ل اهلج جم يوم واجي عليج
مصعب:جنت بلمجمع دك جهازي رقم غريب شلته صوت ولد كلي انته مصعب كتله نعم تفضل كلي هذه الرقم وردلي اياه كلي تعرفه اني حافظه رقم سهى هذه كتله شبي هذه الرقم كلي رقم بنيه ودتضايقني تتصل بيه ليل نهار يعني بتليت ع عمري سويت وياهه علاقه عمي علاقه عابره اذا متكف بلاهه عني والله انشر صورهه وافضحكم فضيحة كتله اوكف انته شدتحجي
كلي اعرف انته رجله وهيه مسولفتلي عنك حته شغلك اندله فلتخليني اسويلكم مشاكل الزم مرتك عني
مصعب لك ساقط شنو تجيب اسم مرتي ع لسانك والله ثم والله امحيك
الولد؛هسه ادزلك سكرينات بلرسايل والمكالمات
مصعب:متحملت رحت فاير للبيت بس اني متاكد سهى ماعدهه هيج شي كل تصرفاته مبايله نادرا ماتلزمه واني اعرف رمز جهازهه واهواي اكلب بي كلت اكيد اكو شي غلط ظليت استغفرالله ولعن الشيطان اريد اهدء حته لا اخرب الاول والتالي وصلت للبيت خليته تروح ل اهله لان ماامن نفسي اضربه واذيه ادري بروحي اذا ظلت كدامي بقيت جهازه عندي بقه بلغرفه دزلي الولد السكرينات مفتحتهن ولا قريتهن ظليت فكره توديني وفكره تجيبني كلت خل اراقبه كم يوم بلدوام وصدك عفت شغلي وكلشي وبقيت وراهه وراهه ماعدهه شي من البيت للجامعه ومن الجامعه للبيت ظليت حاير مااعرف شسوي شلون اعرف الصدك من الجذب مادري رجعت للبيت راسا سناء صارت بوجهي اني تعبان
سناء:الله يساعدك اصبلك غده
مصعب:صبي
سناء:صار هسه اصبلك
مصعب:حروح اسبح اوكفي بعدين صبي
سناء:اوكي
مصعب:صعدت اسبح منتبهت سناء جانت لابسه روب طبيت للحمام من طلعت شفت سناء كبالي كتله خير نزعت الروب وجانت لابسه ثوب نوم مغري وجتي حضنتني دفعته كتله تره لعبانه نفسي منج وخري عني
سهى:ظليت كم يوم الوب ليش هيج عافني جنت صافنه الظهرية امي كالت اكلج سهى هو مصعب هسه راح للشغل لو بعده كتله لا بعد كالت لعد روحي حاجي فهمي شصاير كتله يمه اخاف يصير عصبي كالت لا ميصير كومي روحي هذه زوجج ميصير هلكد تعوفي فراشكم يبرد
كتله يعني شنو كالت يعني يتعلم ع فراكج كتله يله هسه اروح لبست ورحت لكيت هنادي وام مصعب بلمطبخ بس سناء ماكو سلمت كتلهم مصعب وين كالو فوك ديسبح صعدت وصلت للغرفه فتحت الباب وجان اشوف.....
يتبع...
